صاحوا تناخوا دورو بي عذاريب

[عبدالرحمن الحميدي]

ضاق الغمام وفح صدر المزاريب = يالله بجاهك ياعليم الغيوبي
صاحوا تناخوا دورو بي عذاريب =تجمعوا ليلة وزا سولفوابي
أثري مسوي بالقلوب الاعاجيب = وانا مثل وجة السماء نقش ثوبي
انا وسيع بطان راهي مطاليب = ماضيق لوشانت نوايا دروبي
ارد وصدر واخذ العلم واجيب = ماني على طرش الرعاع محسوبي
بردت كبدى من قراح المشاريب =دوبي رويت من الشهاليل دوبي
خليت للحاقد طشاش وحثاريب = يتوب ولا قلعتة لايتوبي
شعرى زها بجباة بيض الكاتيب = شعرى على طرياة هبت هبوبي
شعري رسايل عيد طيب على طيب = شعرى لوى تلعات الاراقب صوبي
شعري شهد لة طيبين المجاذيب = وش عاد لو سود النوايا حكوبي
لوكان مالي غيرها من مكاسيب = ما ابغي شهادة ميتين القلوبي