الليله اشوف المضاجع كئيبه

[عبدالرحمن الحميدي]

الليـلـه اشــوف المضـاجـع كئيـبـه
واشوف راحاتي على كف عفريـت

نصـف المطـاف بـلا رفيـق وحبيبـه
مدري؟وش اخرهـا وانـا ماتهقويـت

تشابهـت عجـف السنيـن القريبـه
مع جرحي اللي في حنانه تكوّيت

واااااثق بأن نصفي خطا والمصيبـه
واثق بأني صـح حتـى لـو اخطيـت

يارب اشـوف إن الامـل صـار خيبـه
واضح ولا ادري وش بعد لو تماديت

يـارب انـا راضــي ولا هــي غريـبـه
مبطي وانـا قلبـي حبالـه مفاليـت

ويكـون لـي افضـل لاصـارت كئيبـه
ويصيـر الاسـوأ لانخبلـت وتهقويـت