حواء غرابيل
25-12-2011, 08:30 PM
السلام عليكم..
بدش بالموضوع على طول ...
الله يسلمكم قبل فتره شريت لي عطر ديور ( لو تعرفونه ألي لون العلبه بنفسجي و أبيض ) عاد تعرفون ما شالله منتجات ديور ريحته هم حلوه و نفس الوقت قويه ...
المهم زوجي يستخدم العطر معاي المهم أخته شمت العطر منه و قعدت تسأله عن أسم العطر طبعا بالذات هاذي أخته ما تتنزل أنها تسألني عن أي شي عجبها علي دايما تروح تسأل اخوها المهم قلت اهمه اخوان و ينيازون لبعض شكو كلها عطر والسوق ما شا الله كل يوم ينزل شي
قعدت الاخت كل يوم تسأل اخوها أنها تبي تشوف العطر و اهوه يقولي اختي تبي منه العطر و آنه أسوي روحي صمخه ..
رد مره ثانيه يسألني يقولي اختي تقول ريحة زوجتك بس تمر من على الدري تطير العقل أبي منه العطر و هم طنشت .. ( يعني الاخت ما تبي تسألني ) هم آنه سويت نفسي ما أسمع...
المهم طبعا الكل يعرف هل الفتره ألي مرت الجو صار بارد والله لا يوريكم صادتني انفلونزا و سخونه كلش يعني هزتني حيييل ... المهم ذاك اليوم ألي كنت فيه مريضه دقت علي أمي تطمن علي و لا تسمع صوتي تقولي أنتي جذي مريضه و ما تروحين الطبيب ... قالت لي ألحين أمر عليج اوديج الطبيب و كنت قبلها مكلمه زوجي و قلت له أبي أروح الطبيب قالي الميزانيه تعبانه وما عندي أوديج الطبيب بمر الصيدليه و بيب لج بندول الانفلونزا و اخذي حبتين و بتصيرين زينه...
المهم قلت حق امي أنه زوجي ما عنده فلوس يوديني الطبيب قالت ألعن أبو الفلوس صحتج أهم عندي من الفلوس قالت ألحين تقومين تلبسين و بمر عليج أوديج الطبيب...
المهم قمت و طبعا شافني شلون كنت منشوله و ما أقدر حتى أمشي المهم رحت الطبيب و أول ما جيكت النيرس على الضغط إلا الضغط عندي كلش نازل قالت هذا من الحراره و حرارتي 39 و نص ... المهم على طول ركبولي الدرب و عطوني مضاد في الوريد ونموني لمدة 3 ساعات و الحمدلله حسيت نفسي أحسن...
المهم عطاني الدكتور دوا و صار حساب المستشفى 60 دينار
ولمن رديت البيت قلت له ترى حساب المستشفى صار هلكثر و لزم أرجع الفلوس لأمي ..
قالي بل هلكثر عشان شوية درب و أبرتين و شوية دوا ... قلت له بس هذا مستشفى خاص .. المهم سكت ...
صار المغرب إلا أشوف حضرته داش علي بأيده كيس ( محلات كريزما ) مال العطور و إلا شوي دق على أخته و قالها تعالي عندي لج مفاجأه و أنه قاعده منصدمه و أطالع
إلا يات حضرتها و طلع العطر ديور و معاه عطر ثاني ماركة بوس و عطاها أياهم !!!
وآنه قاعده مثل المصدومه أطالع ...
قلت يعني آنه كنت منشوله و ميته و لمن طلبت توديني الطبيب قلت ما عندي وألحين عندك تروح تاخذ غرشتين عطر ب 100 دينار حق أختك !!!!!
هديت البيت و طلعت و صار لي أسبوع جهازي مغلق ما فتحته !!!
يا ترى تشوفون الحق معاي ؟
والله من أسبوع و آنه مصدومه ما تتخيلون الصدمه ؟؟؟ أحسها مثل الطراق على الويه ؟؟؟
يعني احين أنه زوجتك ما قال زوجتي صحتها غاليه عندي , قال أختي خاطرها بالعطر !!!
بجيت لين ما قلت بس !!!
قلت هذا قدري !!!
