الاجواد؟؟؟و؟؟الانذال

[*مبارك العتيبي*]

الاجواد ساس الجود والجود ساسهم=والاجواد تزرع جودها في عيالها
والاجواد عد" ماتزاحم وروده=والاجواد شجرتها يظلل ظلالها
والاجواد ماتعطي على شان سمعه=والاجواد تسترعرضها من حلالها
والاجواد تفرح يوم تقبل ضيوفها=والاجواد ترضا با اللي الله عطالها
والاجواد ماتخطي ولاتقبل الخطا=والاجواد لوترحل تحصل بدالها
والاجواد تغضي عينها عن قصيرها=والاجواد يرحل جارها ماشكالها
والاجواد مشروب ن قراح ن زلاله=والاجواد ماقد خيبت من عنالها
والاجواد يبقى ذكرها عقب موتها=والاجواد ماتشنى ليا جا مجالها
والاجواد مثل مروح الغيث والحيا=والاجواد با لتوفيق كل (ن)دعى لها
والاجواد تذكربا الثنا والجمايل=والاجواد فعل الخير هو راس مالها
والاجواد دايم فيك تحسن ظنونها=والاجواد ماتشكي على الناس حالها
والاجواد وهل الخيرفي كل ديره=والاعمال با النيات للي سعالها
الانذال لن قاصرتهاعفت قربها=والانذال جربها المهادي وقالها
والانذال يلحق شرها من قربها=والانذال ماتنزل بعالي جبالها
والانذال ماتسترعلى اللي تشوفه=والانذال عنها الناس تقفي رحالها
والانذال تجزى فاعل الخير با الردى=والانذال ماتفرح بضيف" لفالها
والانذال تفرح با الهزيعه لغيرها=والانذال تقصرماتورد حبالها
والانذال ماترضالك الأ الهزيعه=والانذال ماتعني ولاينعنالها
والانذال لوتضحك مثل عقرب الثرأ=والانذال شجرتهاضعيف" ضلالها
والانذال قدامك ثقالآنفوسها=والانذال طول العمرمحد" شكالها
والانذال ماتاثق ولاينوثق بها=والانذال لولا حال تنكرعيالها
والانذال مثل الحنظله مرت الطعم=والانذال ماتافي مع اللي وفالها
والانذال لوتوعدك تخلف وعودها=والانذال با الاحسان محد" دعالها

[صلاح الأحمدي]

/



مبارك العتيبي

صح لسانك وقلبك ، يسلم بوحك ، لاهنت


مودتي


/

[أبوعبدالرحمن]

جزل يا مبارك


صح قلبك وكلك


وسلمت اناملك


مبدع دوما


تحيتي لك

[بيان الغنامي]

صح لسانك يا مبارك

بيض الله وجهك ولا هنت

[ليــن القســا]

درة تدون بماء الذهب ..
سلمت ودمت للرائع شاعرنا ..

[سامي العطاوي]

مبآرِك العتيبي

صح لسآنك ملآيين وِلآيكفوِن

وِبيض الله وِجهك

رآئع لآهنت

[كاسب العز]

صح لسانك وقلبك

لاهنت