ليش الهوس بالبياض؟!

[حواء غرابيل]

السلام عليكم..

أول شي أحب أشكركم لأني استفدت من منتداكم وايد ..

في شي أحب أقوله لكل وحدة مهووسة بالبياض .. سؤال صغير""ليش كذا؟!""

يعني البعض مستعد ياكل حبوب ما يعرف شنو مكوناتها أو يخاطر بكريمات رخيصة ومو مرخصة ويستعمل هايدرو كينون وكورتيزون وبلاوي...اوكيه كلن يبي الزين وممكن الواحد يستعمل بعض المواد لفترة بسيطة على مناطق صغيرة في الجسم مو كل الجسم ..

مافي شي يقلب لون البشرة تماما..واذا في شي مثل هذا اكيد راح يكون ضار ...

و من قال السمار مو حلو ...

شوفوا نجمات العالم مثل بيونسيه ومايا دياب سمران...ويمكن تلقين لونهم بدون مكياج ولمعة وثياب سنعة عادي وما يلفتج...لكن الوحدة لما تقتنع بنفسها وتعرف تبرز مواطن جمالها وتعرف تختار لون الشعر والملابس بتطلع أحلى وحدة..

السمار مو عيب ولا عثرة في وجه الجمال .. لكن الاعلام فرض مقاييسه على عيون الناس صاروا يدورون اللي يشوفونه في التلفزيون ....لكن لو يتذوقون الجمال بروح فيها جمال بيشوفون الجمال في كل شي..

انتي يمكن حلوة لكن قاعدة تضيعين وقتج وصحتج علشان البياض ويمكن عندج ميزات انتي غافلة عنها...


وحلو الوسط بكل شي وحلو يكون استعمال هالمواد عالجسم بعد ما الوحدة تثقف نفسها وتستعملها تحت استشارة طبيب..
وش له تحرقين جلدج او تسببين لنفسج كلف وتصبغات وبلاوي الله يبعد الشر عنكم..

وسلامتكم