عوض النعيمي
12-09-2004, 12:15 AM
قايس زمانك.. وفكّر فـي البشـر حولـك=عامـل بطيبـك جميـع النـاس وإترّفـق
واحسب حسابك.. وحاسب وش ورى قولك=واحذر لسانك بهـرج(ن) شيـن يتخلّـق
لاتصحب الا صديق(ن) عارف(ن) طولـك=اكبـر مصيبـه تراهـا صحبـة الاحمـق
وراقب ضميـرك.. وبيّـن فيـه مدلولـك=الكـل صـادق ولكـن الضميـر اصـدق
خل التمني.. وخذ مـن عرضـك لطولـك=لاتحـسـب ان الامـانـي دوم تتحـقـق
وابعد عن المدح.. فـي فعلـك ومفعولـك=لـي يطلـب المـدح لايسبـق ولايلحـق
وان غاب نورك.. وعشت ايـام مجهولـك=وجّـه لـرب(ن) بحبـلـه دوم نتعـلّـق
خذ من لياليـك فكـر(ن) يرسـم حلولـك=ترى التجارب تفيدك فـي زمـان أمّحـق
وارحم وسامح.. وخـل العفـو مدهولـك=وجه السماحه بشوش(ن) والعناد اغمـق
وان كان ودك تشـوف إرضـاك وقبولـك=في كل وجه(ن) فخلّك في طريـق الحـق
واحفظ كلامك.. لسانـك سيـف مسلولـك=مايسعـد اللـي لسـانـه دوم يتـشـدّق
ولي صرت وحدك.. تخيّر ويـن معقولـك=لاتمشـي الا الطريـق الواضـح الاوثـق
وان ضاع حظك مـع جهـدك ومبذولـك=حـاول تغيّـر مسـارك لاتكـون أخـرق
وقـت النوايـب تجلّـد واسـرج خيولـك=واصبر ترى الصبر من كل الامور اوفـق
وثّـق حبالـك مـع ربعـك بموصـولـك=ثـوب المخـوّه حـذاري يـوم يتشقـق
ولاتامن اللي سعى فـي هـرج منقولـك=شخص(ن) لئيم (ن) بكذب(ن) عاش يتملّق
وارض بنصيبك.. ولي من صرت بذهولك=خلك لبيب (ن) ترى بعض الخطـأ يسبـق
وان صار كفك جديـب وجفّـت سيولـك=رزقك على اللي فتح لـك بـاب مايغلـق
لاتركـن الا علـى دخـلـك ومدخـولـك=لاتحسب اللـي بخيـل ولـو يبـا أنفّـق
واخضـع لربـك وتابـع درب مرسولـك=ربـك ودينـك ودرب الهـادي الاعـمـق
دنيـا دنيـه وكـم ياهـم مـن حـولـك=نـاس ٍ سعيـده ونـاس ٍ للشقـا تخلـق
واحسب حسابك.. وحاسب وش ورى قولك=واحذر لسانك بهـرج(ن) شيـن يتخلّـق
لاتصحب الا صديق(ن) عارف(ن) طولـك=اكبـر مصيبـه تراهـا صحبـة الاحمـق
وراقب ضميـرك.. وبيّـن فيـه مدلولـك=الكـل صـادق ولكـن الضميـر اصـدق
خل التمني.. وخذ مـن عرضـك لطولـك=لاتحـسـب ان الامـانـي دوم تتحـقـق
وابعد عن المدح.. فـي فعلـك ومفعولـك=لـي يطلـب المـدح لايسبـق ولايلحـق
وان غاب نورك.. وعشت ايـام مجهولـك=وجّـه لـرب(ن) بحبـلـه دوم نتعـلّـق
خذ من لياليـك فكـر(ن) يرسـم حلولـك=ترى التجارب تفيدك فـي زمـان أمّحـق
وارحم وسامح.. وخـل العفـو مدهولـك=وجه السماحه بشوش(ن) والعناد اغمـق
وان كان ودك تشـوف إرضـاك وقبولـك=في كل وجه(ن) فخلّك في طريـق الحـق
واحفظ كلامك.. لسانـك سيـف مسلولـك=مايسعـد اللـي لسـانـه دوم يتـشـدّق
ولي صرت وحدك.. تخيّر ويـن معقولـك=لاتمشـي الا الطريـق الواضـح الاوثـق
وان ضاع حظك مـع جهـدك ومبذولـك=حـاول تغيّـر مسـارك لاتكـون أخـرق
وقـت النوايـب تجلّـد واسـرج خيولـك=واصبر ترى الصبر من كل الامور اوفـق
وثّـق حبالـك مـع ربعـك بموصـولـك=ثـوب المخـوّه حـذاري يـوم يتشقـق
ولاتامن اللي سعى فـي هـرج منقولـك=شخص(ن) لئيم (ن) بكذب(ن) عاش يتملّق
وارض بنصيبك.. ولي من صرت بذهولك=خلك لبيب (ن) ترى بعض الخطـأ يسبـق
وان صار كفك جديـب وجفّـت سيولـك=رزقك على اللي فتح لـك بـاب مايغلـق
لاتركـن الا علـى دخـلـك ومدخـولـك=لاتحسب اللـي بخيـل ولـو يبـا أنفّـق
واخضـع لربـك وتابـع درب مرسولـك=ربـك ودينـك ودرب الهـادي الاعـمـق
دنيـا دنيـه وكـم ياهـم مـن حـولـك=نـاس ٍ سعيـده ونـاس ٍ للشقـا تخلـق