روايتي الاولى بقلمي/ شنو اقدر اسوي عشان تحبني؟

[حواء غرابيل]

شنو اقدر اسوي عشان تحبني؟

السلام عليكم...
انا عضوة يديدة في منتداكم.. وكاتبتلكم رواية متواضعة من وحي خيالي بس اغلب احداثها واقعية... وفي جم حدث صار على ارض الواقع بس غيرت في الاحداث وزدت عليها شوي...

وابي تشجيعكم عشان اكمل الرواية وانشالله تعجبكم...

و ما احلل احد ينقل الوراية بدون ذكر هل مقدمة و اسمي.... Tiffany.

هل بارت طويل... بس البارتات الياية راح تكون اقصر...





البارت الاول




روان: كاني الحين طالعتلكم.. باي

طالعت نفسها بالمنظرة الي يم الباب الرئيسي قبل لا تطلع، تتأكد من شكلها.. لابسة نفنوفها الجويتي لي فوق الركبة بشوي‪,‬ وسكارفها الحرير المشير بالازرق والاصفر وشوي برونز لافتة على شكل حزام على خصرها.. وجوتيها الـ Gladiator وجنطتها الـ Mulberry‪.. ‬ قربت صوب المظرة تتأككد من حمرتها الوردية الفاتحة وماسكرتها..

على بساطتها روان تتعتبر من البنات الجميلات الي يلفتون النظر.. تعرف حق نفسها وحق الالوان الي تصلح حق بشرتها البرونزية!! وملامحها الحادة.. عينها وسيعة و مكحلة من الله وحواجبها مرسومين خشمها صغير مو سلة سيف بس حلو على ويها وقصة ويها نفس الممثلة سلمى حايك… شعرها لي نص ظهرها لونة كستنائي بس صابغتة بني الـ Chocolate شعرها مموج بس على طول تسويه بالفير تعدل شكلة….

طلعت برة وشافت رينج صديقاتها…. تعرفت عليهم السنتين الي طافوا اول مادشت جامعة الكويت الادارية

على طول روان راحت صوب الي تسوق…. نزلت صاحبت الرينج "نادية" وقعدت بالكرسي الي على اليمين ودخلت روان الرينج

روان: هاااي ( وحركت السيارة )

البنات: هاااي

نادية: وينج تأخرتي؟

روان: قاعدة اضبط شكلي بالمنظرة!

حور: وييه شدعوه تحتاجين ماشاءالله انتي اكثر وحدة تضبط شباب فينا… واخر شي تقطين الارقام علينا! مادري شسالفة الكشخة!

غالية: اييه والله مادري اشايفين فيج هههههه

روان بغرور: بعد جاذبية من الله شسوي قولوا ماشاء الله…!!

جود: الاا مادري منو طايحة عليه وخاشته عنا!!

روان: هههههههه

الرينج فيه صديقات روان الاربعة ( نادية، حور، غالية و جود ).
كل ويك اند خميس، جمعة وسبت يفرفرون بشوارع الكويت يضبطون شباب.. وروان شارطة اهيا الي تسوق لان ماتثق بريفيجاتها الخفاف على قولتها!!



روان: هاا وين؟؟


نادية: اول طلعي على الحب نروح نشتريلنا من ستاربكس النزهة بعدين نرووح نينو البحر!! اليوووم زحمة!!


روان: صاار.. وعلوا على صوت الاغاني


حور: روان ،روان خففي.. وااااي اينن لا لا لا شبابنا مزايييين ياربي


غالية بضحك: يا حمااارة شوي ثقلي مو اشكرة


حور: وييه ( ونزلت الجام) * ضبطت الولد وخذت رقمة* ولي وراهم هرنات ليش يمشون بطيئ‪…‬ حور: روان صاحبه يبيج (رفيج الي حور تاخذ رقمة)

روان: سجلي الرقم نادية!

نادية كانت لابسة توب وسيع بس دلعتة واسعة!! وقصير وياه سكني جينز شوي وينبط!! وصابغة اطراف شعرها اشقر! وحمرة عنابية…

خلصوا البنات من النزهة ومسكوا خط البحر!! مابقى احد ماتحرش فيهم واهما ضحك ووناسة كل وحدة حاسة انها اجمل ماخلق ربها.. ليش سياكل الشباب عليهم وسيارات وين مايروحون!!

وصلوا نينو الساعة 9 وهما واقفين ينطرون دور اصواتهم عالية وضحك كل الشباب يطالعونهم! ولي يتحرش ويقط رقم وكلهم عاجبهم الوضع.. إلا روان تدري الي قاعدة تسويه غلط ويخرب سمعتها.. بس مستمرة فيه!!


