دردشة شعرية ( سجل الحضور ببيتين شعر ) لاهنت ..

[ذات النجلآء]

-
















يآكثر اللي دفنته والكلـآم اللي بصدري زاد
وأنآ مآعآد لي خآطر على الضيقه وطواريهآ






لَيـــــــلى { ذات النجلـآء
حآخرج قبل لـآتفجر > :girl_mad:

[محمد الجبريني]

البارحه ف النوم أرى اني تحلمت = حلمِ وربي مابعد قد حلمته
وصحيت من حلمي من الروعه وقمت= والهمني الله كل حلمي فهمته

[>>متعبه عسآفهآ<<]

بيني وبين المقابر علاقآت ’’ بالأسم والمعنى ودفن الضحيه
الفرق بأن المقبره تدفن اموات ’’ وانا دفنت اشياء بالصدر حيه!

[صلاح الشمري]

صباااااااااااااااحكم عسسسسسسسسسسسسل


شفاهك عسل صافي وغمّازتك قشطه=تقاطر وبلحق اوف جنه وتردف اوف

[عبير الصمت]

يَ ضلوعي ليه آحسك [ ترجفين !****
,, نآم فيك البرد ولآ … ” خ آ ي ف ـه ,,****

[سامي العطاوي]

صدّك ذبحـني وانا صبري على قدّي
........ مافيـك رحمـه على قلبـي وماويه
إسمك معي لآكن افعالك تجي ضـدّي
........ مثل وزير العمل واهل السعوديه

[لــيــل]

,‘






,
,

يامساء العطر والورد والزيزفووون




ياصاحبي جيت أتطمن واسألك ^&^ قلبك معي ولاّ رحل يم العنا
عطني الجواب الي يطمن سائلك ^&^ خل الفرح يسكن بخافقي هنا






ياصاحبي من يذكرك ياصلك = من هو رسم وصلك على غيمة منى

بعضَ المطر مُنيه لِمشتاق لك = وديمَ الوصل غسّل مشاعرنا هَنـَا





ويامساء الحضور النقيّ / الوفيّ / المعتّق بالجزالة :smile:....

[أبوعبدالرحمن]

حاولت أحبّ وكل ما قلت حبيّت=يصيح قلبي بين الأضلاع : توّك
ألين شفتك يا حبيبي وغنيّت=روّقت جوّي يا عسى يروق جوّك
تعال شف في خافقي ويش سوّيت=شبيّت في وسط المعاليق ضوّك
قلبي موّلع نار وعيونك الزيت=واللي جذبني فيك قمّة هدوّك
بالله لعيون البشر ويش خليت=الناس تنزل وانت يكبر علوّك
ما للعرب إلا تجّر التناهيت =لا شافتك وأنته طريقك مشوّك
سوّك وحسن الغير لو فيه تصويت=يفوز بالتصويت لاشك سوّك
يوم إن زينك ما سمع لو أو ليت=غيرك حفظ ترديد ليتك ولوّك
اكتب عشانك بيت وانقّح البيت=عل وعسى بأنه يناسب سموّك
تستاهل التدليع لأنك اتيكيت=بدّلعك وأغليك وأقهر عدوّك
ولا قلت لك بأني معك صدق حبيت=أرجوك جاملني ولا تقول : توّك

[مطلق الحمدي الجهني]

لحظة فراقك نبّهت كل مدفون
وسط الضلوع اللي تمنّى حضورك
يبكي غيابك كف وإحساس وعيون
تلفتت تبحث عن إشعاع نورك

[غرام المشاعر]

بعض الشوآرع لا هدت مرّت بها الذكرىْ سرآبْ ..
تاخِذ خطاوينا وله ، وَ تردّنا كسرى قلوُب !

[أنـ الذكريات ـين]

يا اهل الشعر وين الشعر؟ مات مدفون!!
و الا الشعور اللي ارتخى صوت همسه؟!

يسقي ليالي العام بالشعر تمسون
و اليوم أدوّر؟! ملّنِي F خمسه..

