مهاجرة بإحساس
26-11-2004, 07:01 PM
الصلااااااااااااااااااااا اااااااام..
كيفكم وش اخباركم...
المهم بدخل بالسالفه على طول..
قبل كم يوم جاني ابوي مسرع يقول يابنيتي وصلني بالبريد هالرساله لتس :واو:
واقرى الرساله من برى مكتوب ..
الى الانســه << يعني ماتزوجت :نأ:
..................ال................. حفظها الله..
ومير تطير عيوني من الي مرسل لي ..
قلت افتحها والي يصير يصير ..
وافتح الرساله واثاريه وصيه ..
ومير تطقني ام الركب ...
وصيـــه من مييييييين ياااربي..
بعدين مكتوب..
نص الرساله.
السلام عليكم ورحمة الله وبركاته..
الى طفلتي المدلله /......................... << اسمي وش تبون
واقول بنفسي اي طفله ياعم الا بقره ماشاء الله :نأ:
قد تصلك رسالتي وانا قد فارقت الحياة فأدعي لي بالرحمه
طفلتي, لاانسى ملامحك البريئه عندما كنتي طفلتن حنونه << موب الي بالمنتدى .. لا انا هذي
كنتي طفلتن وديعه بريئه .. كنتي ملهمه للشعراء
اني عشقتك منذ صغرك .. وسافرت بعيدا لكي انســاكي واضل على ذكراك فلن اتزوج ..
طفلتي ليش لدي اطفال وابناء غيرك الان ..
فهأنا ادع جميع مااملك بقبضة يديك
فحساابي بجميع البنوك 50 مليـون ريال..
غير العمارات والشركات والمحلات التي تتضمن محلات ادوات كهربائيه محلات سيارات ومكتب استقدام وغير ذلك في جميع الدول ..
والان اقول لك الوداع ولتعيشي بسعــــــاده
......................................
ومير يغمى علي ومير تجي امي وتدخل وتقرى الرساله ويغمى عليها
ومير يجي ابوي وتطير عيونه يوم قرى الرساله ويصحينا ..
قال يابنيتي هذا رزق من الله لاتفرطين بوه
قلت سم وابشر بس يبه انا عمري 19 سنه وش اسوي بهالحلال
قال بيحله ربتس..
ومير ينتشر بجميع دول القصيم سالفتي
وعاد شف الطوابير بعدها على الباب
امس وهو مابوه احد عند باب بيتنا واليوم شوويه ان قلت الشعب القصمنجي كله جاي كبير وصغير...
ومير اانا الي اطلع من فوق واشغل الميكرفون..
واقول ايها الشعب ايها الشعب ..
كل واحد يعين من الله خير ويندزلع لبيته ماعندنا احد للزواج يالله هناك.. :mad:
ومير ارسل اخواني والي امون عليهم كل واحد لديره يدير حلالي..
واقعد انا بعنيزه مع الخمسين مليون
واروح واجيب سياره من وكالتي واجيب لي همر واعطيه سواقي الخاص
واركب واروح ادور بعنيزه اتمقله زين
ومير قلت بس يبي لي اعيد تصميم عنيزه من جديد
فقلت من بكرى يبدا الشغل..
اول شي
رحت لجميع عوايل عنيزه الي عندهم دداسن واخذت منهم دداسنهم وارسلتهن للخارج
وعطيتهم بدالهن همرات بورشات وفياجرات وبي امات
ثاني شي
رحت للسوق وماادراك ماالسوق وخاصه السوق التجاري على قولتهم والجديده بتشديد الياء.
ومير امسحه مسح من على الكره الارضيه واطالب ببناء اكبر سوق بالمملكه العربيه السعوديه
مير المملكه والفيصليه غدن تقل نمل عندهن
ثالث شي
رحت لوسط عنيزه ومير يجي ببالي هالساعه الي مرتزتن من طلعتي على الدنيا
قلت وراه ماابدع به ومير اهدمه وابنيه من جديد خليته طول عماير التجاره.. طبعا كل ماتذكرت اني من طلعتي على الدنيا والساعه
تشير الى الخامسه والربع .. قلت بس اركب له بطاريه وتشتغل ومير ازيده واحط الام بي سي اف ام يعني الي يمر
من عند ذاك الشارع يسمع الام بي سي
رابع شي
اتجت للناحيه التعليميه ..
