شنو شعورك لين شفت ( لقد تم حذف مشاركتك)

[مجروحة الزمن]

كل واحد فينا يحب يشارك ويجلس يدور يمين و يسار لين يدوخ علشان يحصل موضوع حلو

علشان الاعضاء يشفونة يا يستفيدون منة ولا يضحكون ولا صورة حلوة وغريبة

ولاكن في بعض الاحيان اذا جيت تبي تشوف مشاركتك شنو صار عليها

و ردود الفعل الاعضاء وعدد الزوار الي دخلو يشوفونها واذا بك تدور موضوعك

ما تلقاه وتطلعلك رسالة صغيرة مكتوب فيها لديك رسالة خاصة

تروح انت تقلب وجهة على الرسالة واذا بها >>>>>> لقد تم حذف مشاركتك :واء:

وقتها شنو يكون شعورك .. ؟ :تصفير:

انا عن نفسي يوم تنحذف لي مواضيع حتي لو كنت مشرفه وتوصلني رسايل من مشرفين
اتقبلها بكل صدر رحب:biggrin:<<<< البنت كووووول

يالله عاد شاركونا ولا تبخلون علينا بردودكم الحلوه :احم:

سلامووووووووووووووو

يؤ نسيت اقول لكم

نوعا ما الفكره ملطوشه http://alfreej.net/ubb/noncgi/graemlins/s3.gif

[مهاجرة بإحساس]

اذا كان مكرر قلعتي استاهل..
واذا كنت انا كاتبته وانحذف كذا يعني بالغلط او شي بكتبه من جديد
واذا وصلتني الرساله تقول ان فيه شي برد على الي حاذفته طيب مشكورين ماتقصورون وكل يوم تعالوا :هاها:

ياحبني لتس ياميجي انتي ومواضيعك..
نورتينا وويلكم تو باك. :قلب:

[رشـة عطر]

ياهلا وغلا بحبيبتي مجروحة

اممممممم

الصراحة بحس بالفشلة وبستحي بيني وبين حالي

وبكره المشرف اللي حذفلي الموضوع ههههههههههههههههه

لالا عنجد بستفسر ليش انحذف وشو سويت وبستفسر يعني
اذا كلام المشرف أقنعني بنسى الموضوع من شان ما أضل متفشلة خخخخخخخ

ان شاء الله مايجي هيدا اليوم اللي ينحذف شي من مواضيعي هئ هئ

بستحي هههههههههه تراني

شكرا أختي ميجي ويعطيك العافية

وتقبلي أرق التحية وأعذبها

من أختك زهور

[مجروحة الزمن]

بعبوعه

كل يوم تعالو

يعني كل يوم نحذف لك موضوع :tongue:

تسلمين قلبي علي مرورك:قلب:

[مجروحة الزمن]

ياهلااا حياتي زهور

وحشتيني يا بنت :اموه:

وبكره المشرف اللي حذفلي الموضوع ههههههههههههههههه

لحظه خيلي اتذكر ما قد حذفت لك شي :تصفير:

ياقلبي تستحين

طالعه علي كله اتستحhttp://alfreej.net/ubb/noncgi/graemlins/s3.gif

تسلمين ياقمر علي مرورك

سلامووو

[سود العيون]

هلا ميجي

موضوع جميل / نحتاجه لنعبر عن وجهة نظرنا به ...

أما أنا يا ميجي

لو حصل وتعرضت لهيك موقف ...

أكيد بتضايق مبدئياً ...

لكن برجع وبراجع أموري ، وبسأل نفسي ، وبقول ، يمكن الموضوع مكرر ، أو الصورة مكررة ، وهون ساعتها ما في زعل ، وباخذ الموضوع بروح مرحة ...


أما لو حصل لا سمح الله وانحذف لي موضوع / بكون أنا إللي تعبانه عليه ، يعني ؟ من تأليفي ، وأخراجي ، ويقوم ينحذف بكل بساطة ، أكيد رح مووووووت قهر ، ورح أبكي لحد ما دموعي تنشف ~_~

يعني مثلاً لو كان الموضوع : ما بيمس أي أحد ، لا دين ، ولا قيم ، ولا أخلاق ، ما فيه أي تجريح لأي أحد كان من كان ، ويقوم حد يحذفه ، أكيد بتتحطم معنوياتي ، وبينكسر خاطري / وبكره الساعة إللي خلتني أكتب وأتعب على الفاضي !!!

وأنا دائماً أتحرى أني ما أسيىء لأي أحد ، ولا أجرح ، لكن ؟

لو الموضوع يحتاج أني قول رأيي وبصراحة ، رح قولو ، ولو كان على قطع رقبتي ، أو حتى طردي من المنتدى ...

لأنو عندي مبدأ ، إللي هو / قل الحق لو كان به قطع رقبتك ( يا ساتر يا رب ) ^_*

أختي ميجي

أشكرك من الأعماق على طرحك


سوووووووود العيون ـ ـ ــ

[شيخ اااالشباب]

الاخت ميجي

اكيد اذا في سبب مقنع اوكي ماراح ازعل
واذا مافي سبب مقنع بعد ماراح ازعل

لانه بالنهايه المنتدى هذا مو ملكي ولا لي علشان اتصرف فيه
اكيد هو للأعضاء ومانحذف الا انهم مايبونه

وعندنا مثل يقول
"الخبل ماينسى سالفته"

بس اذا صار هناك اسباب كيديه او مقاصد ماهي زينه اكيد بشوف بتتغير وجهة النظر





تحياتي لكم



شيخ الشباب

[مجروحة الزمن]

يامرحبتين سود العيون

مشكوره حبيبتي علي حظورك اللي اسعدني كثير

ورايك الصريح

وفي الحقيقه مستحيل اذا انتي كاتبه موضوع وتعبانه عليه ومافي تعدي علي حد مستحيل ينحذف

الا اذا حد حاقد عليج وحاذفه هذا شي ثاني :tongue:

سلامووووو

[مجروحة الزمن]

اخي شيخ الشباب

تسلم علي تواجدك الحلو ومشاركتك الاحلي


"الخبل ماينسى سالفته"

صراحه هالمثل جديد علي اول مره اسمعه

ايش معناته ياتري :بفكر:

<<<<< ابي ازيد معلوماتي بس:تصفير:

سلامووووو

[أمل عبدالعزيز]

شعور أى مواطن حزين يشيل قشه ويغير عفشه !!!!!