: (



>> F5 اختصار تحديث الصفحة ^^





الثلاثاء 14 شعبان 1433



شخبطة ع السريع ^^'

[ماجد]

مكررر

[ماجد]

مدري عن الايام وشلون العبّ

[طرس]

الى منه جفاك اللي توده ولاتدري وش اللي عنك صده
تجرع مالح العبرات واصبر ترى كثر الشكاوي ما ترده
الا من الليالي عودت به تغانم كل فايت واسترده
حذاري تنشغل بعتاب خلك ترى كثر العتب يمحي الموده

[فهيد بن لافي]

أسعد الله أوقاتكم بكل خير وبلغكم شهر رمضان بكل صحة وعافية
.
.
.
.
الحُب فعلٍ بعلم النحو ما يُعْرَبْ
............................ يعجز سيباويه ما يقدر على إعرابه
مرفوع حكمه بوسط القلب ما يُقْرَبْ
.............................. وعلامة الرفع: حال الناس بغيابه
ثلاث الأزمان فيها الحُب ما يخْرَبْ
...................... ماضي , مضارع وأمر والحال متشابه
منه أتهرب ولكن منه لا مَهْرَبْ
..............................احسبني ابعد وأثاريني على بابه
يسري مع الدم لا يُؤكل ولا يُشْرَبْ
............................... سؤال يبقى ولا يُلقى له إيجابه
.
.
.
تحيتي / فهيد بن لافي

[ماجد نصار]

كل عام وحالكم ماله مثيل .. .. بالتواصل والمحبه والوفا ..
كل قربت من وقت الرحيل .. .. ردني الماضي الجميل..وقال افااااا ..!!

كل عام والكل بخير .
تقل الله منا ومنكم ..
من بقي من الجيل حقي :(

[ناصر بن دحيان الصيعري]

الله خلقنا..ع البسيطه بدون اثياب/
وبمره نعيش وكل مخلوق بثيابه/


ونرجع لخالقنا عرايا بدون اثياب/
نبي رحمته ذي تسترالعبد بثيابه/

[وعوووووودي]

جزاك الله خير

[يزيد الغاصبي]

ياسعود ضيق الصدر مايشرحه نكته
شفني من الضيق كني واحد ثاني
اقوم واقعد سوات الي معه بكته
ودي اسولف بها لاكن ما امداني
الله يستر على قلبي من السكته
ماعاد يقدر كثر همي واحزاني

[لــيــل]

ياانا اسمك وصاير يشبهك=في سواده يشبه لحظك كثير

[سوسو فقلب زوز]

اكبر خطا تبكي علي انسان ناسيك
ويضيق صدرك فيه وتموت حره
الـيً نساك أنساه لو كان يطريك
والي يبرك في مواصلك بره

[فهيد بن لافي]

حب الوطن ماهو بعزف الموواويل ... ولاهوو بلبس اللبس من دون كمّي
حب الوطن لو حللوا بالتحااااااااليل .. لقوووووه وسط القلب يمشي بدمّي

أدام الله علينا نعمة الأمن والأمان
وأدام الله علينا ولاة أمرنا , أعزهم الله بعزه .

[جرمان ابوشامه]

لابد ما تلقى صديق صادق = لاهو بمتكبر و لا متهاون

امّا يسرك فالرخا بمزوحه = والاّ يعينك فالقسا و يعاون

[Wind Dancer]

واثق الخطى يمشي ملكا !

[ماجد نصار]

كل عام وانتم بخير ..
حكومة غرابيل وشعبها ...
واحد واحد .. واحده واحده ..


انت ماغيرك معي في كل عيد .. كل عامٍ وانت ياجرحي معي ..!!
مثل آخر عيد ..كنا لا جديد ... لا حياه ولا وفاه ولا نعي ...

[فهيد بن لافي]

يا زمانٍ كــل شيءٍ بــه غــريــب



والـغريب اليـوم ما يستغربا



أحسب إنْ الشيب ياتـــي بالمشيب



لين جاني الشيب في عمر الصبا



شيب راسي زاد في شكل عجيب



لا يكون الشيب يعمل بالربا ؟ !!!

