ألا ياشاشة الجوال !

[أغــاريد]

صباحكم ورد


للحرف بينكم عبق





ْ


ْ






ألا ياشاشة الجوال
دخيلك لاتضريني



كثر ماتابع الارسال
اخاف بلحظة تعميني



على الصامت وتحت الشال
وبين اغلى فساتيني



اداري واردٍ همال
اخاف عيونهم فيني



واحس بنغمة النقال
وهو صامت تناديني



من الجلسه افز / احتال
واقاطع من يحاكيني



مابي جمعة مابي تجوال
مابيها عنه تلهيني



ابدي زحمة الاشغال
ياكود الناس تعفيني



اكن الشوق له وانثال
بلحظة جمعته فيني



واذوب بنبرته لاقال :
بعد (حبي) وحشتيني



معاه الوقت ومهما طال
ثواني ماتكفيني



يمد العشق لي فنجال
يشربني ويغذيني



مشاعر عاشق وتنهال
تصب فاقصى شراييني



ويالبى وارد الجوال
سوى غربي سوى صيني



جعل ماتعرفه اعطال


لجل عينه لجل عيني





:4:

[عبدالرحمن الحميدي]

أغآريد
صح لسانك مليون واكثر
ولاهنتي .
وقصيده جميله خصوصاً
إنها على بحر ماصاروا
الشعراء يكتبون عليه
كثير, لا هنتي وبيض الله
وجهك.

[أبوعبدالرحمن]

مبدعه يا اغاريد

لله درك

وقصيدة بجمال حضورك

تحيتي لكِ

[محمد بن ضاوي]

ابدي زحمة الاشغال
ياكود الناس تعفيني



الله .. الله


أغاريد ...


صح لسانك ولاهنتي

[سامي العطاوي]

المها

صح لسانك ملايين

لاهنت

[نـــادر]

صح لسانك مليون ولا يكفون

رائعه وجزله


اخوك

نادر

[تــآج]

ألا ياشاشة الجوال
دخيلك لاتضريني




كثر ماتابع الارسال
اخاف بلحظة تعميني


,’,’,’







راااائعه وممتعه

صح السان ولم البنان

كل المنى

[أنـ الذكريات ـين]

صح لسانكـ يالمها..


تحيتيـ

[هلاليه فقط لا غير]

صح لسانك وعلا مقدارك
قصيده جزله
تقبلي مروري ...

[بــوح]

على الصامت وتحت الشال
وبين اغلى فساتيني



اداري واردٍ همال
اخاف عيونهم فيني



واحس بنغمة النقال
وهو صامت تناديني



من الجلسه افز / احتال
واقاطع من يحاكيني



مابي جمعة مابي تجوال
مابيها عنه تلهيني




ياااااااااااااااااااااااا ااااااالله يامها وصفتي وصف خلاني اتصور وضع الجوال ع الصامت وكيفالمتابعه له وكيف الهروب من العالم والمحيط لانتظار وقته وكيف ساعة اللقاء وياعسااااااااااه مايعرف اعطال
مبدعه مبدعه مبدعه ويتميز بوحك انه من القلب فيصل قلوبنا واسعدتني مصافحة قصيدتك بعد غيابي
تقبلي محبتي واخوتي

[مفرح بن مناحي]

نص رائع لقلم مميز
صح لسانك وسلم بنانك
ودام هذا الشعور العذب
أخوك
مفرح السبيعي

[أغــاريد]

للجميع أقدم شكري وامتناني فبحضوركم تكتمل القصيدة

دعواتي لكم بالصحة والسعادة الدائمتين