عبد المجيد بن عريج
22-09-2011, 02:45 PM
السلام عليكم ورحمة الله وبركاته..
قصيده اجتماعيه .. على بعض اصناف المجتمع..ولاتعكس صورة الشاعر. اتمنى ان تنال على رضى الجميع..
لا لا تضايق لو تردى قريبك=وتجزع من الايام ويضيق بالك!!
حظ ونصيب ومن ردوات نصيبك=اللي خلط دمه بدمك وجالك!!
واكبر مصيبه في المجالس تصيبك=لامن حكى فيها عليك وحكالك!!
قصده يبين لك مع الناس عيبك=ويفرح لوان الناس تقطع وصالك!!
هذا ولد عمك وهذا نسيبك=من دقن عمك في شوارب خوالك!!
الدم هو يفري مع الناس جيبك=والا معا الاجناب وشهو غدالك!!
ان قلت ابصبر بين الوقت شيبك=وان قلت حد السيف جدك طرالك!!
ياذيب مابه ذيب يجاوب يقنيبك=تقنب على العليا لحالك لحالك!!
لوكنت تسأل عن علاجك طبيبك=احتار في داك ودواك وسؤالك!!
لولا صلة رحمك وطيبك يجيبك=ماحد على شانك وصلك وعنالك!!
ماهان راسك بالزمن غير طيبك=اصبر على بلواك واللي جرالك!!
البعض لوبان الخلل مايحكيبك=والبعض قدره تحت ماطى نعالك!!
شمات لوشاف العرب تعتزيبك=ويموت لاجاء بالمراجل مجالك!!
واجبه من دلتك باقي سريبك=دامه ضعيف النفس ماله ومالك!!
تدق صدرك والضماير تجيبك=بين السطور ومن كتبلك قرالك!!
بكره يبين لك مع الوقت غيبك=اللي على يمناك واللي شمالك!!
تلقى عدوك بالزمان وصحيبك=ومن غرته دنياه ومن هو صفالك!!
بطيب شب النار واستاق طيبك=تستاهل اهل الطيب صافي دلالك!!
قصيده اجتماعيه .. على بعض اصناف المجتمع..ولاتعكس صورة الشاعر. اتمنى ان تنال على رضى الجميع..
لا لا تضايق لو تردى قريبك=وتجزع من الايام ويضيق بالك!!
حظ ونصيب ومن ردوات نصيبك=اللي خلط دمه بدمك وجالك!!
واكبر مصيبه في المجالس تصيبك=لامن حكى فيها عليك وحكالك!!
قصده يبين لك مع الناس عيبك=ويفرح لوان الناس تقطع وصالك!!
هذا ولد عمك وهذا نسيبك=من دقن عمك في شوارب خوالك!!
الدم هو يفري مع الناس جيبك=والا معا الاجناب وشهو غدالك!!
ان قلت ابصبر بين الوقت شيبك=وان قلت حد السيف جدك طرالك!!
ياذيب مابه ذيب يجاوب يقنيبك=تقنب على العليا لحالك لحالك!!
لوكنت تسأل عن علاجك طبيبك=احتار في داك ودواك وسؤالك!!
لولا صلة رحمك وطيبك يجيبك=ماحد على شانك وصلك وعنالك!!
ماهان راسك بالزمن غير طيبك=اصبر على بلواك واللي جرالك!!
البعض لوبان الخلل مايحكيبك=والبعض قدره تحت ماطى نعالك!!
شمات لوشاف العرب تعتزيبك=ويموت لاجاء بالمراجل مجالك!!
واجبه من دلتك باقي سريبك=دامه ضعيف النفس ماله ومالك!!
تدق صدرك والضماير تجيبك=بين السطور ومن كتبلك قرالك!!
بكره يبين لك مع الوقت غيبك=اللي على يمناك واللي شمالك!!
تلقى عدوك بالزمان وصحيبك=ومن غرته دنياه ومن هو صفالك!!
بطيب شب النار واستاق طيبك=تستاهل اهل الطيب صافي دلالك!!