[ماجد نصار]

http://t2.gstatic.com/images?q=tbn:ANd9GcRXCSPVVVXWmhIhk2cXhMlS5V8s7cZEF i63tJx2L56RiQYAeYNf6A

لو كان به مسؤول مبدع وشغال
......................ويشوف وش احتاج ويحس حسّي

كان انتفاعل ..معه لا صار فعّال
....................... ونصبحه بالخير ..وأيضا نمسّي ..

امس .. الرساله وصلت لكل بطّال
............................شوف العدد؟؟ كم مجتمع حول مسّي!!!

[عوض النومسي]

باب تبيه وباب حاول تصكه **** من شان لاتكثر عليك الذواري
لاصار لك في بعض الأحوال شكه **** الليل لاعسعس خذا ه النهاري

[عوض النومسي]

كل يسب الجرح من دون تبرير **** مايدري ان الجرح يهدم ويبني
الجرح له عندي معزه وتقدير **** اغليه واغلي صاحبه لوذبحني

[عيون ابوي]

من وجع كبدي اقول اني تشافيت
ورخصت من كان السبب في وجعها

وسولفت ي بلفيت وقدعت وتقهويت
وانا كذوب وعبرة >الحلق قارعها

[عوض النومسي]

كانك على بعض المواجع تهقويت .... ان طاعتك نفسك على الهجر طعها
ماكل فرق ينحسب بالمواقيت .... ا لناس يفرق عن بعضها وجعها

[عوض النومسي]

السلام عليكم

[عوض النومسي]

كانك على قلوب بعض الناس صياده ..... ماصدتي الا قلوب بالهوى حمقا

[نوور الغلا]

موضوع رائع

بارك الله فيك

[نايف جفان الحربي]

ابنشد اللي بالهوى له تجاريب طب الهوى ياخوك عطناه عطناه
مليت من كثر الشقا والتعاذيب ومن درب ماندري على وين ممشاه

[فهيد بن لافي]

أرض الأمل في خاطري مابها نبْتْ . . . . . سحايب وسوم الفرح ما وطتها
ليت الأحد ياتي قبل ياتي السبْتْ . . . . . . ونشوف مع بعض البشر تاليتها

يالله عسى مقسوم خـــــير . . . .

[ماجد نصار]

والله .. ثم والله ماهمني الموت
..... ماهمّي إلا من معي .. كيف يبقون ..
http://vb.g111g.com/attachments/f8/49687d1368799059-%D8%AF%D8%B1%D8%AF%D8%B4%D8%A9-%D8%B4%D8%B9%D8%B1%D9%8A%D8%A9-%D8%B3%D8%AC%D9%84-%D8%A7%D9%84%D8%AD%D8%B6%D9%88%D8%B1-%D8%A8%D8%A8%D9%8A%D8%AA%D9%8A%D9%86-%D8%B4%D8%B9%D8%B1-%D9%84%D8%A7%D9%87%D9%86%D8%AA-syria.jpg

[عبير الصمت]

رائعه ،،، لك طولت العمر شاعرنا


اذا ممكن عندك حساب فتويتر تشرفني متابعتك...

[ماجد نصار]

:
:



... ياحب.. تدري كنت في يوم شاعرك ..
............ زمااان قبل إنّك تجي صدق وأبلش ..!


عبير الصمت .. حياك .. مدري السؤال موجه لي ..
عموما رديت عليك في سجل الزوار ..
مودتي ,

[ماجد نصار]

الله يعين ويجعل المنتهي خير ..
.... ضاقت ولا لي غير رجوى إلهي,,

[hattanmd]

ايه صح لسانك

[ماجد نصار]

:
/

خل عنك الحين حل المشكله ..
........ كل حل يقول .. لازم نفترق ..!!

