غافله

[عبدالعزيز عبيد العدواني]

وش نقول لوقتنا اللي فات من طول الغياب
ووش يصلح ماكسره الوقت وانتي غافله



إيه جيتي بس جيتي لي على صفحة كتاب
لو تقبلك الليالي صاح قلبي سافله




سافله ماكنك الا الموت من بعد الصواب
لو تجملتي نجومك من سمايه آفله




جاوبيني الا وش ينفع جوابك مع جواب
السنين وضيقة الخاطر وزفرة قافله




ماحسبت لرجعتك في يوم يالغيبه حساب
والخيول اللي من العام راحت جافله



الخيال يكفي المغرم عن ابواب العتاب
والشموع لعودة الغالين دايم كافله



إفتحي كل الشبابيك دنيانا ضباب
ما عدا ليله بالاشواق كانت حافله



إيه جيتي بس جيتيني على حزة غياب
المحبه والوفا والشوق وانتي غافله

[أنـ الذكريات ـين]

صح لساانكـ يا عبدالعزيز..


تحيتيـ

[سامي العطاوي]

عبدالعزيز العدواني

صح لسانك ملايين


مبدع لاهنت

[أبوعبدالرحمن]

جزل يا عبدالعزيز


صح قلبك وكلك

وسلمت اناملك

تحيتي لك

[بيان الغنامي]

صح لسانك ياعبد العزيز
وكل عام ونت بخير

[عبدالرحمن الحميدي]

صح لسانك يا عبدالعزيز
ولا هنت ولا هان منطوق

[عيد العتيبي]

صح لسانك ياعبد العزيز
وكل عام ونت بخير




صح لسانك

ولاهنت

تقبل مروري

[ناصر أحمد الخريش]

صح الله لسانك وبيض الله وجهك لاهنت
وكل عام وأنت بخير من جرح الاحباب