كل شئ عن عملياتي: شفط البطن واليدين ورفع الارداف

[حواء غرابيل]

<div>السلام عليكم يا اكوس ( يعني كويسات ماارا ماارا ) حريم بالدنيا كلها :eh_s(7):


سنوات وانا اقرا واخيرا قررت اكتب < بدري


بلا كثرة حكي بدخل بالسالفة على طول :

العملية الاولى الشفط :

كنت ابي اشفط بطني وومنطقة العضد من كل يد .. كان بطني مترهل بسبب الريجيم اللي سويته وبعد يديني مترهلة وتهز مع الحركة

رحت للدكتور جمال جمعة وطلبت منه يسوي لي الشفط..
سواها لي بتخدير كامل < وقالوا لي فيما بعد ان ماعندي دهون تستاهل تخدير كامل لو مسويتها موضعي احسن واوفر للفلوس

المهم الحمد لله على كل شئ ..
لكن طلعت اليدين مو مثل بعضهم .. اما البطن طلع حلو مرة

رجعت للدكتور جمال وقلت له عدل لي الغلط هذا .. شلون بالله البس كم قصير ووحده من يديني كأنها مكسوره....
قال ما نقدر نشفط هالجزء البسيط لان يمكن يطلع حفره !! احسن لك تنسينه !!
طيب ليش ؟؟؟؟؟ سويت عملية ودفعت مبلغ يوصل 30 الف ريال واخرتها ماقدر البس كم قصير ؟؟!!

قال اذا تبحثين عن الكمال روحي اشتغلي هذا الجزء بالاجهزة اللي تكسر الدهون وموجوده عندنا بالعيادة
هوو فيه احد ما يبحث عن الكمال ؟!! مادري وش هالمنطق ..!
يعني اخلي عضدي مايل ؟!

والاجهزة كلكم خابرين : جلسات تطول لاشهر ومن غير سنع



اول شئ ندمت عليه : اني سويتها تخدير كامل
ثاني شئ ندمت عليه : اني سويتها اصلا .. لان ماطلعوا مضبوطين
ثالث شئ ندمت عليه : اني قلت لهم تخلصوا من الدهون ما احتاجها < هذي انا اتحملها بسبب غبائي

انتبهوا يابنات لاتتخلصون من اي قطرة دهن منكم قبل لاتفكروووون مليون مره يمكن تحتاجونها لاتغلطون غلطي ..






********************






نجي للعملية الثانية :

رفع الارداف...


سويتها بعد فترة من العملية الاولى ..
وعند د. جمال جمعة بعد < ماتبت منه :eh_s(4): مو قلت لكم غبية هههههه

رحت قلت له ابي اضبط الارداف..
ابيها تصير ناطة ومرتفعه ومليانه ومشدودة< مين ما تبي كذا ؟! :D

طبعا تخدير كامل < جمال جمعة مايسوي شئ الا بتخدير كامل
وقال بيسحب من تحت الارداف ومن فوقها ومن هنا وهنا شوي دهون ويسنعها ..
قلت له شوف شغلك هههههههه

بس قهررر لو كنت محتفظه بالدهون الاوله كنت كبرتها وصكيت عى جينفر لوبيز :eh_s(2):
قدر الله وماشاء فعل ..

المهم سويت عمليه الارداف ودفعت مبلغ 38 الف ريال