[هلال العتيبي]

تعبت أجازي راعي الصد بالصد
وتعبت أجامل ناس ما تنتجامل


ناساً أشوف أفعالهم تفلع الكبد
والكل منهم في جفياي صامل

[مشاري بن فايح]

أوتار حسّي بـ الأحاسيس .. تشـتد
يا مفعل الفرقا . وللوصل خامـل

البعد يا ترف الصبا ملعنة جـد
لـ الخافق المْكْرُوبِ تدمير شامـل

[محمد بن ضاوي]

ليت الليالي كلبوها سعيده
ليت الليالي لكن الوقت عيا

لو كل شخصن ياخذ اللي يريده
ان كان كلن قانع ابما تهيا

[زيزفون كوم]

يطيبَ الحرفِ وتـْفوحَ العواطراذا كانت مشاعرنا غزيرة
ليتْ حسّي يكونَ اليوم ِ شاطرولا يوقفْ سيل حرفي فِ حيرة

م/ن

[زيزفون كوم]

ي سلمو ع الطرح

[محمد الجبريني]

ياشعر عبر من ضميري على البوك
ببياات شعرا تطرب اللي قراها

راع الوفا مايلحقه مني اشكوك
وافي يكرم لحيته وايحماها.

وان قلت تكفى افزع علي واناخوك
جاب الثمينه لو غلا مشتراها.

[تركي العطاوي]

طل الصباح وبارد الجو جذاب
يحمل على متنة أواخر ظنوني

ريح المطر والشوق وطيوف الأحباب
وشعري وقيفاني وأوائل جنوني

[سامي العطاوي]

السلام عليكم ورحمة الله وبركاته


اسعد الله اوقاتكم بكل خير آل غرابيل الكرام
/
\
/
\
/
\

..

إعذروني ياغرابيل لو طآل الغيآب...
..... البنآدم طول عمره تحَتْ حكم الظروف
/
\
/
\
/
\........

[مبتدأ]

الله يمسيكم بالخير جميع
انا شاعر مبتدي حسيت اني اعرف اكتب شوي
وابي استفيد واتعلم منكم
مع اني احس اني اذا جيت اكتب في المدح احس ان قصايدي حلوه وابي مساعدتكم
وسلامتكم

[مبتدأ]

انتظر ردكم تكفون ابي اتعلم

[مبتدأ]

هاذي قصيده لي غزليه
عطوني رايكم

الماقف الي صابني وانتابني حزن وهيام
حزن يبكي راعي العليا وراعي الطايله

مايدري ان وقعه بقلبي هو كما ضرب السهام
الي تشق الروح وتسبب جروحن هايله

يالله دخيلك دلني تكفى على درب السلام
اشوف زولن في سمانا كل يوم اخيله

وين المحبه والحنان الي تسمينه وآم
وين الوعود الي وعدنا نفسنا يا القايله

بكره تدق الباب وتسلم على نسل الكرام
وتاخذ معاك الشايب وتجمع مقام العايله

اخترت ربي في هنوف منزله فعلى مقام
ودعيت ربي يجعل اقدومه بدومن صايله

نصيحتي يهل الهوى من تجربت قلبن مضام
لا تسلك دروب الغوى تلقى حياتك مايله

[مبتدأ]

الله يمسيكم بالخير جميع
انا شاعر مبتدي حسيت اني اعرف اكتب شوي
وابي استفيد واتعلم منكم
مع اني احس اني اذا جيت اكتب في المدح احس ان قصايدي حلوه وابي مساعدتكم
وسلامتكم

[سامي العطاوي]

حياك الله بين اهلك وآخوانك


إذا القصيده هذي لك

فأنت ماتحتاج تشاور احد

قصيده رائعه مافيها كلام

[مبتدأ]

فديتك يا سامي وكذا تحمسني وتعطيني دفعه قدام
والقصيده لي وانا ما صار لي بالشعر الا 9 شهور

[مبتدأ]

تقندل ياهجوسي وارسل الجزله لجل هالشان
وجملني مع الشعار ببيات تجملني

ابا اشارك وارج الشات بجمل قافيه والحان
وابين منزلي بالشعر للقاصي مع الداني

=== ابيات متواضعه مني انا -- مبتدأ---

[فهد ال مبارك]

السلام عليكم ورحمه الله وبركاته
حياكم الله وبياكم وجعل الجنه مثوانا ومثواكم (((من قصيده )))

يا نور المكان اللى بدايه حياتي فيه.//////// ياروح الحياه اللى اتنفسه واشمه

يأغلى بشر دايم على الساني اطريه. ///////يأاصدق شعور الامسه معه واضمه

[مبتدأ]

تقندل ياهجوسي وارسل الجزله لجل هالشان
وجملني مع الشعار ببيات تجملني

ابا اشارك وارج الشات بجمل قافيه والحان
وابين منزلي بالشعر دخيلك لا تفشلني

[ماجد نصار]

مساء الحب والطمأنينه للمكان ورائحته العتيقه ...



