ولع رماد الشوق يامعذبي نار

[عبدالرحمن الحميدي]

ولع رماد الشوق يامعذبي نار = من كان يحلم باشتعال الرمادي ؟
ماكنت احسب انه يكون اللقا حار = لين التقينا واشبكتنا الايادي
وقامت لنا الذكرى تغني على الطار = تنساب باسماعي نغم حب هادي
حسيت شي لفني مثل الاعصار = واستيقظت نشوة غلاك بفؤادي
اخذت لي سجه وانا شبه منهار= بين الخيال وبين علمٍ وكادي
وفزيت يوم انى تنبهت وش صار = مثل الذى توه صحي من رقادي
تغير الموقف بلا سابق انذار = وغير المشاعر جت مشاعر جدادي
رديت لك عقب التجافي والانكار = وطويت صفحات الزعل والعنادي
وتبددت ذيك المبادي والافكار = اية جنون افكار وايه مبادي
تراي انا مليتها لعبه النار =ما احدٍ لعبها قبلنا واستفادي
من رد للجنه عقب صالى النار حتى السموم يصير عنده برادي