وفرت للصفوف الابتدائيه مراجيح والعاب .. حتى ماينحرمون بطفولتهم ويتمتعون به
وفرت للصفوف المتوسطه بكل فصل شاشه تلفزيون كبر الجدار مع جميع القنوات الفضائيه
ووفرت للصفوف الثانويه في كل طاوله لاب تب ماركة سوني واشتراك دي اس ال
وجددت المباني وحطيت مسابح وحدايق
وبعدين اتجهت للكليه ..
طبعا انهيته كله الكليه وبنيت خمس كليات بعنيزه ووفرت جميع الاقسام له
وجبت دكاتره سنعه ومتسااهله مع الطالبات
بنيت مبنى الكليه وكان شكله
جزء منه سوق تجاري .. وجزء منه كوفيهاااات وجزء منه مقاهي نت وجزء منه قاعات للدراسه..
بعدين اللحين نتجه للمطاعم وهو خامس شي
خليت شاارع كامل يحتوي على جميع المطاعم العالميه والشعبيه
جبت كنتاكي .. ماكدونالدز .. هارديز ..برجر كنج .. هرفي .. كودو .. شاورمر .. تكسي .. 2&1 .. حتى ماما نوره ماخليته
وشارع ثاني خليته كوفيهات للبنات ..مثل ستار بكس د.كيف
وشارع بعيد عنه للشباب..
مثل قهوة المساء .. كوفي تايم .. دار القهوه وسميته شارع الزلفي التحليه :هاها:
وغير ذلك من التعديلات .. حتى اصبحت مدينة عنيزه منطقه اخرى ينجذب اليها السواح من جميع مناطق العالم
وبعد ذلك
رطقتن امي وقالت يالله يادزليلة الحيا قومي والا ترى والله لااعلم ابوتس :يمه:
وافقت من جديد على واقع مرير :واء:
طحيطي..
واتمنى اعجبكم قصتي.. :بوسة:
كيفكم وش اخباركم...
المهم بدخل بالسالفه على طول..
قبل كم يوم جاني ابوي مسرع يقول يابنيتي وصلني بالبريد هالرساله لتس :واو:
واقرى الرساله من برى مكتوب ..
الى الانســه << يعني ماتزوجت :نأ:
..................ال................. حفظها الله..
ومير تطير عيوني من الي مرسل لي ..
قلت افتحها والي يصير يصير ..
وافتح الرساله واثاريه وصيه ..
ومير تطقني ام الركب ...
وصيـــه من مييييييين ياااربي..
بعدين مكتوب..
نص الرساله.
السلام عليكم ورحمة الله وبركاته..
الى طفلتي المدلله /......................... << اسمي وش تبون
واقول بنفسي اي طفله ياعم الا بقره ماشاء الله :نأ:
قد تصلك رسالتي وانا قد فارقت الحياة فأدعي لي بالرحمه
طفلتي, لاانسى ملامحك البريئه عندما كنتي طفلتن حنونه << موب الي بالمنتدى .. لا انا هذي
كنتي طفلتن وديعه بريئه .. كنتي ملهمه للشعراء
اني عشقتك منذ صغرك .. وسافرت بعيدا لكي انســاكي واضل على ذكراك فلن اتزوج ..
طفلتي ليش لدي اطفال وابناء غيرك الان ..
فهأنا ادع جميع مااملك بقبضة يديك
فحساابي بجميع البنوك 50 مليـون ريال..
غير العمارات والشركات والمحلات التي تتضمن محلات ادوات كهربائيه محلات سيارات ومكتب استقدام وغير ذلك في جميع الدول ..
والان اقول لك الوداع ولتعيشي بسعــــــاده
......................................
ومير يغمى علي ومير تجي امي وتدخل وتقرى الرساله ويغمى عليها
ومير يجي ابوي وتطير عيونه يوم قرى الرساله ويصحينا ..
