المره هذي نبي العلم عبدالرحمن الحميدي تقدم

[عبدالله الــروقي]

هلا مرحبا في منتدانا غرابيل
وعسى الله يسعدهم من اعضاء واداره
---
تقدم تقدم يالحميدي على الهيل
وكل السوالف تنتظر رد اشاره

[عبدالرحمن الحميدي]

هلا فيك ياشاعر خفا بالمواويل
..................هلا فيك ببلاد الشعر والحضاره
تقدمت والدعوّه شرف والمحاصيل
..................نبيها جزالة شعر وبكل جداراه

[عبدالله الــروقي]

عسا الله يبارك ياشاعر الجيل
يارمز الوفا والطيب ساس النعاره
====
ترى السالفه طالت على القال والقيل
ونقل القصايد شي سبب حراره

[عبدالرحمن الحميدي]

أنا خبرتي بالشعر واهل التماثيل
.......................تقول إنك أنت اللي تبوح بشطاره
لك من الكلام العذب جمله وتفصيل
.......................حرام بشْعرّك أسماءك المستعاره
وترى النقل ماهو عيب ماهو ردى حيل
.......................ولا قيل في شعرك خلل وإنكساره

[عبدالله الــروقي]

انا ماعليه من هل الحط والشيل
وشعرن مثل شعري مايحسب خساره
ترانا رجالن دوم ماننقص الكيل
ويو جد ترى اسما بالخفا بالصداره<سداح العتيبي مثل
ابجهز البندق وابجهز الخيل
وابسئلك وش رايك لو نشن غاره

[عبدالرحمن الحميدي]

أبي منك تفهم بس بعض التفاصيل
............................على شان مايلام الرجل في قراره
ترى الغير لا قارنت به نفسك تميل
............................عن الغايه وتصنع لـ شخصك دماره()
وإذاها على الغاره ولو باظلم الليل
.............................معك بس لا زم حجةٍ وإستماره

كما يقول احد علماء التنميه كل إنسان له قدرات وقصدي بالدمار
ماهو من الغير إن كل إنسان له قدرات ولا يقيس نفسه بغيره

[عبدالله الــروقي]

اقارن بنفسي يالحميدي رياجيل
ولا اقارن اهل الشر واهل الدشاره
ترى عندنا حجه ولاهي بقاويل
وحنا نشوف الحر عدىمساره
وحنا ماعد نقبل قرارات تاجيل
ولكن قله ينتحي عن قراره

[عبدالرحمن الحميدي]

تقدم وقل وش حجتك واترك السيل
.....................أنا سد واقي لك واقول بجهاره
انا مع خوي الخير ضد البهاذيل
..................ولو جثتي للحرب صارت شراره

[عبدالله الــروقي]

الله لايهينك عبدالرحمن وكنت مسافر وتنومست باللعب معك لاهنت

[زآيد آلعتيبي]

ابداع وجزاله بالابيات الشعريه
رائعين بكل ماتعنيه الكلمه من معاني
عبدالرحمن الحميدي ~ شاعر فالخفاء
صصصح السسانتكم ودامت ابدانكـــم
ورقه ابيـآتكم كلمــآت شعريه استمتعت معها

[عبدالرحمن الحميدي]

الله لايهينك عبدالرحمن وكنت مسافر وتنومست باللعب معك لاهنت

ياهلا وغلا بأخوي شاعر فالخفاء
وانا اللي تشرفت زياده
باللعب مع شاعراً مؤدب وخلوق مثلك
الله يكثر من أمثآلك
وسلامة الاسفار

[عبدالرحمن الحميدي]

ابداع وجزاله بالابيات الشعريه
رائعين بكل ماتعنيه الكلمه من معاني
عبدالرحمن الحميدي ~ شاعر فالخفاء
صصصح السسانتكم ودامت ابدانكـــم
ورقه ابيـآتكم كلمــآت شعريه استمتعت معها

الأخ زآيد العتيبي
شرفتني وشرفت أخوي شاعر فالخفاء
بمرورك الله لا يهينك