أبوي وصاني

[*مبارك العتيبي*]

أبوي وصاني على هبة الريح
وأنا على ظنه حفظت الوصاتي

الصبر.. قال أصبر تراه المفاتيح
وقفلاً لبيبان الردى والشماتي

وأن جا رفيقك عنك منان وشحيح
أبعد عنه والرزق مضمون ياتي

وكثر الكلام وهرجت الحر تلميح
وأخير من بعض الكلام السكاتي

ونفسً هجاج ..وتالي الليل تسبيح
ومد الرجا في خالق الكايناتي

وأحذر ترى الدنيا سوات المراجيح
مافيه أمان ولاعليها ثباتي

وأحذر من اللي ترفع الرجل ويطيح
ويذبحبها الرجال قبل المماتي

وألى هرجت.. توظح العلم توظيح
وكف القدم لاتتبع المقفياتي