قال يابنيتي هذا رزق من الله لاتفرطين بوه
قلت سم وابشر بس يبه انا عمري 19 سنه وش اسوي بهالحلال
قال بيحله ربتس..
ومير ينتشر بجميع دول القصيم سالفتي
وعاد شف الطوابير بعدها على الباب
امس وهو مابوه احد عند باب بيتنا واليوم شوويه ان قلت الشعب القصمنجي كله جاي كبير وصغير...
ومير اانا الي اطلع من فوق واشغل الميكرفون..
واقول ايها الشعب ايها الشعب ..
كل واحد يعين من الله خير ويندزلع لبيته ماعندنا احد للزواج يالله هناك.. :mad:
ومير ارسل اخواني والي امون عليهم كل واحد لديره يدير حلالي..
واقعد انا بعنيزه مع الخمسين مليون
واروح واجيب سياره من وكالتي واجيب لي همر واعطيه سواقي الخاص
واركب واروح ادور بعنيزه اتمقله زين
ومير قلت بس يبي لي اعيد تصميم عنيزه من جديد
فقلت من بكرى يبدا الشغل..
اول شي
رحت لجميع عوايل عنيزه الي عندهم دداسن واخذت منهم دداسنهم وارسلتهن للخارج
وعطيتهم بدالهن همرات بورشات وفياجرات وبي امات
ثاني شي
رحت للسوق وماادراك ماالسوق وخاصه السوق التجاري على قولتهم والجديده بتشديد الياء.
ومير امسحه مسح من على الكره الارضيه واطالب ببناء اكبر سوق بالمملكه العربيه السعوديه
مير المملكه والفيصليه غدن تقل نمل عندهن
ثالث شي
رحت لوسط عنيزه ومير يجي ببالي هالساعه الي مرتزتن من طلعتي على الدنيا
قلت وراه ماابدع به ومير اهدمه وابنيه من جديد خليته طول عماير التجاره.. طبعا كل ماتذكرت اني من طلعتي على الدنيا والساعه
تشير الى الخامسه والربع .. قلت بس اركب له بطاريه وتشتغل ومير ازيده واحط الام بي سي اف ام يعني الي يمر
من عند ذاك الشارع يسمع الام بي سي
رابع شي
اتجت للناحيه التعليميه ..
وفرت للصفوف الابتدائيه مراجيح والعاب .. حتى ماينحرمون بطفولتهم ويتمتعون به
وفرت للصفوف المتوسطه بكل فصل شاشه تلفزيون كبر الجدار مع جميع القنوات الفضائيه
ووفرت للصفوف الثانويه في كل طاوله لاب تب ماركة سوني واشتراك دي اس ال
وجددت المباني وحطيت مسابح وحدايق
وبعدين اتجهت للكليه ..
طبعا انهيته كله الكليه وبنيت خمس كليات بعنيزه ووفرت جميع الاقسام له
وجبت دكاتره سنعه ومتسااهله مع الطالبات
بنيت مبنى الكليه وكان شكله
جزء منه سوق تجاري .. وجزء منه كوفيهاااات وجزء منه مقاهي نت وجزء منه قاعات للدراسه..
بعدين اللحين نتجه للمطاعم وهو خامس شي
خليت شاارع كامل يحتوي على جميع المطاعم العالميه والشعبيه
جبت كنتاكي .. ماكدونالدز .. هارديز ..برجر كنج .. هرفي .. كودو .. شاورمر .. تكسي .. 2&1 .. حتى ماما نوره ماخليته
وشارع ثاني خليته كوفيهات للبنات ..مثل ستار بكس د.كيف
وشارع بعيد عنه للشباب..
مثل قهوة المساء .. كوفي تايم .. دار القهوه وسميته شارع الزلفي التحليه :هاها:
وغير ذلك من التعديلات .. حتى اصبحت مدينة عنيزه منطقه اخرى ينجذب اليها السواح من جميع مناطق العالم
وبعد ذلك
رطقتن امي وقالت يالله يادزليلة الحيا قومي والا ترى والله لااعلم ابوتس :يمه:
وافقت من جديد على واقع مرير :واء:
طحيطي..
واتمنى اعجبكم قصتي.. :بوسة: