مرحبا طرقن على اللحن البديع ( القناص)

[محنك شعر]

مرحبا طرق(ن) على اللحن البديع || سلام رده للرجال الطيبين = وين انت ياللي باللزوم إتسدها || واللي عقد روس الحبال إيحلها
انا اعرف ان الوقت شباع ومجيع || مير وين الدر فالراس الثمين = ان بغيت إتردها واتحدها || واللي عقد روس الحبال إيحلها

[محنك شعر]

نبيكم تشيلون الصفوف يالربع ماهو بس مشاهدات

تحياتي

[القنــــــــــاص]

با سمك اللهم عفوك يا مطيع " للرجال الطييبين المومنين

جيتك ولا ني بالفعول آعدها " واللي عقد روس الحبال يحلها
وآنا معك فالشي هذا والمريع " و لا تقول الا عسانا مومنين

لا والله اللي عدّهــــا ثم هدّهــــــــــــا " واللي عقد روس الحبال يحلها

[محنك شعر]

ماتنتهدا والقحط مثل الربيع || إمعلفين(ن) غصب عنا معلفين = اما تشدك بالزز واتشدها || واللي عقد روس الحبال إيحلها
انته معي وانا معك رجل طميع || متني مع اهل المرجله متن(ن) متين = واللي تضددني اباقف ضدها || واللي عقد روس الحبال إيحلها

[عبدالرحمن الحميدي]

متابع معكم
وانا واحد من صفوفكم
الله يقويكم.

[محنك شعر]

متابع معكم
وانا واحد من صفوفكم
الله يقويكم.

ابرك الساعات ياعبدالرحمن
تزهابك الصفوف

[القنــــــــــاص]

المشكله في شكلها لازم تبيع " واٍ مغفلين يزاملون أٍمغفلين
ومحدن طراله باليمين يمدّهـــــا " واللي عقد روس الحبال يحلها

وياويل راع الفعل هذاك الشنيع " يمشي مع الناس و كن ماله اِ بطين
لكن تصادفني وانا آ صدهــــــــا" واللي عقد روس الحبال يحلها

[القنــــــــــاص]

حضورك مشرف يالحميدي

والصفوف تزهابك

والله محييك

[محنك شعر]

ما يجتلد بالصيد كفاخ(ن) طليع || ولا انت يالقناص سيد العارفين = والطيبه تبطي ما تلمس خدها || واللي عقد روس الحبال إيحلها
عان الجرس لأمسى على صوته قريع || الله يجمل حالكم يامسلمين = شيهانتن يوم العتيبي هدها || واللي عقد روس الحبال إيحلها

[القنــــــــــاص]

ياليتني حول الجرس واسمع قريع " احدى كنايسهم ومنتو بعارفيــن
وجدي على اللي سيــّــله في خدها " واللي عقد روس الحبال يحلها

والحر الأشقر هدته من راس ريع " لامن طرالي هدة ٍ لي من يمين

يمنــــى سبيعي يفتخر في مــــّـــــدها " واللي عقد روس الحبال يحلها

[محنك شعر]

لا والله الا والنعم يابن سبيع || اللابه اللي حصنها حصن(ن) حصين = والدايم الله بدها ثم بدها || واللي عقد روس الحبال إيحلها
اقول واسمع كان تسمع ياسميع || السمق ماهو هيبة الخرب السمين = وإتحددك واناظرك تحدها || واللي عقد روس الحبال إيحلها

[القنــــــــــاص]

المحاوره معك متعه لزوم نكمل بعدين ياكفو استاذنك طرالي مشوار

[محنك شعر]

خذ راحتك والجايات اكثر

صح لسانك وانت شاعر كفو

[القنــــــــــاص]

والنعم في حالك يالعتيبي رفيع " شانك رفيع(ن) مع عتيبه رفيعـــــين

وأنت تعرف هزلها من جدها " واللي عقد روس الحبال يحلها


وباكر التكمله تحريبها

وانت كفو وصح الله لسانك

[القنــــــــــاص]

والنعم في حالك يالعتيبي رفيع " شانك رفيع ومع عتيبه رفيعـــــين

وأنت الذي تعرف هزلها من جدها " واللي عقد روس الحبال يحلها

ايه وحزتها كنت في خاطر وسيع " وهذا تردد نعرفه للطيبين

اهل الوفا في شدها وفي مدها " واللي عقد روس الحبال يحلها