عاجل : جيريتس يوصي من المغرب بإشراك عيسى المحياني خارج الصندوق .!! والمطوع بديلآ للفريدي .؟؟

[االزعيم الهلالي]

بسم الله الرحمن الرحيم .


هاردلك التعادل المخيب أما فريق يلعب بأسوء مستوياته والحمد لله على كل حال .


إيريك جيريتس يظلم المحياني ويشركه خارج الصندوق .!!



كم مرة سمعنا هالكلمة بعد كل مباراة يشارك فيها عيسى مع الهلال أيام جيريتس .؟


كنا بعد كل مباراة نسمعها ..؟



ونسمع حاليآ دول يظلم المحياني ويجلسه إحتياطيآ .!!



أنا أول ماسمعت الكلام اللي بخصوص جيريتس وعيسى تأكدت بنفسي من هالكلام العاري من الصحه بعد رحيل جيريتس .!


في كل مباراة اللي بيتابع تحركات عيسى يلاحظ عليه خروجه كثـــــــــــــــير آ من الصندوق ويرجع للوراء ويحاول ياخذ الكورة .وهذا الشيء اللي جعل عيسى إحتياطي مع جيريتس ودول وكالديرون. اللاعب هو الي يدمر نفسه بنفسه للأسف .أنا ما أبي الجمهور العاطفي هو اللي يرد علي , أبي الجمهور اللي يتابع عيسى جيدآ وبشكل دقيق لما الكورة تكون مع أحد لاعبين الوسط يلاحظ عيسى يرجع ويطلب الكورة , وهذا الشيء بيحرمه من التسجيل من خلال تواجده داخل الصندوق .وبيحرمه من التواجد أساسي , الملاحظ على أهداف عيسى من يوم جاء للهلال 99% منها داخل الصندوق , ومع ذلك اللاعب 80 دقيقة من مجمل وقت المباراة يتراجع للوراء .يعني لو اللاعب عنده مهارة المراوغه ويستفيد منها خارج الصندوق ما عليه , لو عنده قوة التسديد معذور اللاعب بخروجه , لكن عيسى ماعنده إلا التواجد داخل الصندوق فقط . ومع تواجده داخل إلا أنه يضيع هجمات كثيرة , يعني مع إحترامي له ولمحبينه ماينفع أساسي بالهلال .
أذكر بعد مباراة الهلال وذوب آهن أصيب ياسر وغاب 40 يوم عن الملاعب , وشارك بعدها عيسى أساسي 4 أو 5 مباريات , وكان مستوى الهلال جيد جدآ , ولعبنا مع النصر وسجل عيسى هدف لكن ضيع هدف محقق بنسة 100% :




http://center.jeddahbikers.com/uploads/jb13250382371.gif


http://center.jeddahbikers.com/uploads/jb13250382372.gif



وبعدها لعبنا مع الاهلي وتعادلنا 3-3 وضيع أهداف سهلة , وبعدها لعبنا مع القادسية وتعادلنا 0-0 بالرياض وكان هو المهاجم .؟؟؟


ومن بعد هالمباريات وتضييع النقاط السهلة على أرضنا . إنتظرنا عودة ياسر بأسرع وقت.


وفي مباراة التعاون ببريدة رجع ياسر ورجع الخير معه , وسجل هدف من ( خارج المنطقة ) :




http://center.jeddahbikers.com/uploads/jb13250427301.gif (http://center.jeddahbikers.com/)



هنا المهاجم رقم 1 اللي يلعب برى وداخل الصندوق .



ولعبنا بعدها مع الفيصلي وسجل ياسر هاتريك :smilie47: وبعدها لعبنا مع الفتح وسجل هدفين وصار هداف للفريق . يعني ياسر عاد من الإصابة ولعب 3 أو 4 مباريات سجل 6 أهداف .عيسى لعب 4 أو5 مباريات و سجل هدفين أو ثلاثة .!! وضيع مليون هدف محقق ..


أنا والله ما أكره عيسى كشخص , بالعكس خلوق ومحترم , لكنه مو بالمستوى اللي نبغاه , صح سجل أهداف حاسمه لكن ضيع أكثر وأسهل منها , ويلعب دائمآ خارج الصندوق , ولا يفيد الوسط بتحركاته بدون كورة , كل 5 دقايق راجع للخلف .وحركته ثقيلة وبطيئ , وماعنده كنترول ممتاز للكورة .


