عاوزه تتجوزي حل سهل

[حواء غرابيل]

ربي اني لما انزلت اليك من خير فقير

قولي بس الدعاء دا
قوليه يالا دلوقتي
قوليه وانتي من جوا قلبك عارفه ومتأكده ان ربنا هيحققلك دعوتك اللي انتي عاوزاها
قوليها وانتي عينك دامعه وقلبك خاشع والاهم من كده انك تكوني قبلها فرجتي عن معسر

طبعا انتي مستغربه ايه الدعاء دا وايه علاقته بالجواز دا حتي مفيهوش يارب اتجوز بكرة يارب اتخطب يارب ارزقني بالزوج الصالح
وممكن تكوني هتقوليه اهي اي دعوه لربنا فيها ثواب واقوله كروته وخلاص
انا هقولك حل الحاجتين دول ف حكايه واحده بس معلش لو طولت شويه صغننين مش كتير

بس الاول ادعيلي دعوة كويسه من قلبك


طبعا كلنا عارفين سورة القصص صح
صح
ما حد يرد صح ولا لا؟................طبعا كلنا الحمد لله عارفينها بس مش كلنا حافظينها عشان كده هفكركم بكام ايه فيها ركزو معايا كده وانسو اي حاجه حواليكم دلوقتي
يقول الله عز وجل::::

فَخَرَجَ مِنْهَا خَائِفًا يَتَرَقَّبُ قَالَ رَبِّ نَجِّنِي مِنَ الْقَوْمِ الظَّالِمِينَ (21) وَلَمَّا تَوَجَّهَ تِلْقَاءَ مَدْيَنَ قَالَ عَسَى رَبِّي أَنْ يَهْدِيَنِي سَوَاءَ السَّبِيلِ (22) وَلَمَّا وَرَدَ مَاءَ مَدْيَنَ وَجَدَ عَلَيْهِ أُمَّةً مِنَ النَّاسِ يَسْقُونَ وَوَجَدَ مِنْ دُونِهِمُ امْرَأتَيْنِ تَذُودَانِ قَالَ مَا خَطْبُكُمَا قَالَتَا لَا نَسْقِي حَتَّى يُصْدِرَ الرِّعَاءُ وَأَبُونَا شَيْخٌ كَبِيرٌ (23) فَسَقَى لَهُمَا ثُمَّ تَوَلَّى إِلَى الظِّلِّ فَقَالَ رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ (24) فَجَاءَتْهُ إِحْدَاهُمَا تَمْشِي عَلَى اسْتِحْيَاءٍ قَالَتْ إِنَّ أَبِي يَدْعُوكَ لِيَجْزِيَكَ أَجْرَ مَا سَقَيْتَ لَنَا فَلَمَّا جَاءَهُ وَقَصَّ عَلَيْهِ الْقَصَصَ قَالَ لَا تَخَفْ نَجَوْتَ مِنَ الْقَوْمِ الظَّالِمِينَ (25




ها اخدتي بالك من حاجه؟
لو اخدتي بالك وفهمتي المقصود هتحصلك كذا حاجه اولا========جسمك كله هيقشعر
ثانيا=========== هتلاقي نفسك بتقولي سبحان الله لوحدك
ثالثا===========عينك هتدمع
رابعا===========هتقعدي تدعي الدعوة دي بالطريقه اللي قلتلك عليها ف الاول وانتي صاحيه وانتي نايمه وكل ما تشوفي واحده بتتجوز وعينك تبقي هتطق علي عريسها
لو بقي مأخدتيش بالك انا هشرحلك
في الاياات دي واللي قبلها واللي بعدها ربنا عز وجل بيبلغنا قصه سيدنا موسي بدون الدخول ف تفاصيل القصه سيدنا موسي بعد ما قتل الرجل في مدينته وهرب وراح مدين كان واحد مطرود وجعان ووحيد واحد لا يملك اي شيء ولا اي امل ف الحياة


عَنْ اِبْن عَبَّاس , قَالَ : لَمَّا هَرَبَ مُوسَى مِنْ فِرْعَوْن أَصَابَهُ جُوع شَدِيد , حَتَّى كَانَتْ تُرَى أَمْعَاؤُهُ مِنْ

ظَاهِر الصِّفَاق ; فَلَمَّا سَقَى لِلْمَرْأَتَيْنِ , وَأَوَى إِلَى الظِّلّ , قَالَ : { رَبّ إِنِّي لِمَا أَنْزَلْت إِلَيَّ مِنْ خَيْر فَقِير }

قَالَ هَذَا وَمَا مَعَهُ دِرْهَم وَلَا دِينَار.

ربنا بقي عز وجل بيدينا المفتاح اللي سيدنا موسي استعمله عشان يفك كربه بيقولنا الحكايه ومدينا من خلالها مفتاح لمشاكلنا والذكي يفهم ويطلع من خلال القرأن الكريم المفاتيح دي المهم نرجع لموضوعنا ربنا عز وجل بيقول

فَسَقَى لَهُمَا ثُمَّ تَوَلَّى إِلَى الظِّلِّ .................سيدنا موسي عليه السلام عمل الخير وساعد البنتين وفرج عنهم ادي نمرة واحد
فَقَالَ رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ (24) .......................دعا الدعاء اللي قلنا عليه ف الاول واللي معناه يارب مهما ادتني من خير انا فقير قال سيد قطب في كتابه ظلال القرأن ((: " رب إني لما أنزلت إلي من خير فقير " .
رب إني في الهاجرة . رب إني فقير . رب إني وحيد . رب إني ضعيف . رب إني إلى فضلك ومنك وكرمك فقير محووج .
فَجَاءَتْهُ إِحْدَاهُمَا تَمْشِي عَلَى اسْتِحْيَاءٍ قَالَتْ إِنَّ أَبِي يَدْعُوكَ لِيَجْزِيَكَ أَجْرَ مَا سَقَيْتَ...................لاحظتي كلمه فجاءته احداهما دي الكلمه دي لوحدها بعد الذكر الدعاء اعجاز ثم اعجاز ثم اعجاز ربنا بعد ما قالنا يا عبادي رسولي بعد ما قالي الدعاء دا فجائته احداهما يعني ماسافه ما قال مسافه ما فك الكربه جاه في ساعتها وطبعا كل الناس اللي دخلت ثانوية عامة عارفه ان ذكر حرف الفاء اول الكلمه دليل علي السرعه ف التنفيذ ياااااااااااااااااااااااه سبحان الله بقي اقول الدعاء دا فتتفك كربتي بسرعه سبحان الله
لَنَا فَلَمَّا جَاءَهُ وَقَصَّ عَلَيْهِ الْقَصَصَ قَالَ لَا تَخَفْ نَجَوْتَ مِنَ الْقَوْمِ الظَّالِمِينَ (25...................هنا بقي ربنا بيقولنا انه مش اتجوز وبس لا اتجوز ونجا من القوم الظالمين ولقا الاكل والشرب والجزاء الصاالح
ايه لسه قاعده مستنيه ايه يالا كلنا نقول في صوت واحد


ربي اني لما انزلت الي من خير فقير