أبيكم تواسوني الله يخليكم .....
بدش بالموضوع على طول ...
الله يسلمكم قبل فتره شريت لي عطر ديور ( لو تعرفونه ألي لون العلبه بنفسجي و أبيض ) عاد تعرفون ما شالله منتجات ديور ريحته هم حلوه و نفس الوقت قويه ...
المهم زوجي يستخدم العطر معاي المهم أخته شمت العطر منه و قعدت تسأله عن أسم العطر طبعا بالذات هاذي أخته ما تتنزل أنها تسألني عن أي شي عجبها علي دايما تروح تسأل اخوها المهم قلت اهمه اخوان و ينيازون لبعض شكو كلها عطر والسوق ما شا الله كل يوم ينزل شي
قعدت الاخت كل يوم تسأل اخوها أنها تبي تشوف العطر و اهوه يقولي اختي تبي منه العطر و آنه أسوي روحي صمخه ..
رد مره ثانيه يسألني يقولي اختي تقول ريحة زوجتك بس تمر من على الدري تطير العقل أبي منه العطر و هم طنشت .. ( يعني الاخت ما تبي تسألني ) هم آنه سويت نفسي ما أسمع...
المهم طبعا الكل يعرف هل الفتره ألي مرت الجو صار بارد والله لا يوريكم صادتني انفلونزا و سخونه كلش يعني هزتني حيييل ... المهم ذاك اليوم ألي كنت فيه مريضه دقت علي أمي تطمن علي و لا تسمع صوتي تقولي أنتي جذي مريضه و ما تروحين الطبيب ... قالت لي ألحين أمر عليج اوديج الطبيب و كنت قبلها مكلمه زوجي و قلت له أبي أروح الطبيب قالي الميزانيه تعبانه وما عندي أوديج الطبيب بمر الصيدليه و بيب لج بندول الانفلونزا و اخذي حبتين و بتصيرين زينه...
المهم قلت حق امي أنه زوجي ما عنده فلوس يوديني الطبيب قالت ألعن أبو الفلوس صحتج أهم عندي من الفلوس قالت ألحين تقومين تلبسين و بمر عليج أوديج الطبيب...
المهم قمت و طبعا شافني شلون كنت منشوله و ما أقدر حتى أمشي المهم رحت الطبيب و أول ما جيكت النيرس على الضغط إلا الضغط عندي كلش نازل قالت هذا من الحراره و حرارتي 39 و نص ... المهم على طول ركبولي الدرب و عطوني مضاد في الوريد ونموني لمدة 3 ساعات و الحمدلله حسيت نفسي أحسن...
المهم عطاني الدكتور دوا و صار حساب المستشفى 60 دينار
ولمن رديت البيت قلت له ترى حساب المستشفى صار هلكثر و لزم أرجع الفلوس لأمي ..
قالي بل هلكثر عشان شوية درب و أبرتين و شوية دوا ... قلت له بس هذا مستشفى خاص .. المهم سكت ...
صار المغرب إلا أشوف حضرته داش علي بأيده كيس ( محلات كريزما ) مال العطور و إلا شوي دق على أخته و قالها تعالي عندي لج مفاجأه و أنه قاعده منصدمه و أطالع
إلا يات حضرتها و طلع العطر ديور و معاه عطر ثاني ماركة بوس و عطاها أياهم !!!
وآنه قاعده مثل المصدومه أطالع ...
قلت يعني آنه كنت منشوله و ميته و لمن طلبت توديني الطبيب قلت ما عندي وألحين عندك تروح تاخذ غرشتين عطر ب 100 دينار حق أختك !!!!!
هديت البيت و طلعت و صار لي أسبوع جهازي مغلق ما فتحته !!!
يا ترى تشوفون الحق معاي ؟
والله من أسبوع و آنه مصدومه ما تتخيلون الصدمه ؟؟؟ أحسها مثل الطراق على الويه ؟؟؟
يعني احين أنه زوجتك ما قال زوجتي صحتها غاليه عندي , قال أختي خاطرها بالعطر !!!
بجيت لين ما قلت بس !!!
قلت هذا قدري !!!
أبيكم تواسوني الله يخليكم .....