مباراة الإتحاد ماشفناه إلا بكورة وحدة فقط :


http://center.jeddahbikers.com/uploads/jb13250383281.gif

غيرها ماقدم شيء ولا حتى تحرك .!





يوسف العربي .



نسخة كربونية من عيسى المحياني , نفس طبيعة عيسى , كل أهدافه مع الهلال داخل الصندوق , ولا أدري عن أي قوة تسديد يتكلمون عنها اللي يذكرونه بالدوري الفرنسي قبل قدومه للهلال , لا تسديد ممتاز من برى المنطقة , ولا تمركز صحيح , وبطيء وحركته ثقيلة , ويضيع هجمات أكثر من أهدافه اللي سجلها بالدوري .


من أول الدوري وهو مضيع أهداف محققة , مو قهر نخسر من الشباب وعندنا هجمات وكنا الأفضل ومع ذلك يقولون المدرب فاشل ..!!!


http://center.jeddahbikers.com/uploads/jb13250383282.gif


شوفو كنتروله للكورة :


http://center.jeddahbikers.com/uploads/jb13250352873.gif




مو قهر من أول ربع ساعه وأحنا ضاغطين الإتحاد بمرماهم ولنا هجمات لكن الهجووم يضيع علينا فرص محققة ..؟


http://center.jeddahbikers.com/uploads/jb13250384261.gif
http://center.jeddahbikers.com/uploads/jb13250351621.gif http://center.jeddahbikers.com/uploads/jb13250351622.gif


http://center.jeddahbikers.com/uploads/jb13250352871.gif



ومشكلته زي عيسى مايعرف يلعب برى الصندوق , ولا عنه مهارة ولا سرعه ولا قوة تسديد :



http://center.jeddahbikers.com/uploads/jb13250351623.gif


http://center.jeddahbikers.com/uploads/jb13250351624.gif


http://center.jeddahbikers.com/uploads/jb13250352872.gif






بيونج يو :smilie47:


أستغرب من اللي يطالبون برحيل الكوري بيونج يو وهو مالعب إلا كم مباراة , والمشكلة إنه سجل بأغلب المباريات اللي لعب فيها وصلح أهداف بعد , ومع ذلك فيه جمهور يطالب برحيله , اللاعب طويل وسريع ومتحرك وخفيف وكنتروله ممتاز , ويجيد ضربات الرأس , ويصنع أهداف بالرأس والقدم , يعني هذا لو يلعب بالإتحاد كان صار هداف الدوري , لأن الإتحاد 90% من أهدافهم بالرأس على كل الأندية ., يعني أهدافه مع الهلال تثبت إنه لاعب يجيد ضربات الرأس بإمتياز , من قبل بداية الموسم وهو يسجل بالرأس , وأتمنى أننا نشوفه أساسي بالمبارايات القادمة
لعده أسباب أهمها إن اللاعب سريع ويجيد التسجيل بالرأس والقدم ويصنع أهداف بالرأس , وسريع ومتحرك بعكس المحياني والعربي البطيئين والثقال.


هاللقطات تبين الأهداف وتحركاته الممتازة من أول ماجاء للهلال :




http://center.jeddahbikers.com/uploads/jb13250352874.gif



http://center.jeddahbikers.com/uploads/jb13250352875.gif



http://center.jeddahbikers.com/uploads/jb13250384262.gif




حتى بالكرات الرأسية ممكن نستفيد منه بتصليح الكورات للمهاجمين زي هالهدف:


http://center.jeddahbikers.com/uploads/jb13250385461.gif



وحتى بالكرات اللي بالقدم يجيدها اللاعب وخفيف وسريع :



http://center.jeddahbikers.com/uploads/jb13250385462.gif



شوفو التثبيت بالصدر والمراوغه والتسديد للمرمى :



http://center.jeddahbikers.com/uploads/jb13250389021.gif



شوفو التمركز الممتاز داخل الصندوق والإستفادة من اللعبات العرضية :



http://center.jeddahbikers.com/uploads/jb13250389022.gif






أحمد الفريدي .


