فرقى المحيدي

[shoker]

بسم الله الرحمن الرحيم

قلت اه يومن لفتني مجاريح
جروحن سببها كيد المكيدي
النوم عن عيني يومها زيح
ياوجد حالي والمآسي تزيدي
يالله ان عبدك ماهزته ريح
دام صبره على فرقى المحيدي
يحيد في يوم شدة الريح
ويقفي عن الملاقى عنيدي
دومن تغرك حلو الملاميح
كن الردى خفاق مجيدي
الرذيله صار أمرها صريح
تعودت النفس ماهو جديدي
الفضيله كن عطاها شحيح
لكن عطاها يوفي ويزيدي
الحاقد الحاسد يلقى المديح
بروس الشخانيب مغتر وعنيدي
وصلاتي كثر ماعد الصحيح
على النبي ولله حنا عبيدي
وسلامتكم....................

[عبدالرحمن الحميدي]

اللهم صلي وسلم على سيدنا محمد.
وصح لسانك مليون واكثر ياشوكر لا هنت
وإعذر أخوك على نقل القصيده لانها تحتاج
للوزن في بعض الابيات و كذلك لا بد من الكتابه
بأسم صريح لا بإسم مستعار ولا اخفي عليك
في تحسن بكتابتك وانا متابع لك وكلنا
ننتضر إطلالتك بقصيده في قسم الشعر النبطي.
دمت بكل الود.

[كاسب العز]

صح لسانك وقلبك

لاهنت

[مفرح بن مناحي]

نص رائع لقلم مميز
صح لسانك وسلم بنانك
ودام هذا الشعور العذب
أخوك
مفرح السبيعي