عرفت علة الفريق هلموسم واتحدى احد ينكر

[النصرالعالمي]

نادي النصر العالمي - العالمي - الرمز - صوت جماهير النصر

بسم الله الرحمن الرحيم


اولا مبروك الخسارة لكل مطبل للادارة وللرئيس خصوصا

عسى ما ينتقد احد الادارة جونا المطبلين طيران وما يشوفون الدرب يا مندس يابو طاقية يا زعيقي وكأنه النصراوي الوحيد اللي فاهم

لما تختار عطر من محل خصوصا اذا كان معك احد تستشيره وشرايك فيه ؟؟ وهو مجرد عطر ان ما عجبك ترميه وحتى لو كان عاجبك وغيرك قال مو زين تتركه

فما بالك بنادي عريق ومشاكله واعدائه كثير مثل النصر اكيد بشاور حتى رؤساء الاندية اللي ما راح يقولون لي الحقيقة او الراي اللي ينفعني كما هو حال دورينا بس من بين الدوريات

لاعب مانشستر يونايتد فالينسا سئل ارسن فينقر واللي ما يعرف ارسن فنقر او اختلط عليه الامر هو مدرب الارسنال وليس المان يونايتد

السؤال كان عن مستوى اللاعب ومع انه يسعى للاطاحة بالمان لكنه قال رايه وابدى اعجابه باللاعب

لو السؤال موجه للبطي عن لاعب نصراوي قال انه كويس ويلزمه الوقت بغض النظر عن مستواه صاعد ولا هابط


اعتذر للجميع عن هالشطحة اللي اطلت فيها عليكم واللي المقصد منها استشارة الاشخاص اللي معك في النادي وللاسف رئيسنا حاربهم وابعدهم بدال ما يستشيرهم لانه ما له غنى عنه دفعوا او جلسوا لان الله هو الغني عن العالمين


اما العلة فهي واضحة ما يبي لها كلام اللي هو الكمخه اقصد الكميخ

يعرف اللاعبين عدل ومع ذلك ما وضع التشكيل المناسب ولا التكتيك طبعا اتكلم عن مباراة الاتحاد مو مباراة اليوم

لاعبينا يلعبون باجتهادات وليس بتكتيك مثل ايام طيبي الذكر داسيلفا و زينغا


راح السلهام جالب الاجانب الكويسين والرخيصين


وراح القريني اللي للاسف ما بين تأثيره في الفريق


نقول لهم مشكورين وما قصرتو لم تتهاونو باداء عملكم ولكن العمل المطلوب منكم لا تستطيعون تنفيذه


اما الكميخ فاتمنى ابعاده عن الفريق حتى وان ادى لتعيين المشجع معيض بدلا عنه


نجي لنصر برشلونة اللي قال عنه الرئيس

في فترات سابقة كان برشلونة يعمل ما يعمله ريال مدريد بالضبط

جلب اللاعب بالاسم مثل مارادونا جلبه مو لانه فنان ومبدع لا جلب لانه اسم رنان مثل ماهو حاصل مع ريال مدريد حاليا

وكان الريال يجلب اللاعب اللي يفيد الفريق مثلا محتاجين لاعب مهاري في الوسط جلبوا لاعب مهاري حتى وان كان غير معروف


وكانت النتيجة بطولة تلو البطولة في الوقت الحالي انعكست الصورة صار البرشا يجلب اللاعب حسب الخانة المطلوبة

مثال جلب ديفد فيا لانه محتاج مهاجم سريع وهداف بدال ابراهيما اللي قرروا تركه

بعده يايا توريه راح وجلبوا فابريغاس لانهم يلعبون في نفس الخانة


وهكذا يجلب اللاعب حسب المواصفات المطلوبة والخانة المطلوبة

فاذا الرئيس يبي يجيب بطولات ويبي يتأهل بكل اريحيه عليه جلب اللاعب حسب مواصفاته وليس حسب ميزانية النادي وايضا الخانة

النصر محتاج لاعب وسط ايمن بدال فيبغاروا اللي كان شايل اليمين شيل

بالله عليكم منو جاء بدال خانة فيغاروا اذا بينو يسار ؟؟

الجواب محد والمصيبة الرئيس عارف اليمين عندنا تعبان افضل عمل عملته الادارة جلب الغامدي بدل الدوخي وشوفو النتيجة شنو!!

تم تغطية خانة الدوخي وزيادة فاعليتها لان الدوخي العام الفايت ولا اوفر صح والغامدي اوفرات وفاولات وراح نشوف بلنتيات او بنلتيات مثل ما يقول الريس


المباراة الجاية متأكد انها تعادل او خسارة بغض النظر عن الفريق اللي نقابله


اذا النصر يرجع للمسار الصحيح عليه جلب مهاجم وصانع لعب او وسط ايمن فقط هذا اللي يبيه الفريق

حتى الاعمى يعرف هالشي

اليمين تشتغل اذا جاها الغامدي او بينو

واليسار تشتغل اذا جاها مهاجم او بينو


اما اللاعبين اللي يسبهم او يقذذفهم بكلام لا يليق فيه كمشجع نصراوي اقول له

سلم اللاعبين رواتبهم وبعدين طالبهم يقول الرسول صلى الله عليه وسلم اعط الاجير حقه قبل ان يجف عرقه


وعرق لاعبينا من نهاية الموسم الماضي وهو جاف

لا تطلب شي لانك ما تقدر تهدد بشي


وش العقوبة اللي بتجي اللاعب المتهاون اذا راتبه متأخر متأخر ؟؟

فكروا بعقولكم لا بعواطفكم


وسط ايمن صانع لعب مهاجم هذا ما يريده النصر


تحياتي لكم والله يستر من تدخلات الكمخه