وينهم أحباب كانوا وينهم ... وين ذاك الجيل .. جيل الطيبين ..

[ماجد نصار]

يارب يكون الجميع بخير
لافاقدين ولامفقودين ...

أتمنى نسمع عنكم أخبار حلوه

[حرف العنا]

بيني وبين الشعر علاقه متينه
لاضاق صدري وسعته القصايد
الشعر لاعانق حروفي الحزينه
يشيل هم (ن) على الصدر زايد

حرف العنا ..
مسااء الخير .. انا جديده في هالمنتدى
واعد نفسي شاعره مبتدئه ..
وان شاء الله افيد واستفيد منكم
احترامي للجميع

[محمد بن ضاوي]

احساسي الفاخر بلحظة وجودك
أجمل أحاسيس الحياة بحياتي

[بن نميان]

للعام في مقدم هل الطيب مقدام
يطيب منه الحر بالفعل طابي

سلام ياحرن شمخ واعتلا حام
بين النشاما له مقام وحسابي

[بن نميان]

الله اكبر يازماني منك مال الجور حد
كل ماقلت انتها بالجور تبدا من جديد

وحمل جورك يازماني هد كل الحيل هد
ولادري انتها يازماني فوق ذالك وش تريد

[مبارك الشلوي]

سلام الله سلامٍ للمسلّم سنة الاسلام
سلامٍ يرضي الزعلان في حلة معازيبه
أسوقه لرجال اللي نهار الضيق ماتنضام
زحولٍ تنطح الاخصام في وقتٍ عواء ذئبه

[جمال الجسار]

تصبح على خير ياصوت(ن) يسامرني
يدفي شعوري ليامن عانق اسماعي
ليمن سمعته يسرّيني وياخذني
مدري على وين ياخذني وانا واعي ؟
أنسى من الناس دام انه مواصلني
أبحر معا نبرته وارفع له اشراعي

[أ.انغام الغامدي]

آخر مشاركة في حائطي
لا يوجد اضافات حالياً
انا سمعت الناس تحكي عن الحب
وقلنا نجرب ليتنا مابدينا
الحب دربن صعب واكماله اصعب
لاصرت تعطي والعطا مايبينا

[أ.انغام الغامدي]

وقف حبيبي وأترك العين بالعين

****

خل الحديث يطول بيني وبينكـ

***

خل اليدين اليوم تبقى باليدين

****

وأعيش لحظة حب بيني وبينكـ

[عبير سعد]

(مساء الحب والطمأنينه للمكان ورائحته العتيقه ...



وينهم أحباب كانوا وينهم ... وين ذاك الجيل .. جيل الطيبين ..)


موجودين يا( ماجد ) واولهم انا ( ليل )....ضيعت الباسوورد حقي ودخلت بمعرف جديد....

[سفير الحسن]

انت ِ نسيت ِ ؟؟ هــو سؤالي من بعد غيبة سنين
................ لا تسأليني ..!! لــو نسيتك ! مـا تعنيت و سألتك

انت ِ نسيت ِ !!.. كم لي أنتظــرك لعلك تسمعين
................ للحين أردد للغياب انت ِ نسيت ِ مــــــن فقدتك !!

