الغرب يضربنا بغاز وصواريخ

[عثمان العبدالله]

السلام عليكم
العيد مبارك وكل عام وأنتم بخير


الغرب يضربنا بغاز وصواريخ = وحنا نتلقى ضربته بالهواشي
مابين محتجٍّ على فتوة الشيخ = وما بين جاهل شاطرٍ بالنقاشي
وما بين صامت ما يبي أي تدويخ = ضامن بتال الشهر يقبض معاشي
ياشيخنا بنشدك في اي تاريخ= يستسلم الإنسان عند الهتاشي
لا من نوى العادي يفصخه تفصيخ= وياخذ حلاله لو هزيل المواشي
ويهتك بعرضه من بناتٍ مماطيخ= ويهدم بويته لو بقايا عشاشي
ان كان قاوم قيل لاترحموا الذيخ= متمرد ارهابي خشاش بخشاشي
خارج على قانون حكم المماسيخ= اللي ركزهم عمهم باللطاشي
ياشيخ خاف الله وخل التلابيخ= الشرع واضح ما يبي له غشاشي
ودنياك هذي فانيه ..ليش تلطيخ= سمعتك وانتَ للقبر يوم ماشي
حنا على المله ولانّا من السيخ= حتى تجيز الحرق فوق الفراشي
من لايدافع دون دينه فزرنيخ = ومن لايدوش الخصم لزماً يداشي
ومن لاحمى عرضه يدنس بتوصيخ= ومن لافزع للجار ملعون خاشي
ولا يستحق العيش من عاش تبذيخ= واهله جواعا تحت نار الأباتشي
ويهل الفالوجه يالجبال الشواميخ= هذي هي الأمجاد والاّ بلاشي

[عمر البايح]

شاعر العثمانيات


ونعم والله وفيت وكفيت وصدقت يالغالي

صح لسانك وعلى شانك

قصيده قمه في الروعه والوضوح ومعبره جدا جدا

تحياااااااااااتي وتقديري

القلب العديم

[فالح الشلوي]

الرائع شاعر العثمانيات



صح الله قلبك وفكرك على القصيده الرائعه اللي تناجي بها هموم أمة



تقبل تحياتي وكل عام وانت بخير






عذب

[حنين نجد]

شاعر العثمانيات



صح لسانك على هذه الرائعه


وتقبل فائق أحترامي

[غــزلان]

صح لسانك على هالابيات الي للاسف تصووور حالة الامه العربيه

الغرب يضربنا بغـاز وصواريـخ
وحنا نتلقـى ضربتـه بالهواشـي
مابين محتجٍّ علـى فتـوة الشيـخ
وما بين جاهل شاطـرٍ بالنقاشـي

تحياتي ....

[عوض النعيمي]

جزل وما قصرت شاعر العثمانيات ،،،،،،،، صح لسانك ولا هنت

قصيدة ابدعت فيها و وفيت