محمد مساء الخيرر قرب ابغاك

[مشعل العتيبي]

السلام عليكم

مساء الخيرررر يابومطلق


يامحمد بعد مالاح براق الخيال=مرحبابك والمخيله تلوح بروقها

شد حيلك والحموله على ظهر الجمال=والهنوف الغشمريه وصل معشوقها

[محمد بن دحيلان]

ارحب ارحب يابو فارس

استلم طال عمرك



بارك الله فيك ياشاعرٍ جالك مجال = البقا والرجل يعطي الرجال احقوقها
ياطويل العمر يالاجودي يابن الحلال= بنت ابو زيد الهلالي رفيعٍ ذوقها

[أبوعبدالرحمن]

الله الله

ابومطلق ومشعل


اشتقنا لمحاوراتكم


صحت قلوبكم

[مشعل العتيبي]

استلم لاهنت


علم اللى كنها الدلو من فوق المحال=العباه اللى عليها وساع اشقوقها

عارف ذوق البنيه من ايام وليال= هي تخاطبني وانا عارف" منطوقها

[محمد بن دحيلان]

الله الله


استلم




ماغدالك ياصحيبي جنيه ولا ريال = اعرف انك من حرارٍ تتل اسبوقها
يالجنوبي لو تسير على راع الشمال = منت لاقي لك متاكي تتكي فوقها


،،
،

[محمد الاسمري]

يالجنوبي لو تسير على راع الشمال = منت لاقي لك متاكي تتكي فوقها
يالجنوبي لو تسير على راع الشمال = منت لاقي لك متاكي تتكي فوقها
يالجنوبي لو تسير على راع الشمال = منت لاقي لك متاكي تتكي فوقها

،،
،

الله الله

بيت مليان .. شدو الهمه ..

صحت أبدانكم يالقروم

مشعل العتيبي

و

محمد بن دحيلان


متابعين .. متابعين

[زابن الدوسري]

الله على هالليله ساخنه من اولها

مشعل

بن دحيلان

القمه والابدااااااع والجزاله

واصلو لاهنتو متابعين

بس خففو الرمي شوي هههههههههههههههههه

[مشعل العتيبي]

استلم يابو مطلق


يالشمالى شمسكم تو ماجاها الزوال= والجروح المدميه من يداوى احروقها

ياصحيبي مانوقف على جرف" هيال= قلتها والجوهره مغلق" صندوقها

[محمد بن دحيلان]

ياسلام


استلم


الخفاف اخفاف ماهيب في وزن الثقال =وانت عندك مشكله داخلٍ في عموقها
ودي اجاوبك ياللي تقدم لي سؤال = مير طاحت من يدك ماقدرت اتحوقها



،،
،

[محمد السبيعي]

الله ... الله

لاهنتوا


ياطويل العمر يالاجودي يابن الحلال=بنت ابو زيد الهلالي رفيـعٍ ذوقهـا

تراني في صف ابو مطلق

ومتابع لكم جميع

،،،،

[محمد بن دحيلان]

الغالي والقدير محمد السبيعي


يامرحبا ياالقرم



صح ابدنك

وصفي نوره وجودك


تحياتي للجميع

[مشعل العتيبي]

استلم لاهنت



العرب من حرقة الشمس ترجع في الظلال=واوجودك كان كبدك يبس معلوقها

مكسبي مضمون ياللى توطتك الليال = قدمكم ياذيب مشعل تراه يسوقها

[أبوعبدالرحمن]

صحت قلوبكم

ومازلنا متابعين

[محمد بن دحيلان]

الله الله


استلم





الخبال اخبال ياكثركم يهل الخبال=جاتكم بقعا وصرتوا بوسط اشدوقها
انت خسران التجاره ولا لك راس مال = باغين لك لقمةٍ ماقدرت اتذوقها

[محمد السبيعي]

الخبال اخبال ياكثركم يهل الخبال=جاتكم بقعا وصرتوا بوسط اشدوقها
انت خسران التجاره ولا لك راس مال = باغين لك لقمةٍ ماقدرت تذوقها

طيب طيب

متابعين وبشغف

،،،

[محمد بن دحيلان]

هلا وغلا يا متابعنا



تحياتي للجميع

[أبوعبدالرحمن]

انت خسران التجاره ولا لك راس مال
باغيـن لـك لقمـةٍ ماقدرتذوقـهـا






الله الله يابومطلق

صحت قلوبكم ومتابعين لكم

[نايفة شمر]

:برافو::برافو::برافو::برافو:

:برافو::برافو:


:برافو:

[مشعل العتيبي]

استلم


بعد هذى صاب عقلك يابومطلق هبال=ماهتز الشجره اللى تظل عروقها

مايهز طويق يااهل الوفاء عج الر مال= واليتاما ناشب " هرجها بحلوقها

[محمد بن دحيلان]

السلا عليكم

صباح الخير


استلم




العقيمه ماتجيب البنات ولا عيال = خشمها مقطوم وعيونها ياضوقها
انت يا محتل مازلت تحت الاحتلال = عقب منتب تتبع البدو ترعى نوقها

[مي العقيلي]

تكتبون بغضب

ونفحات من غموض



لا يمكنني رصد جواهر الشعر لديكم


صح لسانكم

[مشعل العتيبي]

استلم يابومطلق


العقيمه حقها عندنا فال وعقال=وانتبه للغبه اللى زرق زاروقها

انتصرنا بالمعارك بعد دار القتال=والبنيه عافت الكل تبغي شوقها

[مشعل العتيبي]

الاخت الغاليه مي

هلا وغلا مليييييون وحمدالله على السلامه

الاخ محمد بن دحيلان

صح لسانك وترجع بالسلامه انشاء الله
اشكر كل من تابعنا


تقبلوووو ا من تحياتي اغلالالالالالاها

[محمد السبيعي]

صحت قلوبكم

ولاهنتوا

ولازلنا نتمتع بهذا الفن الراقي بينكما


،،،

[محمد الاسمري]

الله الله

متابعين .. متابعين

ومستمتعين يالعمالقه

واصلو الله يجزاكم خير

[محمد بن دحيلان]

محمد السبيعي

الاسمري


مي


صح ابدانكم مرور اسعدني يالغالين ولاهنتوا



الشاعر / مشعل العتيبي

الله يسلمك توني جاي من المزاين الحين

صح ابدنك ولاهنت
وامتعتني بالمحاوره معك




لنا لقاء قريب


تقديري يالغالي لك واحترامي