حاتم منصور

[مسعد العجي]

لان الزمن ياقلب له جور غلاب
لاجيت اعدل مزاجي راح يتعكر
ماحدعليها سلي لابدماينصاب
لابديجي له زمانه لوزهى با كثر

[مسعد العجي]

ماقال ابوصالح ان الوقت بي شيب
شيب شبابي وانا في سن عمري شاب

[مسعد العجي]

وش رايكم في شخص منكرهل الطيب
منكربلا معروف باقي حياته

[أم العبادلة]

جعلني لاعشت ماعشت فالدنيا شحيح//تاخذ ايديني و تعطي و لاعرف الحسد**

وأن بغيت النوم غمضت وأنامستريح//لا كليت حقوق غيري ولا زعلت احد**

[abdullah_]

يالله طالبك الهدايا ولى وانت تعفو عنى
والاخرة واجعل حياتى على الدنيا هنيه

[abo ahmaad]

مسهم باااالخير


يارب هب الرياح ونزل الخير

انا على غضا عنيزة حيل مشتاقي

مع عشير قلبه اوسع من البير

انا اشهد انه صاحب غاااااليhttp://vb.g111g.com/images/icons/mosrka/icon26.gif

[اللؤلؤة]

روق عساني فدوة ن لك ولباك
لا عاش راسٍ ضايقك لو دقيقه

امر تدلل وش تبي بس يفداك
يضيق كوني يوم اشوفك بضيقه

ولو املك كنوز الهنا قلت لك هاك
وجهك حرام الحزن يخفي بريقه


افتقدناكم يا اهل غرابيل


محبتكم : اللؤلؤة

[اللؤلؤة]

نروح وكل ما ابعدنا نرد ونلتفت ثاني
نروح ولا تروح احلامنا اللي ننتظر تصحى
كذا جينا كذا رحنا كذا فينا الحزن كاني
حنين الشوق رجعنا ولا بقى لنا فسحى
تصادم كل مافينا ولا به واحداً هاني
غرابيل جمعتنا بالنبط والنثر والفصحى
ولو رحنا ولو شحنا ترى لها الفضل من داني
انا عن نفسي اشكرهاكفو مرحى ويا مرحى






☺️

[ماجد نصار]

أجي هنا من وقت لي وقت لكن:: مافيه شي(ن) بيتغير مع الوقت...!

ورده لكل من مر من هنا وتذكر.

[ماجد نصار]

أجي هنا من وقت لي وقت لكن:: مافيه شي(ن) بيتغير مع الوقت...!

ورده لكل من مر من هنا وتذكر.

[محمد السبيعي]

قل للاحبة في الاعماق ذكراكم ****يمضي الزمان ونبض القلب يهواكم
جاءت رسائلنا تترى لتلقاكم****لاخير فينا اذا يوما نسيناكم.

[محمد السبيعي]

سأظل أذكركم إذا جن الدُجى.... أو أشرقت شمس على الأزمان
سأظل أذكر إخوة وأحبة..... هم في الفؤاد مشاعل الإيمان
سأظل أذكركم بحجم محبتي... فمحبتي فيض من الوجدان

[اللؤلؤة]

(( تموت المشاعر))

تموت المشاعر لكن القلب بك ما مات
ويموت الوله والشوق عندك وانا صاحي

اجاذب هبوب الوصل وادعي الامل باهات
و تـرد الامـانـي صه!! انا تـهت بجـراحي

⁦
⁩ لؤلؤة غرابيل A.F
‏⁦‪@12_fofh‬⁩

[محمد السبيعي]

ركضت لين احفيت رجلي من الشوك
... وحاولت كسب الاوله والاخيرة
فلعل ما جابه لي الوقت مبرووك
... ولعل ما قفّى به الوقت ، خيرة

[محمد الجبريني]

أسعد الله أوقاتكم جميع


ماعلموك ان الغلا يجرح الروح
وانا على فراقك تنازف جروحي

حبك سكن في خافقي صلوه يفوح
مالي جدا ,,الا فيك بالشعر ابوحي


محمد الجبريني

[محمد السبيعي]

هلا وغلا
حياكم الله جميع

اسبوع مر ولا وصل منك مرسال
يا قو قلبك كيف تقطعني أسبوع

الجوع كافر وأنت ما ترحم الحال
وأنا عليك من الوله ميت جوع

[أمل عبدالعزيز]

مساء الشعر :


يبقى الوفا في جل الاوقات نادر // مثل الحليب اليا ظهر بالعصافير

والشوق مثل الناس وارد وصادر // ياكثر ما يشقيك ( هرج ومعاذير )

وان كنت ياصاحب صادق و قادر // تلقى البشر تلفيك مثل المقادير

[احمد مناحي]

