صديق خائن

[عبدالله رجاء العنزي]

بعض الخطى ياصاحبي حيل يجبرك
تنسـى الـذي ماصـان وصــل الصـداقـه

تاريخ 1/2/1432



في يوم واحد باول اثنين مشكور=تاريخ في صدري يضمه اسناده
ماجيت اعاتب وانشد الثور ياثور=ولجيت اغني في رفيع الحماده
منكور وجه الهيس وازيد منكور=ولا هو غريب ان الردى فيه عاده
خشير للهزله من الكذب مثبور=وماله مع الوصل الحقيقي اراده
ياخشت(ن) من شافها شاف دنقور=وجه الردى مرسوم ختم وشهاده
فعل الردى باخوانهم شي مخبور=اخوان زيف ورافقتهم قراده
فيهم قطاعه مالها غير منظور=ان القسى بالنفس رمح واباده
واني لقيت البغض والكره والجور=بنحورهم ياناس مثل القلاده
ابليس خاواهم على الذل والزور=سود الوجيه الخايسه والنكاده
سنين عاشوها على ايام وشهور=والكل منهم عاش قصة سواده
طلبت من صخر من الشمس هالنور=اللي على بيته توجه عباده
اللي خلق في جنته زينة الحور=محيي العظام البالده والسماده
بامرك يكون العسر يارب ميسور=يامبري الوجعان مرهم ضماده
اطلبك في شخص(ن) له الذنب دستور=يعيش وقته دون صوم وعباده
يعيش بين الناس في وسط ديجور=يهز عرشك في مسيرت مراده
يارب انا طالبك تهفيه مكسور=وتجعل مقامه في خرابة عتاده
يارب انا طالبك تصلاه مقهور=تصلاه في ذنبه وذنبه مفاده