اي وربي العشق في مثلك قليل جديدي عزف الشهري

[عزف الشهري]

لاتجرح في خفوقي بالكلام=انتبه ياسعود من قدح الفتيل
الاسد لاطاح من رمي السهام=يرقص الحصني يبي يشفي الغليل
ماطلبت العون من يَمْن ٍ وشام=فارس ٍ بالقول ولفعلي صهيل
ثارت البندق وشديت الحزام=عن يميني الجدي ويساري سهيل
لابغيت اهيم في درب الزحام=اثني الخطوات لو همي ثقيل
معتزي في رب لاجن الظلام=اطلبه توفيق والدمعه تسيل
حالف ٍ لاقول وازيح اللثام=عن مناة الروح واحلى سلسبيل
مانشدت الناس عن بدر التمام=يكفي انه نور ولعمري دليل
اكتب الابيات كالسيف الحسام=في حبيب ٍ ماله بقلبي بديل
حسنها والله يشفي من سقام =وصفها الماس لا لا مستحيل
حبها للطيب يكسيها احترام =وردة ٍ وتفوح بالعطر الجميل
اصلها من قوم وافين وكرام=عاليين الصيت كالسيف الصقيل
زينها يجلي همومي والعتام=يافديت الزين والطرف الكحيل
راقية بالفكر شامخة المقام=راجحة بالعقل عن قال ٍ وقيل
اسمها نوره ونورة لي وسام=سيدة قلبي ولو قلبي عليل
آآه يانوره وآآآه من الملام=آآه من دنيا لغيرك لو تميل
يستحيل اعيش من دونك مدام=انتي بدنياي ظل ٍ لي ظليل
بنهي القصة وبختمها ختام=واخر الابيات مني للخليل
ماستحي لو قلت اعشقك بهيام=اي وربي العشق في مثلك قليل

[سامي العطاوي]

ياسلام ياعزف

صح لسانك ملايين

لاهنت

[بيان الغنامي]

بالتوفيق ان شاء الله

[أريج الرياض]

عَزف الشهْري ..|
قصِيدَه مكَانهَا في قسم الشعِر النبطِي ..
وتمنّيت ان انقلهَا هنَاك
لولا شرُوط القسم بعدَم الكتَابه بالاسم المستعَار
ولكِن اينمَا كان الجمَال يفرض نَفسه ..
قصِيدَه فاتنَه وحرفِك يقطِر عذُوبَه
ألف صح احسَاسك الوَارف
ولاهنْت.
:6:

[عزف الشهري]

الاخ سامي العطاوي : صح قلبك ولاهنت يالغالي تشرفت فيك ودمت بود

[عزف الشهري]

الاخ بيان الغنامي : لاهنت يالغالي وصح قلبك لاعدمتك

[عزف الشهري]

الاخت اريج الرياض : صح قلبك ولاهنتي اختي الابداع مرورك على ابياتي المتواضعه اتشرف فيك لاعدمتك

بالنسبه لي كنت اتمنى ان ابوح باسمي ولكن لظروف خاصه لا استطيع حاليا وقد يطول هذا الوضع الى الابد

ويكفيني ان قلتي كان ودي ان انقلها للقسم النبطي وهذا يكفيني ويزيدني فخرا

انا لم اسجل باسمي ولكن ساظل معكم هنا او هناك لافرق المهم ان استمتع واروي ذائقتي

الف شكر اخت اريج وتقبلي فائق احترامي وشكري ودمتي بود

[أنـ الذكريات ـين]

حرف بااااااذخ أخي..

صح لسانكـ ملايين..


تحيتيـ

[كاسب العز]

صح لسانك وفكرك