دمع المولع سال(بدون نقط)

[خالد السهلي]

السلام عليكم ورحمة الله ومساكم الله باالخير
هذه متواضعة نظمتها بالحروف المهملة (بدون نقط) والعذر عن القصور


دمع المولع سال واسال الاطلال=هملول وسمٍ صحصح الصمد علّه
سكَر هواه وْدَكّ رعّاده وسال=ورادَم طَهَاه ولَمْع صارمْه هله
وآآ ملّ روح طال معها الهوى طال=همه مطاولها مدى العمر كله
محدٍ درى عما دهى الروح والحال=كَمَاه صدرٍ ساعر الود مله
ملِّه ولاملَّه وله معه ولوال=ورعٍ كواه ولاع روحه وعله
والله ماحالاه حلوٍ على حال=ولاسلسلوا آدم وحوا حلاً له
مملوح دلّ وكلما لدّ سلال=سلهام سوده مودع الصدر مله
رمى وَ وَسَّط حدّ رمحه ولامال=ولارحم ملهودٍ امسى مُوَلَّه
ملك هوى الروح وله الصدر مدهال=وعلى صدوده دوم ماامحل محله
ومعسوله دوا السمّ لاسال سلسال=لاصار سمّْ امصلّعٍ راس صلّه
وله اسودٍ على وروكه له اسدال=لى ماس ملمومه وهو مرسلٍ له
على طعوس الرمل حَدْرِ اله محوال=امراس دلو العد مع واردٍ له
والوسط مَمْسَكْ راحْ للطعس حمال=وَسْط امحروم الاكل والسِّلّ سلّه
كلامه المعسول كالسحره حلال = والله ولاسحره حرامه وحله
رسى الهوى كالطود وسْلُوّه مْحال=محالٍ اسلاه.. آه واحلو دله
لوللهوى محاكم وعدل ماعال=ولاحصل لمولعه ماحصل له
والمكر والمكروه وطوال الاهوال=ولاراح عمره وهو كوده وعلّه
محَمَّل الآلام ومحطَّم آمال=والدمع حار وكلماصد هله


خالد بن غنام

[محمد بن ضاوي]

الله ,, الله

من اجمل القصايد اللي قريتها بدون نقط


خالد السهلي ...


الف صح لسانك ولاهنت

هذي اول مره اقرا لك وبإذن الله راح اتابع جديدك

[عبدالرحمن الحميدي]

خالد بن غنام
والله والف نعم
وصح لسانك وقصيده إن دلت فإنها تدل
على شاعريتك الجزله وأهنئك على ملكية
هذه القصيده
دمت بكل الود وننتظر جديدك بكل شوق.

[بيان الغنامي]

صح لسانك
من اجمل القصاايد التي من غير نقط
يعطيك العافيه

[سامي العطاوي]

خالد السهلي

صح لسانك ملايين


شاعر متمكن وجزل

دمت بماتحب

[أبوعبدالرحمن]

مبدع يا خالد


لله درك

وصح قلبك وكلك


متعبه جدا القصيدة

لكن على شاعريتك ليست بصعبة


تحيتي لك