الا ياهني اللي تمرجل بصك تراب

[عبدالرحمن الحميدي]

الا ياهني اللي تمرجل بصك تراب = لولا لجنة الترسيم ماعاش مع غيره
وانا كل ديره جيتها وادرك الاسباب = ادور نصيبٍ بذ رجلي بتدويره
الا ياوجودي وجد من صك دونه باب = بقفل اعجمي مغلقات مساميره
عَدَو به على اللي كنه النسر بالمرقاب = على الجمس الأصفر كاملات شراشيره
معه فرت خمسة طن ياخذ مية ركاب = من المال عيّن ينقلنّه تغاييره
على اللي كواني كيّة العظم بالمشهاب = على أقصى عراوِ القلب محمي مناشيره
عشيري ورا الكوده وانا من ورا مشعاب = بعيد قريب تعيب يا هون تيسيره
ولا يوصله كود فرت عليه اسطاب = ليا حاسب السوّاق تقدح مواخيره
صنايع بياطير الكفر لابسين الكاب =عصاة اليهود اللي مشاريبها البيرة
الا واهني اللي عن الود ماقد تاب = وانا تبت عنه وعدت له يالله الخيره
ورايا للعب القاف ناس وانا لعاب = ليا ما صخرته نقدوني صواخيره