يافلان مالي في ردي التعابير

[عبدالرحمن الحميدي]

ليّه من اقصى الربع شيمه وتقدير=ولي رِجل ماعمر البنآدم شكاها
اضرب مثل ضربة سيوف الشواطير=ولا تهمني دنيا الردى مع حلاها
يافلان مالي في ردي التعابير=واللي خلق نفسي وحذر هواها
ماني من اللي للمشاكل مداوير=رديت عن نفسي بلى من بلاها
وإن وصلت الهرجه رجالٍ مناعير=القصد واضح والخطا في عماها
وإن ساح دمي والله إني فلا آحير=في ضربةٍ منها يبلل ثراها
ودرب المراجل فيه عدة مشاوير=ومشوار يجهض حاملٍ في ضناها
هي مسألة بعض الصلف بالمقادير=وراضي بها لا حد شيبة لحاها
وخذ كلمةٍ مني بدون اي تقصير=عمر الردي ماراح يطرد وفاها
والقدر فوحه مايعب القوارير=والماء هماجه مايشرّب إضماها
وطالبك تمسحها بوجه المشاوير=اللي إتفرق بين الام وضناها