اقرب شاعر ......

[سد مارب]

سلام الله عليكم



ياسلامي عليكم يالرجال الكرامي=من هجوسٍ على بدع المثايل جسوره
لايهون الخوات المترفات الحشامي=والوفي في علومه عالياتٍ قصوره

[سد مارب]

فيه احد صوبي والا اقرب الوساده ؟

[(رهف العتيبي)]

الله الله


الله لا يهينك... شاعر جزل مبدع


و متابعه للابداع


تحياتي

[سد مارب]

قايله ماتهون

والابداع في مرورك

شكرا لكي اختي طقم صحون على المرور

[سد مارب]

ياعربنا نخيل البرق من كم عامي=ياعربنا سحاب الصيف ماروا سبوره
من قديمٍ واهل نجدٍ براس السنامي=مير في وقتنا الحالي مصانع وكوره

[سد مارب]

------------------------------------------------

[شاعر قيف]

صح والله لسانك الحين توني فضيت لك تبي ارد عليك نفس الطاروق والا تبي جديد

[سد مارب]

اللي تبي ياشاعر قيف

[شاعر قيف]

مرحبا عد من لبى ولبس الحرامي**** من هجوس على بدع المثايل هدوره

امش بالهون لاعينك يجيها المنامي**** عل ساقك على درب المهالك صبوره

[سد مارب]

البقا بك ياشاعر مايجيك الملامي=الدروب العسيره للرجال الغيوره
صايمٍ لي سنينٍ واتحرى يدامي=ابغي لقلبي ايدام يحرك شعوره

[شاعر قيف]

ذودك الي توردها وتصدر حيامي**** كلها من يمينك مير ماهي ا معذوره

مالك الالفطور الي يكف الصيامي****يكتب اجرك وتاخذلك مع الناس صوره

[سد مارب]

الفضل للاله ومالخلقه كلامي=يرزقك يرزق اللي مختبي في جحوره
ويش رايك برجلٍ للمساجد امامي=لاطلبناه حاجه قال مامن ضروره

[شاعر قيف]

من يشوفك يقول انك خذيت الوسامي****وانت تمشي وساقك بالطريق امعثوره


لا تصلي ورى الي ما يرد السلامي**** تبتلش بين بهتانه و مابين زوره

[سد مارب]

لاخذيت الوسام ولاكليت الحرامي=ولاحسبنا حساب الاطرقه والخطوره
الزمن حدنا على طريق الحطامي=وانت ماتعلم بحال الخميس وشروره

[شاعر قيف]

بارك الله في الي لارمى للمرامي**** صاب الاهداف والرميات دوم امخبوره

انت هايم وش المنتوج من ذالهيامي**** العسل ماجنيته والعكاك امعصوره

[سد مارب]

ياهل المنتدى داوو مريض الزكامي=لين يعرف تواريخ العلاج وصدوره
لاهوينا سعاد ولاهوينا مرامي=نرجي الله يحن الاب لاصغر بزوره

[شاعر قيف]

انت تضحك وتبكي كل شيء {ن}غمامي**** وانعطب ساقك الي ماتجبر كسوره


يا معمر ترى نفط الاجاويد خامي**** ما تغيره لا صيحه و لا الفين ثوره

[سد مارب]

المنافق يعيش ومسكنه فالخيامي=والكتاب المنافق بينٍ من سطوره
وانت رجلٍ وفي لاكنك تاكل مرامي=والوفي في زمنا مستريح بدبوره

[شاعر قيف]

سد مارب }}} مطبات {} لي انا
انت معلق على مرامي واخيرا جبت العيد ماني عجزان ارد لاكن تكرم الرجال وبنات الرجال الي يتابعون على العموم انا اترك التعليق للي

يمر ***

(شـــــــــــــــــــــــ� �ـــــــــــــاعــــــــر قـــــــيـــــــفــــــــ ـــــــــــــــــــ)

[سد مارب]

ياغالي انا ادري اني جبت مرامي لكن في كل موقع لها معنى يعني مرامي اللي انت جبتها غير اللي انا جبتها والثالثه تختلف عن الثنتين اللي قبلها دامك خليت الحكم اللاعضاء فاكيد من بينهم من هو يعد الحق ان لم يكن كلهم والحكم لهم والسلام مسك الختام

[سد مارب]

شف لك عذر ثاني

[شاعر قيف]

ما جيتك ادور اعذار انت تقول


(( تاكل مرامي ))


الله يصلحك احنى في منتدى له احترامه والناس الي فيه لهم احترامهم واذا مايهمك الشيء هذا انا يهمني كثير

ماهو خوف والا عجز ياروحي وانا على شان ما اكسر خاطرك شرحت لك ؟ واترك الناس تعلق

[سد مارب]

ياخوي والله انك ضايع وانت في وادي وانا في وادي انا اقصد شي وانت فهمت شي وانا الحمدلله محترم نفسي ومحترم الاعضاء ومحترمك ولاغلطت عليك في أولها عشان اجي واغلط عليك في اخرها ولا ادري كيف فهمتها واذا كان تفكيرك غلط فوالله ماني بقادر اغير تفكيرك ياخوك والرجال العوارف تفهم المقصود

[عـــكـــاش]

صحت الالسن والقلوب

تحيتي

[ناصر صالح البلوي]

ياذكر الله عليكم
يعطيكو العافيه