خلصوا من نينو الساعة عشر وشوي ولا وحدة دقوا اهلها يسألون عنها و وينها لي هل حزة طالعه…

على ماردت روان البيت الا الساعة 11:30


دخلت ولا امها وابوها قاعدين بالصالة


روان: السلاام


امها وابوها : وعليكم السلام


امها: اقول روان انا وابوج قررنا الويك اند الياي انروح لندن اسبوع وباخذ فهود معانا ( اخوها الصغير 9 سنوات) وانتي وعبود تموا هني ليش دوامات ( عبدالله اخوها الي عقبها 18 سنة، اهيا20 سنة و وراها اخوانها اثنين وعندهم اخوهم جراح الكبير 27 سنة يدرس طب بامريكا شيكاجو وهذي اخر سنة له شهرين ويرجع لهم) ام جراح: اوكي؟

روان: سووا الي تبونا.. انا دايخة بنام!!

وصعدت دارها بدلت وقعدت على الميز تمسح الماسكرا والبلشر الي حاطتة وتفكر (( الحين انا رادة الساعة 11:30 ولا واحد فيهم فكر يسألني ويني لي هل حزة؟؟)) خلصت مشت الماسكرا غسلت ويها وفرشت اسنانها ونسدحت على الفراش (( قاعدة اصير انسانة وصخة! انا ما اعرف روحي مابقا واحد بالكويت ما عرف عنا. صج اني مو قاعدة اكلم نفس ما باجي ربعي يسون بس كل الناس تطالعني على اني رايحة فيها و مو متربية!!!! واااي انا صج مو متربية!! ما اذكر مرة امي نصحتني ولا ابوي زفني على شي غلط انا اسويه! يابونا على هل دنيا وهدونا نربي نفسنا! لو ما اشوف بنات خالاتي و عماتي وشلون مبادئهم وشلون محافظين على نفسهم يمكن جان صرت العن من الي انا فيه… بس صج انا ما سويت شي غلط بس اخذ ارقام و استانس والرقم الي يبونه ربعي ياخذونة والباجي اقطة!! مو مسوية شي غلط قاعدة استانس بحياتي))

ونامت روان!

الساعة 8 الصبح قامت وتسبحت صلت الصبح و نشفت شعرها سوتة ستريت هل مرة ! وحطت اي لاينر وماسكرة.. ولبست شورت جينز فوق الركبة بشوي وجفسته.. ولبست تي شرت مالت اخوها A‪&‬F وجفست جمومها وسيعة وربطت شعرها عنقوص.. نزلت تحت.. وكانوا امها واخوها فهد يتريقون…

روان: صباح الخير

ام جراح: صباح النور، ها طالعة


روانك ايه.. يالله انا ماشيه


امها: ديري بالج بالطريج


روان: انشالله!


خذت سويجها ونظارتها وركبت الباناميرا السودة مالتها (ابوها مو مقصر عليهم من ناحية الفلوس.. اقط على عيالة فلوس بالهبل)..

روان من البنات الي تحب طلعات الصبح وتروح كافيهات وتتمشى على البحر بروحها…

راحت Cafe Republic
Free Zone

سفطت سيارتها ونزلت طلبت الي تبيه.. وقعدت على القنفات طلعت لابتوبها وقعدت تتسوق Online



‫………‬


بطاولة ثانية كانوا اثنين شباب قاعدين


جاسم: عويس جيك منو دش

عيسى رفع راسة وشاف روان: الله يستر عليها..

جاسم: انا بفهم ابوها هل قوطي مايخاف على بنته؟ مخليها تلبس على كيفها؟

عيسى لاهي بالبلاك بيري : قاعد اكلم خويلد ولد عمها!

جاسم: يبا هذي مايتفع معاها احد.. خويلد انبح صوته واهوا يكلمها ماكو فايدة.. اهيا امشية الكل على مزاجها..

عيسى يكلم خالد (ولد عم روان 24 سنة طويل ولونة تان خشمة وسط لاهو صغير ولا كبير شعرة Army cut وعينة بنية غامجة وسيعة و قفل! )

عيسى يكلم خالد بيبي ام: هاا وينك طولت

خالد: توني سافط الحين يايلكم


عيسى: روان بنت عمك هني!


خالد: ايه شفت سيارتها برة


‫…….‬


روان مندمجة بالاب توب وتشرب الموكا


خالد: السلام عليكم


روان ترفع عينها: اووه خويلد اشيايبك هني؟؟


خالد واهوا يطالع لبسها ومعصب: انا الي مفروض اسأل انتي الي اشيايبج هني وطالعتلي بلبس بحر!!!