هاللاعب من أبرز سلبياته والكل يعرفها حتى هو نفسه يعترف فيها البطئ , وكرة القدم بالوقت الحالي تعتمد على السرعه والجماعيه , وهذا الشيء اللي يفقده الفريدي . بطيئ في قيادته للهجمات وخصوصآ المرتده , وأناني في كثير من الأحيان , يعني مو مسألة إنك تملك المهارة خلاص أي لاعب تقطع الكورة منه تروح وترجع له وتعدي فيه , أو أي لاعب يحاول يعدي منك ترجع له وتعدي منه , هذا الشيء للأسف موجود بأحمد الفريدي :




http://up12.up-images.com/up/viewimages/87c037e1b8.gif (http://fashion.azyya.com)



يعني شوفوه من أول ماقطع الكورة ماخلصها بسرعه , لكنه يتابع اللي وراه يبي يرجع له ويعدي أو مدري وش بالضبط .:wub:


فيه برود ويعطل الكثير من الهجمات وفي بعض الأوقات زملائه فاتحين له لعب وهو يخرب الهجمه ببروده وأنانيته زي هالهجمه :


http://center.jeddahbikers.com/uploads/jb13250389023.gif


يعني ما أدري في هاللعبه هذي هو يبي يسدد ولا يبي يلعبها من فوق الحارس من هالمكان البعيد :wub:


للأسف عبدالعزيز الدوسري أفضل منه وأسرع ويملك المهارة وقوة التسديد بعكس الفريدي , ومع ذلك نشاهده أحيانآ إحتياط.!!


يعني لو يلعب الشلهوب والدوسري والعابد يكون الوسط متحرك وكلهم سريعين ومهاريين ويجيدون التسديد , وأستغرب مشاركة الفريدي أساسي , صحيح يملك المهارة أحيانآ , لكن اللي يقدمه اللاعب ما أِشوف إنه يأهله للعب أساسي بالهلال مكان النجوم اللي ذكرتهم فوق , ماعنده قوة تسديد ولا عنده سرعه , ولا يجيد تنفيذ الفاولات ولا الركنيات , بمباراة الإتحاد أغلب الركنيات نفذها الفريدي , لكن نواف العابد نفذ ركنية بنهاية الشوط الأول ووصلت للمرشدي وضربها بالعارضة , والشوط الثاني نفذها الشلهوب وجاء الهدف , يعني حتى بالركنيات تحس فيه شيء من البرودة , ومع ذلك هو اللي ينفذ.!! بالهلال نبي لاعب يعطي مباراة كاملة أو على الأقل شوط كامل بحماس وجدية وجماعية وسرعه , مو يلعب لي بمزاج وروقان وبرودة وأنانية. ويظهر لي بهجمتين أو ثلاث ويسجل أو يصلح هدف بعدين يرفعونه فوق . يعني شيء غريب من لاعب مثل أحمد الفريدي .العابد والدوسري والشلهوب جالسين يقدمون مستويات ولا أخذو ما أخذه الفريدي من مدح وتمجيد أسطورة ومدري أيش.؟


أنا أدري إن أغلب الجمهور ضدي بخصوص الفريدي لكن والله هذا الواقع , لو تبعدو عنكم العاطفة شوي وتشوفون اللاعب بشكل عام ماعنده إلا المهارة وفي بعض أجزاء من المباريات تظهر هالمهارة .؟


وهجمته الي مباراة الأمس اللي ضاعت بكل سهولة وبرودة شيء غريب , وكان من الممكن ننهي الشوط الأول متقدمين بهدف لكن اللاعب ما أدري وش فيه , أذكر الشوالي علق على ركلة الجزاء الي ضيعها قدام الاتحاد بنهائي كأس الملك قبل موسمين وقال يالفريدي لو إبني هو الحارس كان صد كورتك .؟؟؟ يعني هاللاعب ما أدري وش يحس فيه .؟ إحنا جالسين ومعصبين ونسب ونتعب ويرتفع ضغطنا وهو مروق وباااارد .


أبي أعرف وش فرق الشمراني ومهاجم القادسية يوم سجلو هالكورة وأنت ماسجلتها .؟؟



http://center.jeddahbikers.com/uploads/jb13250390633.gif


http://center.jeddahbikers.com/uploads/jb13250392191.gif


http://center.jeddahbikers.com/uploads/jb13250392192.gif



ترى نفس المكان ونفس الهجمه , لكن الفرق إنهم متحمسين ويشوتون بقوة ومن قلب . لكن الفريدي ببرودة و بعض الشيء من الإستهتار .... الهجمه سهلة والمرمى مكشوف , يبي لها واحد مغمض ويشوتها بقوة وتدخل . ما أشوف إن هالبرودة حل لهذي الهجمه .!!






