عندي طلي فيه ( سرطان ) نبي نصيحه افضل شيله او دواء يفيده ..

[تاجر مواشي]

اغنام - ابل - دواجن - طيور

السلام عليكم ..

كيف الحال ..

عندي طلـي .. ( ألفحل ) .. فيه جرح كبير دائــري .. في طرف بطنه بين الرجل والبطن ..

مبطي فيه مده واحط عليه بخاخ ازرق .. ولا يفيد معه واطقه بأبر بنسلين وحق التهابات مافيه فايده .

والجررح يوجع الطلي ويقرط في الجرح بفمه . من العوار .. وانفتح الجرح راح نصين ودخل فيه دود واصب عليه ديتول ..

لكن حاله . والله ماهو زين .. هزل وتعب حتى مرات مايقدر يقوم زين ..

وسألت كم من واحد من الأخوان . مربين الماشيه . قالوا ذا ( سرطان ) .. ..
وسألت البيطري عنه قال جبه لـي وأشيله .

بس هل شيله بيفيد وان شاء الله مايضره يعني ولا يرجع له ..

ولا فيه طريقه اسويها او ادويه افضــل من شيــله ..

لأني والله الطلي صراحه حالته يوم تشوفه وفمه دم من كثر مايعض في هالجرح من قو الألم والحشرات اللي تخش فيه ..

ياليت تفيدوننا ....



* ( الأخوان اللي صايب حلالهم الهجار او ( الهويجر - الحمى القلاعيه ) .. يصبرون على ماجاهم .. ومايدري الوااحد وين الخيره فيه .. )..

واعرف ان اي نفوق في حلالك انه دفعة بلى وفداء .عن صاحبها إن شاء الله ..

وانا اصاب حلالي والحمد لله ساكت على الوضع لأن مابيدي حيله .. لكن .. نولع في هالكفرات من مده لـ مده .. ونعطيها شوية ثوم ..

والله يحمينا وياكم .. ويحمي حلالنا. يارب ..

ونصيحه لاحد يبيع من حلاله لين يزول المرض ، لأن الوااحد مايبي من احد دعاء او شي . لأنك يمكن تغش لك مسلم ويحطه عند حلاله وتنتقل العدوى ..

والله يكفي الـشر .