المستشار
13-11-2004, 02:44 AM
السلام عليكم ورحمة الله وبركاته:-
اذا قريت بالادب العربي وقريت قصائد عنتر عن عبله طارة عيونك وقلت وش هالحب العظيم لدرجة انك تتمنى انك تصير عنتر بس على بياض شوي واصغر خشم لاني تسد شفته بفلم مصري شكله ماهو زين
واكيد اي بنت كانت تتمنى لو عنتر كتب فيها القصائد الي كتبهن بعبله
واذا قريت قصائد قيس عن ليلي برضه طارت عيونك وتمنيت لو انك قيس ابن الملوح لان تحس ان ليلى هذي ملكة جمال العرب في زمانه
وقس على هذا مع بقية من سمعنا عن قصصهم مثل جميل بثينه ورميو وجولييت
ولكن السؤال الي دايم يدور براسي ومن خلال هذا السؤال اتمنى ان اجد اجابه عليه من الاعضاء
هل تعتقدون ان عنتر لو تزوج عبله سوف يستمر بنفس القصائد وبنفس الحب
وكذلك قيس لو تزوج ليلى
من وجهة نظري ان سبب وصول هذه القصص لنا انهم جميعا لم يتزوجو لان الحب شي والزواج شي اخر
لو فرضنا عنتر تزوج عبله سوف يستمر معها بقصائده اول سنه نقول سنتين خل نقول خمس سنين
طيب وهالبزرين الي عندهم وشتسوي عبله فيهم
واحد اسود طالع على ابوه
والبنيه بيضاء طالعه على امه
والثالث مخلوط
والرابع ابيض بس خشمه تقل خشم فلبيني جاذبته جدته زبيده
يبون ينامون يبون ينظفون وعنتر يبي احد يغسل خلاقينه
عموما انا تخيلت هذا الحوار بين عنتر وعبله عقب ماعرس عليه:
عنتر : عمتي مساءً يا بنت العم عوعو...يدلعه
عبله : عليك السلام يا عنيتير .....اتدلعه
عنتر: متحمس ويسدل هاكالبيتين الزينات
عبله : وهي عافطتن خشته ماعندك غير هالهرج كل مادخلت عطيتن من هالرخيص ماتسد دخلت علي وبيدك جرة عطر والا مجاول
عنتر: طيب يابنت العم الشرهه ماهي عليتس الشرره علي الي اقصد بك عموما اتبعيني الى الخيمه
عبله : خل انوم البزران
عنتر: ماتلاحظين كل ماقلت لك الحقين قلت ابنوم البزران ماتسنك مصختيه صايره تحبينهم اكثر من
عبله ليه يا عوعو تغار منهم عيالك ذولا انت وخشمك الي تقل البرتقاله
عنتر بدينا بالتطنز ياعبله لا تنسي انك كل لليله تقولين نفس الكلام لدرجة اني حسيت انك تهربين من
عبله: بسره﴿﴿صراحه مليت من ريحة صنانك تجين من هالبران حتى ماتسبح الله يقرفك﴾﴾لا يا عنتر ياولد عمي ..طبعا وتسبده تحوم مامليت منك انت حبيبي وابو بزراني.
عنتر طيب ليش تقولين كذا هاه قفلة مع كويحه انا متزوجك وجايب لك لبن العصفور حسب طلب ابوك علشان كل سنة تجعصين لي بزر
عبله: وليه متزوجن عساك تبين امسك رسن حصانك واسبحه لك كل ماجيت من البر وبعدين البزران مو ذنبي مافيه حبوب منع الحمل والا لولب
عنتر: لا تغلطين على فرسي ترا اقوم هالحين.... ويمسك روحه
عبله : وشتبي تسوي احمد ربك انا البيضاء متزوجتك انت وشعرك الي لو امسك الوحده واطلقه ارجعت تهز نص ساعه تقل سبرنق
عنتر تطنزين بشعري انا عنتر الي اكل الاسد ني
عبله صراحه مليت من حياتنا كل يوم هي هي ماتغيرت وماغير اجيب منك بزران يسدون النفس شوف وهي اتوريه واحد منهم ابيض وبراطمه كبار وفناخره وساع وشعره قراعيط بذمك ماتسنه من كولمبيا يا عنتر
عنتر يرفع ايده ويبرمه راشدي مابقى الا تطنزين بعيالي
وتقبس بينهم
مايحتاج اكمل الهوشه المهم اقبست
ماريد ان اصل اليه انهم لو تزوجو كان الان سمعنا قصائد طلاق عنتر من عبله وطلاق قيس من ليلي وغيرهم
لان الحب شي والزواج شي ثاني وشكرا
علشان كذا اقولها لكل اخ واخت تسمع عن الحب ترا الحب كلمه اخترعها الرجل ليضحك بها على المرأه
الحب الحقيقي هو القائم على الموده والرحمه وليس على الغزل والقصائد والا انا غلطان
