محمد الجبريني
10-04-2011, 09:40 PM
بسم الله الرحمن الرحيم كم بيت
لتواصل معكم والمعذرره من الجميع
يالله يامعبود ياخير والي = يامهلك أهل الفيل بحجار سجيل
تطلق لساني لي وتشرح لبالي =مدامني شاعر واصوغ الثماثيل
ياعالم(ن) بالعمر وشهو بقالي =ترحم حياتي من العنا والغرابيل
ليه ثلاث أيام وربع ليالي = ماني طبيعي نوم لا مسيت بالليل
أنام وأطرد في منامي خيالي = بحلوم تيقضني وفيها التهاويل
والشعر انا به لا عليه ولالي =وأشرب لربعي به خيار الفناجيل
الي مبهر من خيار الدلالي =كيف الرجال الطيبين الحلاحيل
وتكفون ياربعي سليم وخوالي =أهل الوفا ركابت الجيش والخيل
(لا خاب ضني بالرفيق الموالي) = ماني ضعيف ولا على عزوتي ميل
والمجلس الي من الرياجيل خالي =مايجلس أبه ألا الرخوم المهابيل
أليا خلي من طيبين الرجالي =قنعان عن دلت به البن والهيل
يامطيب الجلسه عنه لي لحالي =اخير وابرك من مراكيه بالحيل
ماني وانا محمد قصير الحبالي =شاعر ومثل لابتي كلها أحليل
من ربي المعبود لي حض عالي =يرقا لك الله من على الجدي وسهيل
والعذر منكم يا كرام السبالي =واختم بذكر الله رفيع المنازيل
وسلامتكم
لتواصل معكم والمعذرره من الجميع
يالله يامعبود ياخير والي = يامهلك أهل الفيل بحجار سجيل
تطلق لساني لي وتشرح لبالي =مدامني شاعر واصوغ الثماثيل
ياعالم(ن) بالعمر وشهو بقالي =ترحم حياتي من العنا والغرابيل
ليه ثلاث أيام وربع ليالي = ماني طبيعي نوم لا مسيت بالليل
أنام وأطرد في منامي خيالي = بحلوم تيقضني وفيها التهاويل
والشعر انا به لا عليه ولالي =وأشرب لربعي به خيار الفناجيل
الي مبهر من خيار الدلالي =كيف الرجال الطيبين الحلاحيل
وتكفون ياربعي سليم وخوالي =أهل الوفا ركابت الجيش والخيل
(لا خاب ضني بالرفيق الموالي) = ماني ضعيف ولا على عزوتي ميل
والمجلس الي من الرياجيل خالي =مايجلس أبه ألا الرخوم المهابيل
أليا خلي من طيبين الرجالي =قنعان عن دلت به البن والهيل
يامطيب الجلسه عنه لي لحالي =اخير وابرك من مراكيه بالحيل
ماني وانا محمد قصير الحبالي =شاعر ومثل لابتي كلها أحليل
من ربي المعبود لي حض عالي =يرقا لك الله من على الجدي وسهيل
والعذر منكم يا كرام السبالي =واختم بذكر الله رفيع المنازيل
وسلامتكم