تنبيه للي يشترون من محلات البوشيه لنفانيف الحفلات موجودين وبربع السعر

[حواء غرابيل]

مساء الخير


بنات من فتره ودي اكتب هل موضوع لانه حررررررررررررررررررام اللي قاعد يصير


الله يسلمكم الاكيد الكل يعرف محلات البوشيه لنفانيف الحفلات اللي موجود بالرايه
وموجود بالصالحيه


وتدرون نفانيفهم غاليه ماتحصلين نفنوف ب300 كله فوق ال300

المهم مره عندي مناسبه ورحت شفتهم ودش خاطري واحد وخلاص كنت مضطره اخذه لانه مافي وقت

وشريته ب380 دينار

بعد فتره رحت النقره ولا القاه هناك مثله بالضبط بالضبط واللون والخام يعني اعطيه 95% بالاميه اهوا من الصدمه حتى ماشفت جم سعره


والحين شهر 9 كان عرس حماتي
هم مايوووز رحت البوشيه وشفت
وبعدها رحت محل جدام البوشيه حيل صغير ماعرف اسمه وشفت نفانيفه وعجبني واحد وشريته ب390 دينار وقالت نيبهم من تركيا

وبنفس الفتره عرس اختي بنت عمتي راحت البوشيه بالرايه وشرت نفنوف

والصدمه نفنوفها نفس نفنوفي بالضبط والكولتي بس اهيا التوب ترتر وانا التوب مشير
اهيا خذته ب460 دينار

هم يفرق عن سعري


والصدمه الاكبر رحنا النقره موجود بالضبط بالضبط والكوالتي اعطيه 95%مثله
ب120 ولو كاسرتيها يوصل 100

متخيلين فرق السعر


ونفنوف حماتي بعد ماخذته ب280 لقيناه ب80 دينار (ماخذته من ليلى غالري او مجمع زهره على ماعتقد )

والله حرام


انا ماطيح من قدر مجمع النقره اللي شفته قليل نفانيف حلوه وخياط نظيف

بس بعرف ليش هل نصب

واللي مومصدقتني تروح اشوف نفانيف البوشيه وبعدها تروح النقره الكوبي



فنصيحه قبل لاتاخذون نفنوف شوفو كل مكان يمكن تلقونه ارخص وبصراحه فرق بين 120 الى 460


والمايك لكم