بـــــذور المحبه

[بدر ناصر المورقي]

السلام عليكم اعضاء وزوار هذ الصرح ومتواضعه ترجي القبول


النوم لا طيّر حمام بسما العين=طير السهر تل الجناح وطرحهم
والقلب ونّاته تعاظم من البين=ينعي مساعي للوصال اقترحهم
تذكارهم يجتاح نبضي سكاكين=واحباب قلبي غافلين ابمرحهم
وعنادل الاُلفه وتغريدها الزين=نعيق غربان الجفا ما برحهم
ازرع من ابذور المحبّه بساتين= يوم ان غيري بالخيانه جرحهم
والقلب لرضاهم مزعّلني سنين=ياما بعزّي سيّيئات اجترحهم
واسمو على الضيقات لو هي براكين=في عز حزني كنت مصدر فرحهم
وباوقات فرحي لا غدا وقتهم شين=نسيت فرحي وانشغلت ابترحهم
صدور كانت للمودّه عناوين=حسبي على اللي للمفارق شرحهم
يانوم لا ترسل حمام بسما العين=صقر السهر لا من لمحهم طرحهم


بدر ناصر المورقي

[أنـ الذكريات ـين]

يانوم لا ترسل حمام بسما العين
صقر السهر لا من لمحهم طرحهم


الله يا بدر..


رااائعه من أولها لآخرها..


صح لسانكـ مليون..



تحيتيـ

[عبدالرحمن الحميدي]

رائعه من روائعك يابو ناصر
وهذا هو بدر في كل جديد له
لا بد أن نقرا من الشعر ونعرف
أن الشعر عندما ياتي من أهله
سيكون هو الشعر وليس المجرد
موزون مقفى.

[محمد بن ضاوي]

الله ,, الله

وش هالزين يابدر


صراحه قصيده اعتبرها كعيديه لتا هنا والف صح لسانك ولاهنت

[عيد العتيبي]

صح لسانك

[أبوعبدالرحمن]

جزله ورائعة

صح قلب وفكرك


وسلمت اناملك

تحيتي لك

[بيان الغنامي]

صح لسانك يابدر
لاهنت

[سامي العطاوي]

ياسلام يابدر


صح لسانك ملايين ولايكفون

وبيض الله وجهـك على هالرآئعه

مبــدع لآهنت