بصراحة يامجمج موضوع حلو زيك بالضبط ولمستِ جرح مهم .....

وياكم انشاتت لنا مواضيع بس على حسب لو كان العذر مقنع باصبر ولو لا باسوى مظاهرة وانقلاب ههههههههه

تحياتِ لك ياقمر.......

[جود]

مشكوره حبيبتي على الموضوع
بصراحه بيضيق صدري بس عادي

[نـــور]

شعوري شعور اى مواطنه مالقت توظيف


لا عادي لو كان السبب مقنع او كان سبب مشكله

واذا مكرر انا بطلب حذفه


ومشكوره اختي



أختك

[شيخ اااالشباب]

الخبل ماينسى سالفته


الله يسلمك معناها

ان اللي فيه خير واللي عنده عزة نفس مو مشكله
لو راحت سالفته مايهمه لانه لو كانوا اهل المجلس يبونها ماخلوها
بس الخبل لا الا بيقول سالفته بالغصب يعني لو ماهي حلوه او مايبونها الرجال

واكيد اذا حذفتوا موضوع مو لازم اني اكرر وادور وراه شئ راجع لكم




فهمتي ولا باقي يالدبه





شيخ الشباب

[أبوعبدالرحمن]

ياما انحذفت لي مواضيع من العريف مخاوف قلب ومن عذب الاوهام في الشعر

ومع كذا اخذت الموضوع برحابة صدر لانهم يقومون بواجبهم

[الجرح المستديم]

يكون احساسي عادي
لان هذا موضوع اطرحه ولابد اتلقى الردود والانتقادات. ولما احد من امشرفين يرسلون ليي رسالة خاصة اعتبر هذا درس لانهم قاعدين يقومون بواجبهم لاعطاء فكرة طيبة وشاملة عن المنتدى.

[مجروحة الزمن]

رهوبه صج انك رهيبه

مظاهره مره وحده

الواحد يخاف يحذف لك موضوع اجل :تصفير:

....................................

العفو حبيبتي جود

وتسلمين علي مرورك

وان شاء الله ابد مانحذف مواضيعك علشان ما نضايق القمر بس :اموه:

سلاموووو

[مجروحة الزمن]

تعجبني روحك الرياضيه يا ضيم حبيبتي:biggrin:

تسلمين يا الغاليه علي ردك الحلو

سلامووو

[مجروحة الزمن]

فهمت يا شيخ الشباب يا الرشيق

<<<<< انا دوبه هين دواك معاي بعدين :mad:

مشكور علي توضيحك لي

ومنك نستفيد يا فيلسوف زمانك:biggrin:

[مجروحة الزمن]

بابا عشق

انت بالذات لازم تاخذ الموضوع برحابة صدر

علشان تكون قدوه للغير :تصفير:

[مجروحة الزمن]

تسلم اخوي الجرح المستديم علي ردك المقنع والروعه مثلك

ويعطيك مليون عافيه

سلامووووووو

[نـــادر]

اهم شي الاخلاق



مافيه احد بيموت قبل يومه


علشان مقال ولا موضوع انا من ناحيتي مراح اكتب شي رايح اتفرغ بس لردود ومن بعيد للبعيد علشان ::::


علشان لا حد يسويلي اوت



ويعطيك العافيه اختي مجروحة الزمن
:برافو::برافو::

[سيف العز]

شعوري شعور اي مواطن سعودي بعد هزيمة المانيا بكاس العالم

يعني خيبة امل :)

ثانكس مجمج

تحياتي

سيــف العــز

[مجروحة الزمن]

نادر

اشدعوي يا خوي

ماتكتب مواضيع علشان لاحد يسوي لك اوت هعهعهعهعهعهعهعهع ضحكتني والله

علي العموم اهم شي تواجدك الرائع معانا واي شي ثاني يهون :biggrin:

سلاموووووو

[مجروحة الزمن]

ياحبكم للكره يا الرجاجيل

في كل شي مدخلين الكره

ماادري متي تنقرض هالكره ونفتك:تصفير:

ثانكس تويو سيف علي مرورك الحلو

سلاموووووووووووووو

[سمووره]

أنا عن نفسي إذا وجدت رساله خاصة يقولي فيها المشرف أو المشرفه

إنه موضوعي أنحذف وبين لي الأسباب عادي راح أرسل له رساله خاصة وأشكره على إهتمامه
وحرصه وراح أدعيله الله يعطيكم القوه والعافيه

لكن إذا أنحذف بدون سبب راح أتضايق شوووي

تسلمين عيووني على طرحك الموضوع

لانحرمنا من موضوعااتك الحلووه

سمووره

[مجروحة الزمن]

اهلين حبيبتي سموره

تسلمين علي مشاركتك الحلوه وتقبلك الموضوع برحابة صدر

يعطيك الفين عافيه

سلاموووووووووووووو