روان بنرفزة: اووو هووو.. ترى كلش مالي خلق محاظراتك وفرها حق مرتك وبناتك وخواتك لاتدخلني بالسالفة.. انا يايه هني اريح راسي من الحنة


خالد قعد بالكرسي الي يمها واهوا "يحاول يمسك اعصابة": شظارج اذا سترتي نفسج بفهم؟


روان ببرود: واااي كيفي شايف جونا يسمح؟ موت حرررر انا كيفي وامي وابوي شايفيني وعاجبهم لبسي انت شكو…


خالد يكلمها بهدوء عشان يكسبها: روان، انتي بنت عمي وانا اشوف شلون الشباب يطالعونج وشنو يقولون عنج!


روان واهيا بتفتك من محاظراته : ماهموني .. ( لتفتت) روح حق ربعك و لاتضيع وقتك معاي… عفست مزاجي، انا ماشية ( شالت اغراضها وطلعت) ((اوووف ناس منخلقة حق النكد… استغفرالله))



خالد قام من الطاولة وراح قعد مع ربعه


خالد بقهر: استغفر الله هل بنت مادري متى بتتعدل!


جاسم بطنازة: انت من صجك مضيع وقتك عليها؟ يبا هذي قاضية انا كل ويك اند طايح عليها مع رفيجاتها الجياكر يحوسون بالحب و وراهم شباب لاحقينهم!


خالد بحيرة: مادري شسوي فيها… المشكلة انا عارف انها لا تواعد ولا تكلم بس لاحقة ربعها هل هيلق مادري ليش تسوي جذي


عيسى واهوا يتمسخر على خالد: انت وايد واثق فيها شداراك انها ماتكلم؟؟

خالد: انا قاعد معهها يمكن 3 ساعات نتناقش على هل سالفة لمن اعترفت انها ماتكلم وبس تطلع تستانس مع رفيجاتها


عيسى باستهزاء: ولله انك صيدة بنت ماكو واحد بالكويت مو مرقمها تبي تقنعني انها ماتكلم!


خالد بعصبية: بس عااد ترى هذي بنت عمي ماسمحلكم تتكلمون عنها! زودتوها!

سكتوا جاسم وعيسى وبدوا يشتغلون على بروجكتهم..



‫--------‬

في مكان ثاني ديرة ثانية
New York

وصلت جنى من اسبوع امريكا مع بنت صديق ابوها مريم… قررت تدرس بامريكا عشان اسباب يمكن البعض يشوفها سخيفة بس جرحت جنى وخلتها تروح امريكا تكمل كورسها الثاني.. اهيا سنة اولى خلصت كورسها الاول بجامعة الخليج.. بس سحبت اوراقها وقدمت بعثة حق امريكا…

جنى بنت جدآ عادية عينها حجمها عادي وجشمها صغير ملامحا هادية تحط تقويم و دايما تلبس نظارات احسن شي فيها شعرها! اسود ناعم كثيف.. وطولها عادي مو قصيرة ولا طويلة!



*اول يوم جامعة*

مريم وجنى راحوا الجامعة مشي والجو كان حلو بهل فترة.. مريم سوت جدول جنى على السريع وراحت تكمل اوراقها، فوصلت جنى عند قروب كلا كويتين متطوعين عشان يساعدون الطلبة الكويتين.. فودت جنى عندهم و راحت لانها مستعيلة … تبيهم يدلونها الجامعة، لان اهيا سوتلها الجدول بس مادلتها مكان الكلاسات

مريم بنت قصيرة بس مو وايد‪،‬ شعرها كستنائي ناعم، قصير. ويها دائري وملامحها ناعمة عيونها وساع.. مملوحة



اول ماشافوا جنى تقرب قام واحد من الي قاعدين ياي صوبها (ياربي وين شايفته ويهه مو غريب) جنى تفكر

الريال: السلام عليكم انتي طالبة يدية هني؟

جنـى بحيا: اييه توني واصلة صارلي اسبوع

الريال: انا احمد الفلاني طالب دكتوراه هني ومتطوع عشان اساعد الطلبة الكويتين بنيويورك وعشان تصيرين مرتاحة اكثر وتاخذين راحتج بالاسئلة بخلي مرتي زنوبة تساعدج بكلشي تبينه راح تعطيج رقمها واي شي تبينه لا تستحين تتصلين باي وقت.


