... كــــرهـــتـــك

[سيف العلي]

عشقت اليّم لعيونه وأدري إن البحر غدار..

تخيلت الهوى بأحضانه موج يعشق أحبابه..

تخيلت البحر عذب شربته من غلاه أمرار..

وتخيلت الرمل يعشق خطاه ألي تخطابه..

وتخيلت المواني والمراسي تنجي البحار..

وتخيلت الطيور تحن للشاطي ولعشابه..

وتخيلت الغلا باقي ونسيت إن الزمن دوار..

ودار الوقت بالوافي ولا أدري وش هي أسبابه..

رسم لي بضحكةٍ خجله ولا أدري بضحكة المكار.
.
وفرش دربي من زهوره وشرع للغدر بابه..

تلاعب بالمشاعر يحسب إنها لعبة الشطار..

لعبها بالضمير الميّت وكشر عن أنيابه..

كرهتك يا بحر مالك غلا عندي ولا مقدار..

أشوفك في عيوني لون حزن يشبه أهدابه..

كرهت الحب بأسبابه كرهت الناس وأهل الدار..

كرهت الشعر وبيوته وحروفٍ تسكن كتابه..

أنا وش حدني له جعل من حد المدى بالنار..

أنا وش لي ولعيونٍ ملاها الحقد كذابه..

[أبوعبدالرحمن]

تلاعب بالمشاعر يحسب إنها لعبة الشطار..

.................... لعبها بالضمير الميّت وكشر عن أنيابه..

صح لسااانك ,, صح لسااانك


ومصافحة جميلة لمنتدى الشعر


اهلا بك أخي في غرابيل

واهلا بهذا القلم

تحيتي

[نايفة شمر]

الله

الله

قصيده جميله


صح السانك لاهنت

اختك نايفه

[زابن الدوسري]

صح الساااااانك مليوووووووون ولاهنت
الرااائع منساك لو تنسى
مصافحه رااااائعه من شاااااعر اروع وقصيده جزله من راااس جزل

تقبل تحيااااااتي وتقديري،،،،،،،

[فالح الشلوي]

وتخيلت الغلا باقي ونسيت إن الزمن دوار..

ودار الوقت بالوافي ولا أدري وش هي أسبابه..

رسم لي بضحكةٍ خجله ولا أدري بضحكة المكار.
.
وفرش دربي من زهوره وشرع للغدر بابه..

صح الله لسانك اخوي مانساك

قصيده جزله من شاعر جزل

ابيات في قمه الروعه

صح الله لسانك وياهلا وغلا فيك معنا بغرابيل


عذب