موقف يفششل لا احسد عليه :(

[االزعيم الهلالي]

من جد موقف لايحسد عليه حصل لي قبل شوي

الموضوع ومافيه اني انا كنت ايام الثانوي خصوصا ثالث ثانوي معي بنات كنت ماحبهم واشوف انهم سطحيات يعني بالعربي عجزت ابلعهم

الزبده هالبنات صارو معي بنفس الجامعه

وبدايه الجامعه كنت مااحتك فيهم كثير لان نظرتي لهم كانت سلبيه جدا :cry:

ومرت الايام وبديت احتك فيهم شوي شوي .. لمين حبييييييييييتهم مره وصرت كل يوم امشي معهم واجلس معهم ونتقهوى سوى :smilie47:


عاد انا اليوم دقيت عليهم وقلت يابنات تعالوا عندي البيت انا عازمتكم


وجو عندي واستانسنا وانبسطنا


الا صاحبتي كان جوالي البي بي بجنبه وجت تقولي بفتش جوالك بشوف وش عندك ووش ماعندك :razz:


انا ضحكت وقلت له عادي فتشيه يعني وش بتلقين :d


وسببببببببببببببحاااااااا ااااااااااااااان الله ليتني ماقلت :cry::cry:


جت تفتش الا حطت على الملاحظات الصوتيه ( مقاطع التسجيل )

وتمشي بين المقاطع وهي تمشي

الا سمعت مقطع وانا اتكلم عنها هي والبنت الثانيه الي جايه


وكنت اقول لوحده من البنات ان فلانه وفلانه صراحه ماتأقلمت معهم بالجامعه واحس ان حياتهم مافيها جديه وفاهمين الوناسه غلط

وكنت اقول كلام


انا من الصدمه انها جالسه تسمع المقطع عجزت اتحرك :| .. بعدين استوعبت وجيت نطيت واخذت الجوال


وقلت انتي تدريييييييييييين اني ماكنت متأقلمه معك اول وقلت لك هالحكي ولواني للحين ماتأقلمت ماناديتك وعزمتك بيتي :cry:



-

المهم الحمدلله البنات تفهمو الموقف .. وعدى على خير



طبعا بعد ماراحو البنات جيت قلت السالفه لاهلي وماتوا ضحك ( كانو اهلي ع السفره ياكلون )



جيت وشاركتهم بالاكل واكلت .. جا اخوي قال ياوسع وجهك وحده متفشله فشيله كبر راسها ولها نفس تاكل شلون تجي ههههههههههههههههههههههههه ههههه



المهم .. هل حصل وصار لكم مواقف مشابهه وتفشلتوا مره ؟


وش رايكم بموقفي ؟ :(