سلمان الفرج .!


هذا اللاعب مركزه الأساسي محور والجميع يعرف هالشيء , لكن ما أدري هل سامي والمدرب دول يعرفون هالشيء ولالا .؟


من الظلم إنك تلعبه ظهير أيسر ويتسبب بأهداف ومشاكل بالفريق ماله أي ذنب فيها .؟


الموسم اللي راح لعب مباراة الأهلي وتعادلنا 3-3 وكان هو أساسي بالظهير الأيسر , ولكم الحكم بالصور :




http://center.jeddahbikers.com/uploads/jb13250394992.gif



شوفو اللاعب وين كان مكانه والهجمه بدت من جهته للأسف وهو مدري وين متقدم .؟



ترى هاللقطه نفس لقطة ويندل بمباراة الإتحاد اللي قبل يومين :



http://center.jeddahbikers.com/uploads/jb13250392193.gif



لكن الفرق إن العتيبي صد كورة ويندل والحوسني هدف , لكن لو كورة ويندل هدف كان الجمهور عرف الخلل . مع إنه مايحتاج يسجلها ويندل علشان نعرف , لأن اللاعب واضح تواضع مستواه بالظهير الأيسر .



والهدف الثاني كان من جهته وهو مدري وش يسوي :




http://center.jeddahbikers.com/uploads/jb13250394993.gif



والهدف الثالث أثبت إن اللاعب مايعرف يضرب بالرأس أبد :



http://center.jeddahbikers.com/uploads/jb13250417351.gif




ونفس اللقطه مع هزازي :



http://center.jeddahbikers.com/uploads/jb13250393573.gif




وقبلها كان هزازي بيسجل هدف من هجمه ميته , وشوفو من اللي يضغط على باولو جورج .؟ وشوفو وين الفرج تارك منطقته :



http://center.jeddahbikers.com/uploads/jb13250393571.gif




المشكلة المرشدي هو اللي بالظهير الأيسر وكان ضاغط على جورج , ورجع المرشدي يضغط على هزازي والفرج جالس يتفرج :s5s:




http://center.jeddahbikers.com/uploads/jb13250393572.gif




ما أدري وش سبب بقاء شافي الدوسري على دكة الإحتياط .؟ هل هو فشل بالإختيار أو تدمير موهبه مثله مثل يحيى الكعبي :cry:


اللاعب يقدم مستويات حلوة وأفضل من الزوري والفرج , وقريب من مستوى الشهراني لكن ...الله يوفقه ونشوفه أساسي بالقريب .



أخيرآ على حسب الأخبار اللي ترددت بشأن نية الإدارة والمدرب الإستغناء عن إيمانا , أتمنى يكون بديله بدر المطوع , أدري إن القادسية ماراح يستغني عنه بسهولة , لكن لو نعطيهم إيمانا أو الفريدي أو نعطيهم جزء كبير من المبلغ اللي بنستفيده من إيمانا إن شاء الله يوافقون .


لاعب صغير , لكن مستواه مايحتاج أبدآ أتكلم عنه ولا يحتاج نتابعه مع فريقه , كلنا شفناه يوم لعب مع النصر وشفناه وش قدم لهم هو لوحده بدون هجوم ووسط . فما بالكم إذا جاء للهلال . يلعب جناح أيمن ومهاجم ويصنع لعب . يعني مثل ويلي وأفضل منه من وجهة نظري . وأتمنى الإستغناء عن العربي ويكون بديله مدافع أجنبي سواء رحل هوساوي أو بقى . ويبقى الكوري أساسي والحارثي مهاجم ثاني وعيسى مهاجم ثالث.



أنا تعبت على هالموضوع وإشتغلت عليه 6 ساعات أو أكثر , وأتمنى من الجمهور الكريم مناقشة الموضوع والإبتعاد عن التجريح باللاعبين وكاتب الموضوع , ويعلم الله إني كتبت هالكلام لأجل مصلحة الفريق , ماهمني بقاء لاعب أو رحيل لاعب , ولا أقصد من موضوعي التجريح أو الإساءة للاعب معين .



سبحانك اللهم وبحمدك أشهد أن لا إله إلا أنت أستغفرك وأتوب إليك .