$$ كنّك فتحت حساب والقلب صرّاف $$

[مفرح بن مناحي]

مساؤكم شعر


غلاك مثل الدم يجري فالأطراف
ويمنح خفوقي فوق طاقته طاقه

كنّك فتحت حساب والقلب صرّاف
وتسحب غلا من خافقي بالبطاقه

هذا وأنا أحبك وأراعيك .. وأخاف
وشلون لو تقطع بيوم العلاقه .. ؟!!

صحيح بإن الحب ماهوب ينشاف
وما فيه مخلوقٍ من الناس ذاقه

لكنه إليا طاف فالآدامي طاف
وخلاه عايش فالعمر باشتياقه

له سلطةٍ غطت على كل الأعراف
مضمونها بين العقل والطفاقه

تقدر تقول العاشق إنسان شفّاف
وتقدر تقول إن فيه للحب ساقه

صداقةٍ من غير تقدير تنعاف
وشلون عاد الحب .. خل الصداقه .. ؟!!

واللي جمعنا حب وافين وأشراف
أعلنت بعده للخفوق انطلاقه

بغرقك امن الغلا وأسرف إسراف
عشان ما تشكي من الحب فاقه

الكامل الله وأنت تعبّت الأوصاف
فيك اجتمع حسن الوجه واللباقه

تفرق على غيرك ومن باب الإنصاف
أنت الوحيد اللي تعرف الأناقه

.
.

وسلامتكم

.

.

[نـــادر]

الكامل الله وأنت تعبّت الأوصاف
فيك اجتمع حسن الوجه واللباقه


وفي شعرك يابوعبدالله اجتمعت الجزالة والفكرة والصياغة


صح لسانك مليون ولا يكفون

[мαηѕoя]

**



غلاك مثل الدم يجري فالأطراف
ويمنح خفوقي فوق طاقته طاقه



صح لسأنك ّ

[أبوعبدالرحمن]

صحيح بإن الحب ماهوب ينشاف
وما فيه مخلوقٍ من الناس ذاقه
لكنه إليا طاف فالآدامي طاف
وخلاه عايش فالعمر باشتياقه

مدرسة يابوعبدالله

صح قلبك وكلك

وسلمت اناملك

تحيتي لك

[عبدالرحمن الحميدي]

الله الله عليك يابو عبدالله
صح لسانك مليون واكثر ولا هنت
أبدعت واجزلت وتقبل ودي وتقييمي فايف ستارز.

[سامي العطاوي]

تفرق على غيرك ومن باب الإنصاف
أنت الوحيد اللي تعرف الأناقه

وانت بعد يابو عبدالله تفرق عن غيرك

ومن باب الانصاف انت مبدع ومميز الله لايضرك

صح لسانك مدد بلا عدد

وبيض الله وجهك على هالرائعه

دمت بماتحب

[بيان الغنامي]

صح لسانك يابو عبدالله وبيض الله وجهك
قصيده من الوزن الثقيل ولا هي بغريبه من شاعر بحجم
مفرح بن مناحي
الله لايهينك

[كيف تراني يا ظلي؟]

حروفك تناثرت هنا ألقاً كحبات المطر





يزينها قلمك البهي الندي وهو يطرز أجمل الكلمات



دمت بحس شعرك و شعورك ..متألق


يرعاك ربي ويحفظك



سلامي وشكري

[أنـ الذكريات ـين]

صح لساااانكـ اخوي..

تخطت حدود الروعه بكثيييييير..

كل حرف منها جدير بالاقتباس..



لااا هنت..


تحيتيـ

[مفرح بن مناحي]

صح بدنك يا نادر

ومشكور على المرور

[سلطان بن فيحان]

تفرق على غيرك ومن باب الانصاف

صح لسانك يامجنووووووووون والله انت اللي يحبك الشعر بفن

[محمد بن ضاوي]

صداقةٍ من غير تقدير تنعاف
وشلون عاد الحب .. خل الصداقه .. ؟!!

,
,

الله .. الله


الف صح لسانك يابو عبدالله ولاهنت

[مفرح بن مناحي]

حياك الله يا منصور

وصح بدنك يالغالي

[نايفة شمر]

صح لسانك اخوي

اختك

نايفة شمر

[انات مشاعر]

يعطيك العافيه كتاباتك مميزه اهنيك عليها

دايمآ مبدع وابياتك تشهد لك كلمات جميله ومعبره اتمنى لك التوفيق

انتظر جديدك المتألق...

[مفرح بن مناحي]

صح بدنك يابوعبدالرحمن

شرفني مرورك

[صهيل الصمت]

رائـــع يامفرح



نبضات جميلة


تقاطرت الكلمات شهدا


لك




اكليل زهر


دمت عطرا

[مطلق الحمدي الجهني]

مساؤكم شعر


غلاك مثل الدم يجري فالأطراف
ويمنح خفوقي فوق طاقته طاقه

كنّك فتحت حساب والقلب صرّاف
وتسحب غلا من خافقي بالبطاقه

هذا وأنا أحبك وأراعيك .. وأخاف
وشلون لو تقطع بيوم العلاقه .. ؟!!

صحيح بإن الحب ماهوب ينشاف
وما فيه مخلوقٍ من الناس ذاقه

لكنه إليا طاف فالآدامي طاف
وخلاه عايش فالعمر باشتياقه

له سلطةٍ غطت على كل الأعراف
مضمونها بين العقل والطفاقه

تقدر تقول العاشق إنسان شفّاف
وتقدر تقول إن فيه للحب ساقه

صداقةٍ من غير تقدير تنعاف
وشلون عاد الحب .. خل الصداقه .. ؟!!

واللي جمعنا حب وافين وأشراف
أعلنت بعده للخفوق انطلاقه

بغرقك امن الغلا وأسرف إسراف
عشان ما تشكي من الحب فاقه

الكامل الله وأنت تعبّت الأوصاف
فيك اجتمع حسن الوجه واللباقه

تفرق على غيرك ومن باب الإنصاف
أنت الوحيد اللي تعرف الأناقه

.
.

وسلامتكم

.

.

يا سلام يا مفرح
صح لسانك وسلم بنانك
شعر احترافي من الدرجه الأولى
سلمت وسلم فكرك
تقبل إعجابي وتحياتي