الحاجة .. ام التوفير

[حواء غرابيل]

http://shortcutstofabulous.com/wp-content/uploads/2009/11/saving-money.jpg


انا اكتر وحدة صريفة بس لما بدي وفر بوفر شوفوا كيف من الخردة جمعت 20 دينار بثلاث أسابيع

1-اول شي كل ما يكون معي حتى لو 1 فلس بحطه بحصالة حديد ولما بفتقر بفتحها بلاقي فيها من 5-20 دينار وكل ما كان معي فراطة مثلا 50 ربع حتى لو دينار بحطهم فيها بس بحالتكم انتم حطوا و لا تفتحيها غير لما تشوفيها تقلت منيييح

2- انا اذا معي بطاقة البنك بنغري اسحب فشو عملت كل مبلغ بدي وفروا عطيته للبابا يحطه عنده و ما اللي دعوة فيه بنساه ونشكر الله عملت هيك لانوا كذا مرة اجتني دفعة لا على البال و لا الخاطر و تورطت فاخدت من فلوس اللي عند بابا ودفعتهم

3- عم حاول ما اصرف كتير بالدوام يعني اخذ الماي و الغدا من البيت لحد ما اوصل البيت و اتغدى و باكل من برة بس بعطل نهاية الاسبوع

4- انا مدمنة شوبينغ فصرت شو اعمل اشتري من المحلات اللي بتقبل ترجيع الملابس و استلام قيمتهم النقدية اذا ما عجبتني قطعة او بنزل اول مرة مصفرة لحتى شوف السوق واذا عجبتني قطعة بحطا براسي وبصبر لتاني يوم اذا فعلا محتاجتها و رح استفيد منها بنزل بشتريها

5- عم حاول استثمر كل اللي ادخرتوا ففكرت بس يصير معي مبلغ محترم حطه بصندوق كيبكو للتقاعد وبيضل ليومي الاسود و بيضل يزيد من هون مثلا لـ 15 سنة او لحد ما بدي اشتري شي مهم مثلا بيت او سيارة او افتح مصلحة اخذ منها دخل اضافي

6- اشتغلوا بارت تايم 4 ساعات باليوم بتطلعيلك مبلغ براني ممكن توفريه لتشتري شي بيعجبك او تطلعوا سفرة مع الاهل

7- استثمري وقتك اشغلي نفسك بشي مفيدمثلا قوي لغتك الانكليزية او الكومبيوتر او اتعلمي مهارة جديدة او ادخلي دورة رسم او شي بتحبيه .

هيدي نصائحي وتجاربي و ادعولي اقدر ضل عهل الخطة لانوا جايتني دفعة بتقص الظهر ... :S

تحياتي .. :D