ارجوك استاذ المالكي فسر حلمي

[ام بدر22]

حلمت في بيتنا القديم وكنت بالصاله وشفت امي (وهي متوفي في الحقيقه )واختي داخلات مع الباب يبكن ويقولن مات وهن لابسات عبايات واشوف بالصاله زوجة ابي ثم جلست امي واختي على درج المدخل وهن يبكن وذهبت اختي الثانيه لهن تبي تقوم امي واختي وانا ابي اصرخ وابكي ماقدرت ورحت اركض للحوش وطالعت لباب الرجال لقيت اخواني داخلين منه وابوي معاهم شايلين تابوت فيه رجل اول كنت احسب اللي مات ابوي بس لما شفتهمع اخوتي قلت لهم خلوني اشوفه قبل ماتدفنونه كان رجل غريب طلع جدي ابو ابوي (وهو متوفي ولم اراه )رحت له وجلست ابكي واحط يدي على وجهه وكان وجهه فيه دقن والشعر ابيض وفيه شوية سواد ولما رجعت دخل عمي من باب الحريم يضحك بقوة ويقول احسن اللي مات واقول انت ماعندك احساس وجلست ارمي عليه مجموعة حجر صغير واقول اخواني ماراح يسكتون عليك والدور الثاني ماراح تاخذه وكان عمي متغير شكله واحسه صاير شخص ثاني

[ام بدر22]

وفي حلم ثاني من فتره حلمته



اللي اتذكره من الحلم اني شفت ناس كثيره مكفنين وانا انظر لهم من مكان مرتفع زي الجبل وكنت اشوف المسجد الحرام والكعبه وكانوا الموت في المسجد الحرام ويصلون عليهم وكانو كثيرين منهم قريبين من الكعبه ومنهم بعيد عنها فكنت اقول ماشاءالله عليهم ماتو يوم الجمعه فنظرت لجثه مكفنه بعيده عن ساحة الحرم وكنت اسأل نفسي هل هي من اهل الجنه او النار واتوقع ان الجثه للإمرأه



وحلم ثالث واسفه على الاطاله


شفت بالمنام ان فيه وحده مااعرفها قاعده تنتظرني ولما دخلت عليها الغرفه لقيتها غافيه بالنوم على الكنبه وكان لونها احمر او عنابي ولما حست فيني فزت وقامت وسلمت علي وقالت ماتذكرتيني قلت لا ماذكرك انتي مين جلست تذكرني وجابت بنتها وعرفتني عليها وحسيت بالحلم اني تذكرتها وقالت انتي وعدتيني بخاتم ذهب وما نفذتي وعدك وانا ماني فاكره هذا الوعد وجلست افكر كيف اعطيها الخاتم وبعدين قلت اعطيها افلوس 200 ريال ورحت واخذت الفلوس وكانت بيدي لكن صحيت من الحلم قبل مااعطيها

[ام بدر22]

سبحان الله


اتمنى ياشيخي تفسر الحلم

[ام بدر22]

سبحان الله ... سبحان الله

[أ/محمدالمالكي]

أهلا أختي أم بدر


أولا . أرجوا أن يكون في كل موضوع رؤيا وحلم واحد فقط وهذا سبب تأخري..

ثاني أريد الجواب عن الأسئلة التالية:-


كم عمرك؟

هل سبق لك الزواج بأكثر من شخص؟

هل تعانين من مرض ؟له فتره طويله؟

وخيرا أن شاء الله ...

[ام بدر22]

جزاك الله خير شيخي واسفه على كثرة الاحلام ماكنت اعرف بالشروط


كم عمرك؟

36
هل سبق لك الزواج بأكثر من شخص؟

لا .. انا الزوجه الثانيه

هل تعانين من مرض ؟له فتره طويله؟


لا ماعندي مرض قديم بس من سنه وانا تعبانه اولا طلع عندي اورام ليفيه بصدري وبعدين الم بالرجل

والفتره هذي انا حامل

[أ/محمدالمالكي]

أهلا بك أختي أم بدر


الأولى :


يظهر لي أنها ظروف مرت عليك تعبت معها كثيراً إن شاء الله أن القادم من العمر أفضل...والله أعلم


الثانية:

هذه زميلة او صديقة غالية عليك فقدتي أخبارها وإن شاء الله سيعود التواصل وربما أن بعدها بعذر..والله أعلم


الثالثة؟

موقف جميل بتاريخ 2/2/1432هـ وإن شاء الله يكون إيجابي .والله أعلم

[ام بدر22]

جزاك الله كل خير

وبارك الله فيك