جنى( وانا اقول وين شايفته! يوم كنا انا ومريم بالمطار الاسبوع الي طاف شفناهم وقالتلي عنهم عاد تقول انها ماتحب زنوبة الله يعيني) : مشكوور ماقصرت

احمد: زنوبة تعالي ولا عليج امر

التفتت جنى وين ما زنوبة قاعدة.. كانت قاعدة مع قروب شباب وبنات وزنوبة تسولف مع واحد لابس اسود باسود شعرة اسود قصير ولابس نظارات شمسية.. يوم احمد نادا زنوبة التفتوا صوبهم.

زنوبة: اوكي، يايتك. ( يات صوب جنى ومدت ايدها) : هاااااي، انا زينب الفلاني بس ناديني زنوبة.

جنى(ابتسمت): هااي، زنوبة انا جنى

احمد: اوكي انا اخليككم، زنوبة ساعديها طالبة مستجدة اهني.. انا اكمل مع صقير. (وراح قعد مع الريال الي كانت زنوبة قاعدة معاه وكان لي لحين يطالع صوبهم).

زنوبة: اييه خلنا بروحنا ‪,‬ (وطالعت جنى):
SO‪,,,,‬ how old are you Jana‪? ‬

جنى ابتسمت: Two days ago I turned ‪17‬

زنوبة باستغراب: اوووه توج صغييييرة.. ولا مرة احد يانا بعمرج العادة يروحون بريطانيا

جنى: ايييه ادري.. بس انا ماحب لندن فييت امريكا

زنوبة ضحكت: هههههه انا بعد ماحبها زين تسوين ييتي هني.. واااي الحين حسيت بالمسؤولية I have to take good care of you

جنى ابتسمت: هههههههه شدعوة؟

زنوبة : والله اخااف عليج ههههههههه من نيويورك

جنى: ههههههه ماتقصرين

زنوبه: امشي خنسويلج توور بالجامعة

زنوبة دلت جنى الاماكن المهمة بالجامعة والكفيهات وكلشي تحتاجة وقعدوا يسولفون شوي.
زنوبة تسأل جنى: طبعآ انتي ماكو كلاسات ليووم ههههههه

جنى: شكله،،،، اصلا اليوم رفيجتي ساعدتني بالجدول


زنوبة باستفسار: Can I have a look at it‪?‬

جنى واهيا تطلع الجدول: اييه.. كاهوو


قعدت اتطالع الجدول : اممممم ترى لازم تغيرينه لان هل دكتوور كلش مو شي مايشتهي المسلمين، وبعد ماله داعي تاخذين كلااس بليل مو زين تتمشين بليل بنيويورك خطر، بس هل مادة لازم تاخذينها الحين احسنلج!

جنى باحباط: وييه صج؟

زنوبة: ايييه تبين انغيرة؟

جنى: اييه بلييز مالي خلق اتحبط من اول سنة!

زنوبة: عيل امشي عشان اقدر اغيرة حقج!

راحوا وكانت زنوبة قاعدة اتعابل بجدول جنى
تقول: مو راضي يتغير مادري شسالفته…

جنى: وييه
قعدت تطالع ساعتها : انا الحين عندي شغل لازم امشي (قعدت تتلفت) ونادت : صصقققققررر!

زنوبة بعيلة: امبيييه سووري جنى لازم امشي فبخلي صقر يسوي جدولج. باقي عشر دقايق على كلاسي

جنى : اييه ميخالف روحي.. عادي انسوي الجدول وقت ثاني

زنوبة: لاا احسن الحين عشان تضمنيين الكلاس الاحسن

ردت التفتت ولا صقر وصل اهوا نفسه الي كانت تسولف معاه زنوبة الي لابس اسود ووشعرة قصير شوي نفس الي بالصورة Ricky Martin.


http://www.hispanicallyspeakingnews...._crime_law.jpg (http://www.hispanicallyspeakingnews.com/uploads/images/article-images/ricky_martin_pr_hate_crime_law.jpg)

صقر: السلاام

جنى و زنوبة:وعليكم السلام


زنوبة بهدوء: صقر بلييز ساعدها تسوي الجدول ماخذة كلاس عند مايكل! وكلاس ثاني بليل غيره حقها! انا لازم امشي الحين ومادري شفيه السستم!

صقر بلا مبالاة: خلااص انتي روحي انا اضبط الجدول (صوتة Deep وفيه بحة خفيفه)
اول ماقرب عطره فاح كان راش A‪&‬F .. كان عاقد النونه جنا معصب وماله خلق! جنه مزفووف


اول ماوصل قامت زنوبة واهوا قعد مكانها،،، جنى دنت كرسيها لانها كانت لازقة بزنوبة!
زنوبة بلطف: جنى انا ماشيه الحين اول ما اخلص ادق عليج!

