طعنت قلبي

[اللؤلؤة]

٤
طعنت قلبي طعنة(ن) به شقيه
وتركتني في جرحي انزف ولا اقوم

لاني بموت ولا مع الناس حيه
واليوم ترسل لي سلام مع رقوم

خل السلام اللي ترده هديه
ماعاد اظن اهواك من بعد هاليوم

ياخاين العشرة تغلى عليه
وانا احسب لجيتك يوم بعد يوم

وكنت التمس لك عذر باول مجيه
وابطيت لين القلب قساه مرسوم

وصد وصدوده لا تقول فيه شيه
معذور قلبي لوقسى وأكثر اللوم

كثر الجفا والبعد كواه كيه****
وبدل مكان الود حزن(ن) مع هموم

لاتحسب اني منك اجازي الخطيه
صبرت لين العلم وصل له علوم

ومنيت نفسي والأماني سليه
وكنت اعتقد فيك الوفا دايم الدوم

ياليت تفهم ماجنيته عليه
من قول ماودي اقوله وملزوم

****