مزيد المويس
01-07-2011, 10:15 AM
السلام عليكم ورحمة الله وبركاته
اقدم لكم هذه الابيات ولعل وعسى ان تنال اعجابكم
يقول
هب الهوى غرب ماهو شرق وشمالي=وقلت الجروح القديمه جاء مداويها
واقبل وقال الكلام اللي برى حالي=اجروح قلبي بهرجك ليه تدميها
ذكرك غدى مثل ضلي بس يبرالي= ياذكر محبوبي اعيوني لتبكيها
انا ادري اني لو انسى ذكره اشوالي=لاكن مع الوقت نفسي كيف ابرضيها
ان جيت وان رحت تبقى بالحشا غالي = نفسي من الهم فيها ما مكفيها
لولى المراره من اللي يعرف الحالي= ولولى خبول العرب مابان صاحيها
ياهاجسي لا تقول ان الصبر طالي= لا طالت السالفه بانت مواريها
تجيني اعلوم عذالك وعذالي = واعلومهم خابر انك منت باغيها
ومنزالهم غير منزالك ومنزالي= واهل الردى والهروج العوج ماجيها
اجلس ابيتي علا مركاي ودلالي= اخير من شوف ناس (ن) ماندانيها
النفس ماتبغي الا النايف العالي= والعين ماتبغي الا شوف غاليها
ادري واعرف السنع ومعرب (ن) خالي= ماني بخبلن يكحلها ويعميها
لاكن يلولى ولولى خشيت الوالي= في ذمتي لحرق اولها وتاليها
قولو الراع الردى والقيل والقالي=حنا حرارن معربتن مجانيها
ولا يحسبنّه ابهرجه مشغلن بالي= تراه نقصن علا الدنيا وما فيها
ولعل بيت (ن) مهو لروس مدهالي =لعل بقعا عليه اتكوح سافيها
وسلامتكم
مزيد بن تركي المويس
اقدم لكم هذه الابيات ولعل وعسى ان تنال اعجابكم
يقول
هب الهوى غرب ماهو شرق وشمالي=وقلت الجروح القديمه جاء مداويها
واقبل وقال الكلام اللي برى حالي=اجروح قلبي بهرجك ليه تدميها
ذكرك غدى مثل ضلي بس يبرالي= ياذكر محبوبي اعيوني لتبكيها
انا ادري اني لو انسى ذكره اشوالي=لاكن مع الوقت نفسي كيف ابرضيها
ان جيت وان رحت تبقى بالحشا غالي = نفسي من الهم فيها ما مكفيها
لولى المراره من اللي يعرف الحالي= ولولى خبول العرب مابان صاحيها
ياهاجسي لا تقول ان الصبر طالي= لا طالت السالفه بانت مواريها
تجيني اعلوم عذالك وعذالي = واعلومهم خابر انك منت باغيها
ومنزالهم غير منزالك ومنزالي= واهل الردى والهروج العوج ماجيها
اجلس ابيتي علا مركاي ودلالي= اخير من شوف ناس (ن) ماندانيها
النفس ماتبغي الا النايف العالي= والعين ماتبغي الا شوف غاليها
ادري واعرف السنع ومعرب (ن) خالي= ماني بخبلن يكحلها ويعميها
لاكن يلولى ولولى خشيت الوالي= في ذمتي لحرق اولها وتاليها
قولو الراع الردى والقيل والقالي=حنا حرارن معربتن مجانيها
ولا يحسبنّه ابهرجه مشغلن بالي= تراه نقصن علا الدنيا وما فيها
ولعل بيت (ن) مهو لروس مدهالي =لعل بقعا عليه اتكوح سافيها
وسلامتكم
مزيد بن تركي المويس