جيت ..بعد غياب مشتاق للعهد.. القديم
المكان اللي ..جمعني بطلقين ..الحجاج
قبلة الابداع.. والفكر ..والنهج.. السليم
وللمواهب في ظلام الفرص مثل السراج
كان وادي شعر ..والشاعر المبدع .يهيم
فيه لين يلبس ...ابداعه من ..المجد تاج

[محمد السبيعي]

اذ جيت في بودا يصير اختيارك ( بست )
... هواها عليل و جو الامطار صبّاحي
يبي يفرح الدانوب ، وتِسْعِدْك بودابست
... هلا بك ومن هو معك يا مفرح مناحي





قبل فليل مع ابو عبد الله :bye1:



https://cdn.batuta.com/media/3437876/%D8%A7%D9%84%D8%AD%D8%AF%D8%A7%D8%A6%D9%82-%D8%A7%D9%84%D8%AE%D8%B6%D8%B1%D8%A7%D8%A1-%D8%A7%D9%84%D8%AC%D9%85%D9%8A%D9%84%D8%A9-%D9%81%D9%8A-%D8%AC%D8%B2%D9%8A%D8%B1%D8%A9-%D9%85%D8%A7%D8%B1%D8%BA%D8%A7%D8%B1%D9%8A%D8%AA.j pg
صورة من جزيرة مارجريت



--
-

[محمد السبيعي]

لا دامت الصحة وربي هدانا
... فهذي غناةٍ ما تعادل بالألماس

[محمد بن ضاوي]

كانت وكنت وآه وشلون كنا
‏عزاه ياوقتن مضى في خبر كان

‏????

[محمد بن ضاوي]

يالالالالا لالا يالالالا لاله

حنا نحب الغضي ونعشق سواليفه
لكنّ ورع الغضي للحين ما نامي


كلب ورع الغضي

حيوان

[محمد السبيعي]

يالالالالا لالا يالالالا لاله

حنا نحب الغضي ونعشق سواليفه
لكنّ ورع الغضي للحين ما نامي


كلب ورع الغضي

حيوان

هههههههههههههههههههه

ورع الغضي هايوان


،،،
،،
،

[محمد بن ضاوي]

لجل غضي يكرم ورع ههههههههههههههههههههههههه

[محمد بن ضاوي]

أجمل علاقه في الحياه الصداقه
‏لاوفقك ربي بصديقٍ صدوقي

‏علاقةٍ ماهيـب أيّة علاقه
‏لاجا صديقك من عتيبه وروقي


:)

[حامد الروقي]

والله اني هاجرن بدع القوافي = عيفوني فالقصيد مهايطيه
شاعر ٍهادي وشعري مايعافي = منفرد بالطرق عن بدع البقيه

[محمد بن ضاوي]

الله انه لا يعيدك ياحليب النيدو
خرب الورعان ماتبغى حليب الناقه

منقول

[محمد بن ضاوي]

عَجِبتُ مِنكَ وِمنّي

يا مُنيَةَ المُتَمَنّي

أَدَنَيتَني مِنكَ حَتّى

ظَنَنتُ أَنَّكَ أَني

وَغِبتُ في الوَجدِ حَتّى

أَفنَيتَني بِكَ عَنّي

يا نِعمَتي في حَياتي

وَراحَتي بَعدَ دَفني

ما لي بِغَيرِكَ أُنسٌ

إِذ كُنتَ خَوفي وَأَمني

وَإِن تَمَنَّيتُ شَيئاً

فَأَنتَ كُلُّ التَمَنّي

للشاعر الحلاج،، وله أيضا:


وَاللَهِ لَو حَلَفَ العُشّاقُ أَنَّهُم

مَوتى مِنَ الحُبِّ أَو قَتلى لِما حَنَثوا

قَومٌ إِذا هُجِروا مِن بَعدِ ما وُصِلَوا

ماتوا وَإِن عادَ وَصلٌ بَعدَهُ بُعِثوا

تَرى المُحِبّينَ صَرعى في دِيارِهِمُ

كَفِتيَةِ الكَهفِ لا يَدرونَ كَم لَبِثوا