المستشار
اذا قريت بالادب العربي وقريت قصائد عنتر عن عبله طارة عيونك وقلت وش هالحب العظيم لدرجة انك تتمنى انك تصير عنتر بس على بياض شوي واصغر خشم لاني تسد شفته بفلم مصري شكله ماهو زين
واكيد اي بنت كانت تتمنى لو عنتر كتب فيها القصائد الي كتبهن بعبله
واذا قريت قصائد قيس عن ليلي برضه طارت عيونك وتمنيت لو انك قيس ابن الملوح لان تحس ان ليلى هذي ملكة جمال العرب في زمانه
وقس على هذا مع بقية من سمعنا عن قصصهم مثل جميل بثينه ورميو وجولييت
ولكن السؤال الي دايم يدور براسي ومن خلال هذا السؤال اتمنى ان اجد اجابه عليه من الاعضاء
هل تعتقدون ان عنتر لو تزوج عبله سوف يستمر بنفس القصائد وبنفس الحب
وكذلك قيس لو تزوج ليلى
من وجهة نظري ان سبب وصول هذه القصص لنا انهم جميعا لم يتزوجو لان الحب شي والزواج شي اخر
لو فرضنا عنتر تزوج عبله سوف يستمر معها بقصائده اول سنه نقول سنتين خل نقول خمس سنين
طيب وهالبزرين الي عندهم وشتسوي عبله فيهم
واحد اسود طالع على ابوه
والبنيه بيضاء طالعه على امه
والثالث مخلوط
والرابع ابيض بس خشمه تقل خشم فلبيني جاذبته جدته زبيده
يبون ينامون يبون ينظفون وعنتر يبي احد يغسل خلاقينه
عموما انا تخيلت هذا الحوار بين عنتر وعبله عقب ماعرس عليه:
عنتر : عمتي مساءً يا بنت العم عوعو...يدلعه
عبله : عليك السلام يا عنيتير .....اتدلعه
عنتر: متحمس ويسدل هاكالبيتين الزينات
عبله : وهي عافطتن خشته ماعندك غير هالهرج كل مادخلت عطيتن من هالرخيص ماتسد دخلت علي وبيدك جرة عطر والا مجاول
عنتر: طيب يابنت العم الشرهه ماهي عليتس الشرره علي الي اقصد بك عموما اتبعيني الى الخيمه
عبله : خل انوم البزران
عنتر: ماتلاحظين كل ماقلت لك الحقين قلت ابنوم البزران ماتسنك مصختيه صايره تحبينهم اكثر من
عبله ليه يا عوعو تغار منهم عيالك ذولا انت وخشمك الي تقل البرتقاله
عنتر بدينا بالتطنز ياعبله لا تنسي انك كل لليله تقولين نفس الكلام لدرجة اني حسيت انك تهربين من
عبله: بسره﴿﴿صراحه مليت من ريحة صنانك تجين من هالبران حتى ماتسبح الله يقرفك﴾﴾لا يا عنتر ياولد عمي ..طبعا وتسبده تحوم مامليت منك انت حبيبي وابو بزراني.
عنتر طيب ليش تقولين كذا هاه قفلة مع كويحه انا متزوجك وجايب لك لبن العصفور حسب طلب ابوك علشان كل سنة تجعصين لي بزر
عبله: وليه متزوجن عساك تبين امسك رسن حصانك واسبحه لك كل ماجيت من البر وبعدين البزران مو ذنبي مافيه حبوب منع الحمل والا لولب
عنتر: لا تغلطين على فرسي ترا اقوم هالحين.... ويمسك روحه
عبله : وشتبي تسوي احمد ربك انا البيضاء متزوجتك انت وشعرك الي لو امسك الوحده واطلقه ارجعت تهز نص ساعه تقل سبرنق
عنتر تطنزين بشعري انا عنتر الي اكل الاسد ني
عبله صراحه مليت من حياتنا كل يوم هي هي ماتغيرت وماغير اجيب منك بزران يسدون النفس شوف وهي اتوريه واحد منهم ابيض وبراطمه كبار وفناخره وساع وشعره قراعيط بذمك ماتسنه من كولمبيا يا عنتر
عنتر يرفع ايده ويبرمه راشدي مابقى الا تطنزين بعيالي
وتقبس بينهم
مايحتاج اكمل الهوشه المهم اقبست
ماريد ان اصل اليه انهم لو تزوجو كان الان سمعنا قصائد طلاق عنتر من عبله وطلاق قيس من ليلي وغيرهم
لان الحب شي والزواج شي ثاني وشكرا
علشان كذا اقولها لكل اخ واخت تسمع عن الحب ترا الحب كلمه اخترعها الرجل ليضحك بها على المرأه
الحب الحقيقي هو القائم على الموده والرحمه وليس على الغزل والقصائد والا انا غلطان
المستشار