هذي ترى عند النشاما خطيره

[فالح بن شتيوي العنزي]

قصيدة وموقف خاص


لاتحسبنا عن سواياك لاهين
......... لاوالذي يعلم خفايا السريره
حنا نعرفك زين مبطي وهالحين
......... ولك عندنا من سود الايام سيره
ركضت للعدوان ركض المجانين
......... وعودت منهم بالخزا والكسيره
نوب(ن) تصلي مع جموع المصلين
.........ونوب(ن) تغني لا تغنت سميره
متقلب(ن) مالك مبادي ولادين
.........تبلبل ورانا.. والصغيره صغيره
سويت لك بمقابل الناس وجهين
.........وهذي ترى عند النشاما خطيره
وجه(ن) تجامل به وجيه المعادين
.........والوجه الاخر للوجيه السفيره
راحت حياتك كلها بين لونين
.........يالله دخيلك من عمات البصيره
مشيت مع جرة كبير الثعابين
.........اللي جميع الناس تعرف صفيره
اللي من الغيبه مسوي دواوين
.........وعلى الرديه دوم يشعب بعيره
وقلعك يالمسكين مدري على وين
.........ياللأسف صارت عيونك ضريره
جاك اختصار الهرج دون المضامين
.........تلميح والتصريح داخل جفيره
كانك تبي تفهم عطيتك عناوين
.........وكانك تبي تضحك علينا ؟كبيره

[أبوعبدالرحمن]

جزل يا فالح

صح لسانك

وقصيدة عنيفة


ننتظر جديك من الان

تحيتي لك

[سامي العطاوي]

فعلا قصيده عنيفه تدل على كبر الموقف

فالح العنزي

اولا حياك الله بين اهلك واخوانك
وسعيدين بأنظمامك بيننا
ثانيا
صح لسانك ملايين ولا يكفون

وبيض الله وجهك

بالرغم من عنف القصيده الا انها تحمل من الشعر الكثير


مصافحه اولى رائعه

بإنتظار القآدم

[أريج الرياض]

حي الله الشعِر واهلَه يآفَالِح ..
جَزلَه من شآعر جزِل
توشّحت ب الحكمَه والجمَال
مليار صح فكرِك
ولآهنت.

http://khazn.com/uploads/images/e-562df3bb6785de766895efc98b8e59f9.gif (http://holidaysea.com)

[عبدالرحمن الحميدي]

صح لسانك يافالح ملون واكثر
قصيده رائعه وجميله
تحتوي على حكم أجدت
صياغتها وننتضر جديدك
واهلاً بك في منتدى الشعر والادب

[أنـ الذكريات ـين]

صح لساااانكـ

فعلاً ( عنيفه ) أنسب وصف لها..


جزل يا فالح..



حياكـ الله في غرابيل..


سننتظر جديدكـ..



تحيتيـ

[رغدالشيباني]

صح لسانك يافالح العنزي قصيده جزله ورائعه

تقديري وإحترامي..

[سوسو]

http://up.g111g.com/up/upfiles/nkm96632.jpg (http://up.g111g.com/up/)

[بيان الغنامي]

ياهلا ومرحبابك اخي الكريم فالح العنزي

بين اخوانك واخواتك في منتدى غرابيل الشامخ


مصافحه اولى رااااائعه

رغم القساوه التي تميزت بها معظم الابيات

صح لسانك مليون وبيض الله وجهك