جنى بابتسامه: اييه اخذي راحتج!


راحت زنوبة وظلت جنى مع صقر كان مندمج بالاب توب الي جدامة قاعد يعابل بجدول جنى

صقر ببرود: الكلاس الي ماخذته الساعة سبع ماكو حقة وقت ثاني‪!‬ وهذا مهم لازم تاخذينه هل كورس! ( وطالع جنى كان فاصخ النظارة وقاعد يطالع عينها مباشرة قعدت تتمقل في عينه "ماشاءالله حلوة سودة ووسيعة ورموشة كثيفة")


جنى: ااااه انزين ماقدر اخذ كلاس بداله؟


صقر: امبلا يصير بس احسنلج هذا عليه اكثر كردت (ورد يطالع الاب توب).. عموما انا وزنوبة عندنا كلاس كل يوم لي الـ 8 تقدرين تردين معانا!


جنى: لااا ماله داعي يمكن انا مو على طريجكم.. خلاص انا اخذ هل كلاس السنة الياية مو مشكله!


صقر: ليش انتي مو ساكنه بعمارة الكويتية (ههههه اي شي الي طرى على بالي ترى كل اسامي العمارات من خيالي)

جنى: امبلة.،
صقر: اييه يمنا ردي مع زنوبة كل اثنين واربعاء وجمعة.. لان الكلاس اساسا مو كل يوم!

جنى: اشوف زنوبة


صقر: ترى جدولج مو قاعد يتعدل هني.. شكله لازم نروح الـ Library انعدله هناك.

انا: ويييه… خلاص اعدلة مع زنوبة او مريم

صقر (طالع جنى من طرف خشمة) : ترى انا كل الي بالقروب يبوني اسوي جدولهمم… يعني انتي قاعدة تتنازلين عن خدمة ولا بعمرج راح تحصلينها يايتج لي مكانج مجانا (ورفع حاجبة اليمين وكان في زلق مادري منو كافخة).
Any ways it's up to you!

جنى: Ok ‫( قاعدة تتنازلين عن خدمة ولا راح تحصلينها؟ عشتوا مادري على شنو شايف روحة)‬ جنى تفكر..

مشى جدام جنى وكانت قااعدة تطالعه من ورى طويل وجتوفة عريضة وشكلة مهتم بنفسه… لان معضل على الخفيف.. كانت قاعدة تلحقة لان لي لحين ماثبتت الاماكن بالجامعة… يوم وصلوا المكتبة راحوا عند كمبيوترات الجامعة حاول يعدل الجدول وغير المادة الي دكتورها مو زين كانت قاعدة يمة بس مو لازقة فيه قعدت تطالع الطلاب الي بالمكتبة ولمحت مريم رفيجتها قاعدة اتطالعها من بعيد وتطالع صقر.. جنها تقولها شتسوين معاه؟ ولا تكلمها بلبيبي ام

مريم الفلاني: شتسويين ويا هذااا؟؟؟ *حاطة الويه المنصدم*

جنى: KAAAAAAAAK‪…‬ That‪'‬s my new friend Saqoori ‪=))‬

مريم: من وين طايحة علييه امبييه حدج مو صج.. لازم اقولج قصته عشان ماتقربين منه! اصلاا ماخترعتي من شكلة؟ جنه مجرم بسم الله!!!

جنى (طالعت صقر المندمج) وردت تطالع البلاك بيري: شفييه؟ كلش مايخرع! حدى كيووت واينن ‪:‬P ‪=D‬ HE‪'‬s SO HANDSOME *وحطت لها الفيس المعرق* ههههههه مادري شسمة الفيس ‪ ‬

(تستعبط على مريم تحب ترفزها لانها بسرعة تشتط وتتنرفز)

‪مريم: واااي حماارة خلصي‬ منه
‪ وخلني اعطيج سيرته الذاتة وماضية الاسود‬

جنى: يما منج في احد بهل جامعة ماتعرفين عنه؟

مريم: افاا عليج اعرف كلمن هني

جنى: حشه وكالة كونا مو مريم

صقر طالعها باستهزاء وابتسامه على جنب: انا قاعد هني اعابل بجدولج وانتي طايحتلة حش مع رفيجتج فيني؟ *يطالعها ورافع حاجبة*

جنى انصدمت!!!! (انا طايحتلة سوالف مع مريم واهوا قاط عينة بموبايلي!!)

صقر (يبتسم على جنب) : خطج شكبرة وطايحتلة مغازل فيني وماتبيني اشوف؟

...............
الى اللقاء في البارت القادم... ناطرة ردودكم و تشجيعكم... :D