الليله الشعار خمسه وربعين من وده يجي حياه الله

[مشعل العتيبي]

السلام عليكم ورحمة الله وبركاته

طاروق ياشعار واللى يبا يلعب حياه الله




سلام يااهل العرف من بادع القاف=والعرف مايخفىعلىكل عراف
واللى علومه راحت ارباع ونصاف=نقرى عليه الفاتحه والتحيات

[/poem]
الليله الشعار خمسه وربعين= بعد الميه واللى يبا يلعب يقوم

الملعبه توابتدا مشواها = واللى عقد روس الحبال يحلها

مانى بزاهم لاسعيد ولاحسين = اهم شي اللى يجي يقضى اللزوم


يقوله اللى مايهاب اخطارها = واللى عقد روس الحبال يحلها

[محمد السبيعي]

هلااااا وغلااااا
ياالله حي مشعل
صح لسانك واستلم


يا مرحبا رديةٍ طعمها غير=تثبت ولو جا في الزمن بعض تغيير
واللي يبي يخالف الشرع والسير= نقرا عليه الفاتحة والتحيات




الليلة ندور علىاصحاب اليمين=وغيرهم نستر عليهم بالهدوم
والملعبة تفرح بشوف كبارها=واللي عقد روس الحبال يحلها

انس الثلاثة وانس الاخوان الثنين=ما يلحقك منهم سوى زود الهموم
والبنت حذرا لا تنوشك نارها = واللي عقد روس الحبال يحلها

،،،،

[أبوعبدالرحمن]

الله الله


هرمان من اهرام الشعر يلتقيان


صحت قلوبكم ومتابعين لكم

[زابن الدوسري]

الله.. صحت قلوبكم يالشعار

واصلو نبي نستمتع الليله

[مشعل العتيبي]

ارحب يامحمد

وستلم


ا شوف لي برق" له ايام سمار=لكن ماندرى وش اعلوم الامطار

عطني علوم الدار ياراع الاخبار =نقرى عليك والفاتحه والتحيات


علم سفير القوم ابو وجه" حزين = لايعترض لي ثم اعرضه السهوم

كل البضايع عارفين ا سعارها =واللى عقد روس الحبال يحلهـا

عن كثرهم من شدك يالقلب الفطين=دفاعي محصن وانا ضد الهجوم

والبنت في حكمى ولاحد" زارها= واللى عقد روس الحبال يحلهـا

[طلال الحافي]

صحت قلوبكم يالشعار



وحنا متابعين

[محمد السبيعي]

الأخ الشاعر /عشق ليل

لا هنت على الحضور والمتابعة
،،،،

[محمد السبيعي]

الأخ العزيز والشاعر المبدع/ الواثق

مشكور على مرورك ، وتسعدنا بمتابعتك
،،،،

[محمد السبيعي]

الأخ العزيز والشاعر الرائع / طلال الحافي

صح بدنك يا الغالي
ومتابعتك للمحاورة تزيدها بهاءً

،،،،

[محمد السبيعي]

هلااااا وغلااااا

لاهنت يا مشعل
وصح لسانك مرة ثانية
واستلم ،،


وانا بعد اشوف براقٍ ينوض=واشوف شخصٍ فاته فروض وفروض
ان كان ما برَّق بها فالله يعوض = بقرا عليه الفاتحة والتحيات




الناس يا مشعل تراهم مِحْتِرين=مابين معطى ياالعتيبي ومْحروم
وبعض البضايع سعرها في شْعارها= واللي عقد روس الحبال يحلها
...=...
وبلا حساب يبوق الانسان الأمين = تتغير الأحوال وِتْضيع العلوم
والبنت كلٍ قال أنا حَجّارها!!!= واللي عقد روس الحبال يحلها


،،،،

[مشعل العتيبي]

الله الله استلم يامحمد



صلى واصليتو معه ياالجماعه=ولمرالمريض اتقول سمعا" وطاعه

من كثر خوفك صار بالقلب راعه=بــقــرا عـلـيــك الـفـاتـحـة والـتـحـيـات



اجبر عظامك ماشمت الغايبين=ترى العوافي يالسبيعي ماتدوم

بندقك حاول لايزم اعيارها=والـلـي عـقـد روس الحـبـال يحلـهـا

ياصاحبي كل العوارف خابرين=نور القمر غطى على كل النجوم

والبنت حنا اللى سترنا عارها=والـلـي عـقـد روس الحـبـال يحلـهـا

[أبوعبدالرحمن]

