إن ما لقيتيني تعرفين ويني ؟

[أبوعبدالرحمن]

ابتعادي عنك أو حتى ابتعادك
............ ما يخلي حبنا فالقلب فاتر

يا بلادي فالهوى لأني بلادك
............ ما أقدر أكذب فالهوى وألا أهاتر

من كثر ما أغلي حنانك مع عنادك
............ صرت شاعر وأسألي بيض الدفاتر


***



لو غبت فترة عنك لا تعذليني
............ جيبي لي أية عذر لا صرت غايب

وأنتي لو تغيبين عن شوف عيني
............ تبقين وسط العين يا أغلى الحبايب

أنا غيابي عنك ما هو بيديني
............ ما غبت إلا ولغيابي سبايب

تدرين في غيابك ذبحني حنيني
............ وتشب فغيابي بصدرك لهايب

أنا أعرفك وأنتي بعد تعرفيني
............ وما بيننا يا بعد عمري طلايب

والرابط اللي بين قلبك وبيني
............ رابط غلا وإخلاص ما هو ذايب

ولو شاب قلبي مع تزايد سنيني
............ غلاك وسط القلب ما هوب شايب

لا صرت أبيك وصار قلبك يبيني
............ ما همنا لو واجهتنا الصعايب

أنتي كأنك كل الأصحاب فيني
............ وأشوف في طلّتك كل القرايب

يكفيني إنك فالشعر تلهميني
............ لا مرّ طيفك مع نسيم الهبايب

ولا من بغيتك في السهر تذكريني
............ أرسلت لك من جند شعري كتايب

وسبع العجايب جدّ ما تهتويني
............ لأنك لحالك فيك كل العجايب

خلي العتب يا غايتي وامطريني
............ بإحساسك اللي فاق غيث السحايب

وإن ما لقيتيني تعرفين ويني ؟
............في وسط قلبك .. لا تقولين غايب

[غـــربة الــروح]

صح لسانك مديرنا مليون ولا يكفون


قمة الابداع وليس بغريب عليك


الله يعطيك العافية

[سامي العطاوي]

الله الله

ابو عبدالرحمن

للشعر في حضورك جمال آخر

ابدعت وامتعت الله لايضرك

صح لسانك مدد بلا عدد


مبدع دائما لا هنت

[أنـ الذكريات ـين]

صح لساااانكـ ابو عبدالرحمن..


رااائعه.. ولا تأتي الا بروائع..


سلمتـ


تحيتيـ

[عبدالرحمن الحميدي]

ابو عبدالرحمن
صح لسانك لا عدمناك
دائماً وأبداً تروي مسامعنا شعر
لا عدمناك إي والله.

[سعود]

ابو عبدالرحمن

صصصصح لسانك


والحمدلله انك رجعت ووفرت عليها عناء البحث



اتوقع انها راح تبحث عنك في جزر المالديف



اشكرك على هيك كلاااام حلوووو


ربي يسعدك


تحية عطرة