عوض النعيمي
18-09-2004, 10:08 AM
يا الله طلبتك عطايـا كفـك العاطـي=يامن بيّدك عطايا النـاس مشروطـه
قلبي من الهـم والتفكيـر مشتاطـي=والحال مما دهاها اليـوم مضغوطـه
ماعاد اميّـز فـترتيبـي وخرباطـي=الناس شانت وحال النـاس مغلوطـه
كنّي مقيّـد.. وطـال اليـوم ربّاطـي=ياكيف تمشي قدم عوجـا ومربوطـه!
عزالله اني شقيـت بكثـرة اغلاطـي=كثر الاماني تودي الشخص لسقوطـه
اتعبت نفسي بنفسي والفـرج باطـي=وانا احسب إنها معي سهله ومضبوطه
يامن يجمّع حسابه لي غـدا خاطـي=يشقيه وقته بطـول الهـم ويسوطـه
ماحد يفيدك سواك بخيـط وخياطـي=لا انشّق ثوبك تصبّر واضبط خيوطـه
إياك تسمـع كـلام إنسـان خرّاطـي=يعطيك قول(ن) ولايـدري بمنقوطـه
ياكم وعدني.. وسبّب كثـرة احباطـي=واليوم دونه غدت لآمـال محطوطـه
العاقل اللي مـن الاسبـاب يحتاطـي=يبني كلامه علـى فعلـه ومخطوطـه
ياطووول بالي.. على رسمي ونقاطي=والعمر يمشي بعقـد ايـام مفروطـه
لي سرت خطوه رجعت بها ورى آطي=تقول كنـي فرحلـة ابـن بطوطـه!؟
حارت اموري! واظن إنها تحت باطي=من كل فج(ن) ولون(ن) جات مخلوطه
لاهي بغنوه.. ولاهي لحن (سنباطـي)=ولاهي بكلمه لسامع شعـر مقلوطـه
ولاهي طماعه.. بمال انعد بانواطـي=لي صار غيري يشوف العز في نوطه
لابو النذاله ودرب الجاحـد الواطـي=اللي حياته على الشينـات مشخوطـه
ياالله ع بابك.. ومـدة كفـك العاطـي=ابحق طـه تصيـر الحـال مغبوطـه
قلبي من الهـم والتفكيـر مشتاطـي=والحال مما دهاها اليـوم مضغوطـه
ماعاد اميّـز فـترتيبـي وخرباطـي=الناس شانت وحال النـاس مغلوطـه
كنّي مقيّـد.. وطـال اليـوم ربّاطـي=ياكيف تمشي قدم عوجـا ومربوطـه!
عزالله اني شقيـت بكثـرة اغلاطـي=كثر الاماني تودي الشخص لسقوطـه
اتعبت نفسي بنفسي والفـرج باطـي=وانا احسب إنها معي سهله ومضبوطه
يامن يجمّع حسابه لي غـدا خاطـي=يشقيه وقته بطـول الهـم ويسوطـه
ماحد يفيدك سواك بخيـط وخياطـي=لا انشّق ثوبك تصبّر واضبط خيوطـه
إياك تسمـع كـلام إنسـان خرّاطـي=يعطيك قول(ن) ولايـدري بمنقوطـه
ياكم وعدني.. وسبّب كثـرة احباطـي=واليوم دونه غدت لآمـال محطوطـه
العاقل اللي مـن الاسبـاب يحتاطـي=يبني كلامه علـى فعلـه ومخطوطـه
ياطووول بالي.. على رسمي ونقاطي=والعمر يمشي بعقـد ايـام مفروطـه
لي سرت خطوه رجعت بها ورى آطي=تقول كنـي فرحلـة ابـن بطوطـه!؟
حارت اموري! واظن إنها تحت باطي=من كل فج(ن) ولون(ن) جات مخلوطه
لاهي بغنوه.. ولاهي لحن (سنباطـي)=ولاهي بكلمه لسامع شعـر مقلوطـه
ولاهي طماعه.. بمال انعد بانواطـي=لي صار غيري يشوف العز في نوطه
لابو النذاله ودرب الجاحـد الواطـي=اللي حياته على الشينـات مشخوطـه
ياالله ع بابك.. ومـدة كفـك العاطـي=ابحق طـه تصيـر الحـال مغبوطـه