آآآآآه من مجتمع الحرييييم

[حواء غرابيل]

احم احم زميلاتي عزيزاتي اخواتي المعلمات

لاحظت في الآونة الاخيرة في قسمي شي ماني لايقه له اي تفسير او مبرر

فجأة بدا الكل يطلع بوجهه القبيح ويبين نواياه الخبيثة

كنت مخدوعه بشكل مو طبيعي وانا نايمه على روحي

يضحكون ويسولفون جدامج ومن وراج يتكلمون فيج

وان سولفو بطريقه عفويه عن تذمرهم من الاداره او شي يخص بالمدرسه

يقعدون يتحسرون ويحاسبون نفسهم ويخزون بعض بحمق ليش تحجيتو جدامها؟

ولا ويقلبون السالفه ان شي يخص البيت

ولا وزايده بينهم السوالف والضحك بصوت عالي والمقصد ان بنبط جبدج وبنقهرج

ولحد يقول احسني الظن وفاهمه غلط

اقول لكم فجأه صار جذي

وازيدكم من الشعر بيت لما اطلع يغفلون الباب وراي ايشرايكم

عشان يحشون على راحتهم

وان ييت اسكتو

انزين اشلون اعرف شسالفه وليش قاعدين يسون جذي

احس ان في احد قاعد يوصل لهم شي عني :eh_s(10): مع انهم شايفيني جدامهم من الصف لي مكتبي ومن مكتبي للصف ماعندي سوالف مني ومناك واروح اقسام ثانيه واسولف معاهم

وانا ان سولفت دايما سوالفي عن الطالبات والدروس وقليل ما اسولف عن اموري الخاصه

بس ودي اعرف شنو سبب قلبتهم علي انا بالذات 180 درجه واشمعنى بهالوقت بالذات

ليش مو من اول ما ييت المدرسه!

وفي مدرسه وياي لووول طول الكورس ساكته وبشغلها فجأأأأأةةة خربوها !!!

شسالفه في شي غلط قاعد يصير وانا مو فاهمته جان زين وحده فيهم تيي تقول عشان اقدر ادافع عن نفسي ما اعرف جذي اوجههم من غير ما اعرف شسالفه!