الليله الحمراء ..والطارف سديد

[زابن الدوسري]

مساء الخير للجميع




ابتدينا مانتهينا مانسينا العلم لو كثر الجدال
ان ضحكتوا لو سمحتوا مافصحتوا بين من صفق وقال
الحقيقه نشف ريقه في طريقه وابتلش ولد الحلال
والعلم مرفوع والدنيا تحدانا كفى الله شرها



سلام تسليمةٍ حره غشاها البياض = امدّها بالوفا والناس يوحونها
ان هل مزن الوسامي ماه والبرق ناض = تضحك مساليمها ويموت شيطونها




ان رمزتوا وان همزتوا وان لمزتوا تتضح كل الرموز
لو شويتوا ما كليتوا وان كليتوا شي.. لا..لا..مايجوز
البلاهه والتفاهه والسفاهه من يفتش بالكنوز
والعلم مرفوع والدنيا تحدانا كفى الله شرها


استبشري وافرحي واستانسي يالرياض = ليلى تصون العهد في حب مجنونها
ان كان ماسقتهم سوق الجمل للحياض = لااقطع يدٍ ماتجيب العز لمتونها

[مشعل العتيبي]

استلم يالواثق لاهنت



اعرف اني يالمغني ماجهني وقفت اهل الطايلات = انزعلنا ماضحكنا يالمعنا والحقايق ثابتات
من غدابه في شبابه العيابه اعرف انه مايروم الكايدات=والعلـم مرفـوع والدنيـا تحدانـا كفـى الله شرهـا


يامرحباعد مزنن هاض وروى الفايض=من هاجسن كلمته ماينثني دونها
من لمسه المخطر الحامي يجيه انتفاض=والناس من بعضها يامكثر اغبونها



ان رمزنا ، في هدفنا ، ماجهلنا الحق والعلم والصحيح=ماكلينا عرض اخينا عايفينا والدواء يشف الجريح
الجهاله والخباله والنذاله عند ابو وجهٍ قبيح=والعلـم مرفـوع والدنيـا تحدانـا كفـى الله شرهـا


المملكه وافيه من جالها مايغاض=حكامها بالعطاوالطيب يجزونها
سوالف الواثق الليله طوال وعراض=نعرفه والكايده بقول ياهونها

[راكان بن بدن السبيعي]

الله الله الله




قمم هنا تلتقي


والليله غير



ياسلام يالواثق /



استبشري وافرحي واستانسي يالرياض=ليلى تصون العهد في حـب مجنونهـا



وياسلام يامشعل /



سوالف الواثق الليله طوال وعراض=نعرفه والكايـده بقـول ياهونهـا







واصلواااااااااااا وانا نشيل الصفوووووف

[زابن الدوسري]

مع احترامي لعشق ومن معنا بالمنتدى اذا بدر اي خطأ مني
استلم يامشعل




جيت ساري يالبخاري مانت داري وش حدث في المملكه
شيخ غزّه عزّ عزّه لاتخزّه شف طريقٍ واسلكه
فيك حكه فيك شكه فيك لكه ياكثير الحكحكه
والعلم مرفوع والدنيا تحدانا كفى الله شرها


ان جبت لك صحن تونه واخر الليل باض = وش تشتهي بيضها ولا تبي تونها
يمكن يصيبك ضمور العقل ولا انقراض = واليا انقرضتوا بعد لازم تذوقونها


الصغيره والكبيره والاخيره عارفين ام الذنوب
يالفكاهي مثل ماهي لك مشاهي لو تتوب انته تتوب
لاتلوى مثل حوى يالمكوى نطلع اللي بالقلوب
والعلم مرفوع والدنيا تحدانا كفى الله شرها


ان بان غيب السفيه وخافي الحقد فاض = افتل قيود المجنن واعمي اعيونها

اليا اعترض لي قليل العرف جيت اعتراض = اقرب من الجمره اللي فاح غليونها

[محمد بن دحيلان]

ابتدينا مانتهينـا مانسينـا العلـم لـو كثـر الجـدال
ان ضحكتوا لو سمحتوا مافصحتوا بين من صفق وقال
الحقيقه نشف ريقه في طريقه وابتلش ولـد الحـلال
والعلـم مرفـوع والدنيـا تحدانـا كفـى الله شرهـا

سلام تسليمةٍ حـره غشاهـا البيـاض
امدّهـا بالوفـا والنـاس يوحونـهـا
ان هل مزن الوسامي ماه والبرق ناض
تضحك مساليمها ويمـوت شيطونهـا

ان رمزتوا وان همزتوا وان لمزتوا تتضح كل الرموز
لو شويتوا ما كليتوا وان كليتوا شي.. لا..لا..مايجوز
البلاهه والتفاهـه والسفاهـه مـن يفتـش بالكنـوز
والعلـم مرفـوع والدنيـا تحدانـا كفـى الله شرهـا

استبشري وافرحي واستانسي يالرياض
ليلى تصون العهد في حـب مجنونهـا
ان كان ماسقتهم سوق الجمل للحياض
لااقطع يـدٍ ماتجيـب العـز لمتونهـا
،،،
،،
،

الواثق

ياسلالالالام عليك يالجزل


صح السانك يالجزل


===================

اعرف اني يالمغني ماجهني وقفـت اهـل الطايـلات
انزعلنـا ماضحكنـا يالمعنـا والحقايـق ثابـتـات
من غدابه في شبابه العيابه اعرف انه مايروم الكايدات
والعلـم مرفـوع والدنيـا تحدانـا كفـى الله شرهـا