والبنت حنا اللى سترنا عارهـا
واللي عقد روس الحبال يحلهـا


الله الله


صحت قلوبكم


وانا في صف مشعل الليلة

[مشعل العتيبي]

اخوى عشق ليل

هلا وغلا ملايييييييييييين وصح بدنك

بس منته موقف في صفى غير الليله هههههههههههههههههههههههه

على العموم مرورك زاد المحاوره نور وزادها حماس

لك كل الود

[محمد السبيعي]

اسلم اسلم يا مشعل
واستلم
،،،


أشوف لي ناسٍ تجيب المـغَـثَّـة=ناسٍ بها بعض البلادة ورَثــَّة
واللي ما يفهم كل ما جيت أحـثـِّه = بقرا عليه الفاتحة والتحيات




مثل الجبل راسي ولي عقلٍ رزين=ما ألـِـدّ في طيورٍ مع العجة تحوم
وِلْـيَا لِفَتْني صقور أنا صقارها= واللي عقد روس الحبال يحلها
...........
وترى الكلام بيختصر في كلمتين=يا ليت أبو زيد ( يْـتَـرَيـَّـح وِمْخَدوم )
والبنت كاره ما يناسب كارها= واللي عقد روس الحبال يحلها



،،،،

[شيخ اااالشباب]

صح لسانك مشعل

وصح لسانك يالسبيعي



<<<< متابع بعنف



اطربونا الليله

[محمد السبيعي]

!شيخ الشباب!

صح بدنك
ويسعدنا حضورك

،،،

[طيف الوله]

صحت القلووووووووب :wink:

[مشعل العتيبي]

الله الله استلم يامحمد وانا خوك



يصاحبي ضعيت درب المطيه=خل الداعاوى منت راعي دعيه=

لكن ياليتك تفكر شويه =بقـرا عليـه الفاتحـة والتحـيـات



حب البسيعي بعد ماعودطحين=الله يعينه صار في جوه غيوم

مزنه على راسه تهل امطارها =واللـي عقـد روس الحبـال يحلـهـا



السالفه بالمختصر في حصتين=نويت ادرس حضرتك قدم العموم

ترشد كبار القوم دوم اصغارها =واللـي عقـد روس الحبـال يحلـهـا

[علي الحّرّيصي]

صح الله لسانكم


يالشعار

ماقصرتو

كفيتو ووفيتو


يعطيكم العافية

[أبوعبدالرحمن]

صحت قلوبكم

اشوف القاف حمى والمتعه معكم زادت

[محمد السبيعي]

حب البسيعي بعد ماعودطحين=الله يعينه صار في جوه غيوم


ههههههههههههههه
من هو ( الـبـســيـعـي )؟؟؟!!!! :مدري:


على كلٍ لاهنت يا مشعل
واستلم وانا اخوك

يا صاحبي بوصيك واسمع وصاتي=احذر ترى قدامك البحر عاتي
يااللي غرقت وصرت عظم ورفاتي= بقرا عيك الفاتحة والتحيات




راس السبيعي عزوةٍ للطيبين=ما مد يده بليل ولا أطراف يوم
جوه صفا والناس عِمْي أبصارها= واللي عقد روس الحبال يحلها
....
ومدرس الإملاء لقالك غلطتين= أَثَرْك راسب واثْر في عيونك هُزوم
هذا وانا ستارها جبارها= واللي عقد روس الحبال يحلها


،،،،

[مشعل العتيبي]

اخوى محمد هلا وغلا

واسف على الغلط والنظر له دوره ولكن اتمنى منك تعديل هذا الشطر الثالث من البيت الاول اللى هو ((جوه صفا وشعيل في صـدره ونيـن
)) ارها يامحمد ماهي بنون

[محمد السبيعي]

هههههههههههه
أجل العتب على النظر :بفكر:
وبالنسبة للشطر الثالث كلامك صحيح
وتم تعديله
" لابد صياد الفهود يصاد "

لاهنت على كل حال

،،،

[محمد الاسمري]

الله .. الله

صحت قلوبكم .. رائعين .. يالشعار

أبداع بكل المعاني

لكم كل التقدير ..

ومازلنا متابعين

[مشعل العتيبي]

اخوى محمد الاسمرى

هلا وغلا شرفت المحاوره بمرورك الكريم

الاخ محمد السبيعي

هلاوغلا وصح لسانك ويعطيك العافيه ولنا لقاء ثاني انشاء الله واللعب معك شرف لى

اشكر جميع الخوه الزوار الذين زادو المحاوره نور بمرورهم الكريم

لكم اغلا التحايا