مبارك العنزي
17-09-2004, 06:30 PM
ممكن نجي نلعب على غير معنى=نلغي حدود الجد لو بضع ساعات
ممكن نعاتب بالخفا مجتمعنـــــا=نكسر قيودة والمدى والمساحات
ما هي حكاية تنتهي وتجتمعنا=المسألة فيها....... غباء وحكايات
وش له نواجة حزننا لا انجضعنا؟=وش له نزيد اللوم والنوم غفوات
دام النهاية غامضة ما استطعنا=نكشف غموض ٍ شاع بيد النهايات
الوقت واحد لا سلينا رجعنـا=نفس المسافة .... تهتوينا بدايات
الحظ لامن شح ما هو جرعنا=مرّه سقانا وانتهيناه / بسكــات
العمر يمضي ما يمل وجزعنا=ما عاد يمدي للعمر هـ المسافات
ممكن؟ نواجه واقع ٍ ما/ خدعنا=نرمي شعور ( الكبر ) مثل النفايات
الموت واحد ما ينافر ( خرعنا )=مهما سقينا الروح للموت أوقات
العين شافت وانتهى ما قنعنا=لا هي كريمة والنظر يفضح الذات
خلونا نلغي حرصنا من سنعنا =وش له نجيد ونرسم الوجه لوحات؟
هيّـا هرعنا ايه هيـّا هرعنا=نبحث عن المحروم بيدين الابيـات
ممكن؟ اكمل؟ وانهي اللي دمعنا؟=والا اشاهد ( نفحة ) العقل هفوات
ممكن نعاتب بالخفا مجتمعنـــــا=نكسر قيودة والمدى والمساحات
ما هي حكاية تنتهي وتجتمعنا=المسألة فيها....... غباء وحكايات
وش له نواجة حزننا لا انجضعنا؟=وش له نزيد اللوم والنوم غفوات
دام النهاية غامضة ما استطعنا=نكشف غموض ٍ شاع بيد النهايات
الوقت واحد لا سلينا رجعنـا=نفس المسافة .... تهتوينا بدايات
الحظ لامن شح ما هو جرعنا=مرّه سقانا وانتهيناه / بسكــات
العمر يمضي ما يمل وجزعنا=ما عاد يمدي للعمر هـ المسافات
ممكن؟ نواجه واقع ٍ ما/ خدعنا=نرمي شعور ( الكبر ) مثل النفايات
الموت واحد ما ينافر ( خرعنا )=مهما سقينا الروح للموت أوقات
العين شافت وانتهى ما قنعنا=لا هي كريمة والنظر يفضح الذات
خلونا نلغي حرصنا من سنعنا =وش له نجيد ونرسم الوجه لوحات؟
هيّـا هرعنا ايه هيـّا هرعنا=نبحث عن المحروم بيدين الابيـات
ممكن؟ اكمل؟ وانهي اللي دمعنا؟=والا اشاهد ( نفحة ) العقل هفوات