يامرحباعد مزنن هاض وروى الفايض
من هاجسن كلمتـه ماينثنـي دونهـا
من لمسه المخطر الحامي يجيه انتفاض
والناس من بعضها يامكثـر اغبونهـا

ان رمزنا ، في هدفنا ، ماجهلنا الحق والعلم والصحيح
ماكلينا عرض اخينا عايفينا والدواء يشـف الجريـح
الجهاله والخبالـه والنذالـه عنـد ابـو وجـهٍ قبيـح
والعلـم مرفـوع والدنيـا تحدانـا كفـى الله شرهـا

المملكه وافيه من جالها مايغـاض
حكامها بالعطاوالطيـب يجزونهـا
سوالف الواثق الليله طوال وعراض
نعرفـه والكايـده بقـول ياهونهـا



مشعل العتيبي



الله ياسلالالالالالام



جزل جزل



الله لايهينكم امتعتونا




متابعينكم


وصح السنتكم



تقبلوا تحياتي وتقديري


محمد

[أبوعبدالرحمن]

الله الله


محاورة تستحق ان تكون محاورة الاسبوع


صحت قلوب الشعار

وننتظر ليلة مختلفه معكم

والقلوووب صافية اكيد

[مشعل العتيبي]

استلم يالواثق ولاتعذر من احد هذى محاوره ماعندك هاته






انت عاني ياليماني للهواني عزتي لهل اليمن=جاك عمك جاك سمك هدر دمك ضايعن مالك ثمن
وانت سكه الك صكه فيك ضكه والمرض وسطك كمن=والعلـم مرفـوع والطرقي على ساقه يسير


تمر الحساء جابلك سكر وجاب انخفاض = وانتا مريضٍ ونفسك زادة اشطونها
حلم العقيمه ياراودها وزيف المخاض = شاموا خطاطيبها ماعاد يبغونها


الهزيّله والرذيّله والفشيّله مكسبك بين الر جال =يمتكيف يالضعّيف يالخفيّف منت ند اهل القتال
الحقيقه ياشقيه فيك ضيقه والحمل بلحيل مال=والعلـم مرفـوع والطرقي على ساقه يسير


راع الوفا مثلنا بدري عليكم يغاض = ياطا نفوس الردى ويغيّر اضنونها
ترى الوفي لاتوفا ياعرب مايعاض = ولا الردي سيرته لامات ينسونها

[أبوعبدالرحمن]

صحت قلوبكم

واكيد القلوب صافية ان شاء الله

وياليت ما نفقد جمال هالجزالة بمعاني تسيء لنا اولاً وللمنتدى وللمتابعين الذين يتعلمون منكم

[محمد الاسمري]

يا سلام .. يا سلام ...

عمالقه .. بحق

صحت السنتكم .. يالشعار ..

والله إبداع ..

متابعين .. متا بعين

واصلووووووووو

[محمد بن دحيلان]

ياسلام عليكم



متابعين



والله يعطيكم العافيه ،،

،،
،

[زابن الدوسري]

استلم يامشعل

النسيسه والدسيسه والفريسه عظمها هش وطري
بس ندري يالمهذري فيك عذري يوم تاكل لك شري
والعجيبه والمصيبه والغريبه عن مقامك معتري
والعلم مرفوع والدنيا تحدانا كفى الله شرها


ان كان صاب الولد عرق العذارى وحاض = فتون عشقة دسوقي تمشط اقرونها

لو وقع الرمح وسط الجوف والقلب جاض = روس الآصابع من الحسره تعضونها



لورقدت ولو قعدت ولو سجدت اقض الصلاه اللي نبي
البلاده والسعاده فيك عاده شي ماهو مطلبي
بعد ساعه لك وداعه بالاشاعه ياغريب المذهبي
والعلم مرفوع والدنيا تحدانا كفى الله شرها


قدح السوالف حقيقه ماتصير افتراض = والله لااخلي جميع الخلق يقرونها

ان حل تالي الدهر وسط البيوت انقضاض = ام الشنون ازعلت لو ترقع اشنونها

[زابن الدوسري]

الاعزاء : محمد بن دحيلان

عشق ليل

محمد الاسمري


صحة ابدانكم جميعاً ولا هنتو على المتابعه

ولكم تحياااااتي،،،،،،

[نايفة شمر]

خيانة الشعر ليست كتابته من خيال بل خيانة الشعر هي تفسير معانيه وعندما يقال في محاورة ( انت ) فهذه خيانة للشعر

وانا اشوف ان محاورتكم سماعية وصعب انها تكون كتابية

صحت السنتكم



نايفة شمر

[مشعل العتيبي]

الاخ الواثق

اعذرني لن انزل الى هذا المستوى الذى يليق بشخصك ولايليق بشخصي

وكذلك احتراما لقراء واعضاء هذا المنتدي اكتفي بكلمه صح لسانك ؟؟؟؟؟؟؟؟؟؟


الاخت النايفه

هلابك وهي كتابيه وليس سماعيه المحاوره

اشكر كل من مر على الموضوع


لكم فائق احترامي

[زابن الدوسري]

صح بدنك يالنايفه

وصح بدنك يامشعل ولا هنت

على كل المستويات مثل بعض

والدعوى كلها مزوح والقلوب صافيه

تحياااااااتي،،،،،،،