عين تشربك شوووووف وعين تضمااااك

[عبدالرحمن الحميدي]

بين فرحة لقاك وهم فرقاك= لاتذكرت جرح ولا نسيتك
حي هالشوف ماتنمل دنياك =شف سواة العيون ليا لقيتك
عين تشربك شوف وعين تضماك = لاذبحني ضماك ولا رويتك
قمت اخيلك هنا ... وهناك .. وهناك =وين ترحل بي النظره نصيتك
ان تبسمت قلت الموعد شفاك = وان تمنعت بانفاسي دعيتك
وان طلبت الغلا قلت الغلا جاك = وان سكنت الخفوق البيت بيتك
وان نثرت القصيد بدرب لاماك =ذاع صيت القصيد وذاع صيتك
يارجا العمر لو حفتك الاشواك= ليتك اول طريق القلب ليتك
ودع البرد كفٍ ضم يمناك =صافح الود قلبي يوم جيتك
حي هالشوف رغم هموم فرقاك = لو تناسيت جرحي مانسيتك